بسم الله الرحمن الرحيم
هذي أبيات خفيفة
أرجو تلامس ذائقتكم الراقية
يا ليتني بسراج خلي فتيلة
يا ليتني بسراج خلي فتيلــــــــــة
أو ليتني مثل الفنر يشرب القـــــاز
واكون مع خلي بليلة طويلـــــــه
يقرا كتاب الحب للشوق منحــــاز
ينقض شعر راسه وينظم جديلــــه
وانا احترق له ما أخليه يعتـــــــاز
واصير حوله لا نفض عن شليلـــه
واقدي اعيونه بالانوار يجتــــــــاز
أو ليتني في الجو طير يشيلـــــــــه
من فوق جنحاني وريشي وانا الباز
نطير فوق السحب هاطل هميلــه
نشرب من امطار السحايب بمزاز
أو نغرف من الغيم موية قليلــة
نشرب ونروى بيدنا ذيك الاكواز
والى قضينا من دروب طويلــــه
ناقف ونلعب بالهوا لعب جمبــاز
هو ينبسط وانا ما الاقي مثيلـــه
اطفال بدروب الهوى ننجز انجـــاز
هذا قليبي له أماني جميلـــــــــه
من كل قلبي ارسم بريشتي صادز
حمد عبدالله العقيل
3/6/1432هـ
تابعوا جديد شبكة أبونواف على فيس بوك وتويتر
صح الله السانك
لك شكري وتقديري علي القصيده الروعه