وخروا عني ابطب صاروخ
ايه هي دعوه مني الى جميع هواة التفحيط لمزاوله هذه العاده الخطره التي تزيد الواحد تحكما وسيطره على سيارته يعني حريف
فقد اكتشف الشباب المفحط ان التفحيط هو عنصر من عناصر التي تكمل الرجوله لديهم بالاضافه الى العناصر الاخرى من تدخين و مغازل وحاجات ما تنطرى
فالمفحط عندما يقوم بالتفحيط فهو يثبت للغير مدى مقدرته على السيطره على الموتر طبعا هذا على حساب حياته ,فهو قوي و قدها وقدود بحيث انه يضحي بحياته في سبيل التفحيط واسعاد الجمهور هذا اذا ما صارله شي من اختلال وزنه النطله او انصلخ عليه كفر ولا قشع في غيره طبعا راح يكون مصيره الموت ولا اقلها الشلل او عاهه مستمره لين يقضب القبر ويقابل ربه.
بالاضافه الي المميزات للتفحيط هو انك تخسر ابوك الضعيف
ولا تلعن ام سيارتك في سبيل الجهاد نحو التفحيط . طبعا هذا اذا ما صدمت , وقد اثبتت التقارير ان كل مفحط لابد ان يصدم ولا يضف له واحد ولا يمّوت واحدن مع بالسياره
يعني كانك بتفحط لازم يصيرلك واحدن من هالاشياء. فطبعا انت يالي تفحط حاول قدر الامكان انك تتجنب هالاشياء وافلقني ان ماقد صارلك شي 
ومن مميزات التفحيط الي جد لفتت انتباهي هو ان السياره الي تستعمل لتفحيط اكثرها يابانيه يعني كامري ولا مكسيما مهيب امريكيه وهذا يساعد على مقاطعه المنتجات الامريكيه وتخسير امريكا واسرائيل
, اما الي يفحط بامريكي فنصيحتي له ان يبيع موتره ولا يحرقه لانه الامريكي مهب لتفحيط وبالضافه انك تساعد على توطين اليهود في فلسطين .
بالاضافه انك اذا فحطت وصدمت ولا ضفيت واحد من المتفرجين الذين يشجعونك (طبعا هذا شي عادي في حياة المفحط) يا انك راح تصلح موترك بفلوسك ولا تتدين ولا راح تدفع 100 الف ريال ديه للي موته ومصيرك ابو زعبل واحلق شنبي كان ما راح يصيرلك شي منها 
اما المميزات السلبيه , انك كمفحط غيرك راح ياخذك عبره لعياله ولا عيال عمه , فاذا فحطت وصدمت ومت او انشليت ودليت تمشي على كرسي عجل الكل راح يحمد لله على العقل ويقول اعوذ بالله من التفحيط والي اخترعه وهذا تكون قد قلصت نسبة ازدياد المفحطين وممارسته ونصيحتي لك هو ان تنثبر في بيتكم ودعي الله ان يغفرلك
اما بالنسبه للجمهور العاشق لريحه الكفرات و الهبال فالمميزات كثيره لهم , فهم ياخذون كورس ( درس ) عملي وليس نظري عن فن التفحيط فالمدرس ( المفحط ) يضحي بحياته لأجل ان يفهمكم اصول التفحيط وليس زي الي عندنا بالمدارس والجامعات المدرس ولا الدكتور يشرح وفهمت ولا ما فهمت بصرك 
, شفتوا كيف ان المفحط مخلص في سبيل عمله 
, ويستطيع ان يشرح مره ومرتين لك يعني ياخذ شوط وشوطين علشان تستوعب ( ومساكين بعض المفحطين تأتيهم المنيه وهو يقدمون خدمه جليله للجيل الجديد وتعليمه وطبعا في هذه الحاله المدرس يموت موته القطو وتلاميذه يخلونه ويدورون الفركه
) وطبعا الطالب النجيب هو الذي يستطيع ان يخلف المفحط من بعده يعني يمسك العهده وهذه العهده ما تأتي الا بشهاده مصدقه من المدرس ( المفحط) بان فلان يسوق يسوق زين , فالطالب في هذه الحاله يكبر راسه وكأنه متخرج من جامعه اكس فورد ببريطانيا مدري دبليو كابرس في فرنسا 
والنقطه الحساسه هنا ان الطالب الي توه متخرج عندما ينزل بالساحه لكي يبدأ مشوار عمره بالتفحيط يروحون زي ما يقولون بشربه ميه يعني يقشع ولا يموت و من هذا نستنتج ان الي فحط ما عنده سالفه يعني ناجح من هالجامعه بالدف ولا مبرشم في الاختبار النهائي وتخرج وهو غير كفو ان ينزل بالساحه
واذا سويتا مقارنه بين الي يتخرج من الجامعه التفحيطيه والي يدرس ويتخصص بجامعه معترف بها اجتماعيا و تخدم المجتمع والدوله, نجد ان مستقبل المفحط مفتوح لا نهايه له اما الذي يدرس بجامعه معترف بها مستقبله مغلق و ابعد شي يمكن ان يتصور الانسان ان يصل اليه هو ان يصير دكتور كبير ولا عالم في احد التخصصات العلميه ولا مهندس وكانه كثر اكتشف نظريه علميه واخذ جائزه نوبل ورفع راس بلده بس هذا ابعد شي يمكن ان يصل اليه . اما المفحط فهو يدخل في قلب كل عاشق لتفحيط 
و يصير هدف كل عاشق ان يصل بهالمرتيه ويصير وسط حديث كل المراهقين والعرابجه 
وأنا من رأيي انهم يلغون التصريح لأنه السبب الرئيسي من أسباب التفحيط
هي وقفت على التصريح اشوا انه مافيه ولا موتر في بيتكم الا وجبت به العيد
المسأله على الولد وعقليته يعني الولد اذا كان سبهه واربع وعشرين ساعه يهوجس , فهذا مشروع حادث مربح 
واذا كان الولد في درج سيارته اغاني راب سعوديه مثل كسرات وانت جاي , فهذا ايضا مشروع سربوت قابل للتنفيذ 
واذا كان الولد في درج غرفته اشرطه كبتن ماجد واشرطه تفحيط ايضا 
فهذا مشروع مخفه وكل الدشير يلعبون عليه 
واذا كان الولد دبي وقزم وخدود حمر ومملوح وناديته بأسمه وقالك :- على شحم 
وقالك لا تناديني الا بأبو متعب ,,, فأعرف ان الولد راح سلطه روسيه 
يعني فيه ناس وش حليلهم مؤدب مهوب يسرع ومهوب يفحط هذا والله لا عطيه فراري
وفيه مبزره كبر اصبعي الدبي ما يستاهل انك تعطيه سيكل ابو ثلاث كفرات 
شعارنا معا إلى مجتمع يخلو من الزاحفين
