تصوير : اقتناصات منوعة للعب الطير على الملواح

حياكم الله أحبتي الكرام :
في رحلة سريعة وموعد غير محدد مسبقاً خرجت مع الصقار : عادل سعود الطريقي لتصوير دعو الطيور على الملواح وكانت لي من هناك عدة لقطات أعرض بعضها علها تحوز على رضاكم ..
..

وللتذكير: فإن التصوير كان في آخر العصر والشمس قد خفت إضاءتها مع تواجد سدى سحاب خفيف وهذا كما تعلمون يؤثر على التصوير حيث لابد من توفر إضاءة مناسبة لتصوير مثل هذا النوع ..
كذلك لم يسعفني الوقت لتهيئة عدة التصوير كاملة حيث لم أحمل سوى عدسة الزوم فقط لكن وبحمد الله خرجت بنتائج مرضية بالنسبة لي ..

-1-
روَّح يمتّر ساحة الجو تمتير …. حدمان ومصمل وعنده إرادة

-2-
إليا انطلق ما كنَّه إلا يبي ثار … يسوق في سوق الخصيم التباشير

-3-
لا تل سبقه قلت يا طير لبيه …. واقفى وكني كاسبٍ به ثوابه

-4-
كنه ليا فرع وشاف متفاجي … العاشق الهايم ليا شاف معشوق

-5-

-7-
كـنّه سلاح الحرب للصيد يجتاح … لامـن نواها ما يـبقِّي توالي

-8-
يا زين طلعه لانتفض ثم تله … تل السبوق وعانق الغيم سلمان
وسقنا وراه وكل درب<ن> ندله … أثنين كيلو راح يردم بجنحان
ثم<ن> ضربها وودع الريش فله … ثمن كبسها كبس ماهو بجابان

-9-
أبيها لامن نقطت وفالسما قامت تذوب … خذيت منه وردها ياذياب عن درب النجاة
ثم ردها كمٍ مرد مرهي وفسقان ولعوب …ثم وقعت له وخر من كبد السما مثل الحصاة

-10-
أقفى وأنا أشوفه تقل طلق رميه … من سرعته ياخوك قلبي داعي له

-11-
يطلع وطلعه لا طلع طلع دربيل …. فوق ٍ على طلعه وطبعه لحوقه
اطياره يخلي المقافي مقابيل …. اطيار عين اللي قذا العج موقه

-12-
راح يترقا والحباري مدابيــــــر … لينه قطع روف البلاد المحايـــد
الطير مخرم والحباري معاشير … ولاهو مطرح لين يدمي الصوايد

-13-
الطير هو غايـة غرامـي وشفـي … أقـدره تقديـر الأجـواد للضيـف
من كبر قدره حاملـه فـوق كفـي … وارعاه تسع شهور بالقيظ والصيف
ودهلـه لاشفـت ريشـه مصفـي … على الدعو واخفف النسر تخفيـف
نقلـه يشرفنـي وشوفـه يكـفـي … عن شوف ناس ما تعرف المعاريف

-14-

-15-
طير وقلبه قلب رجال وفطين………من الهدد والصيد ماخذ وسامي

-16-
صيروم ضربه بالهداد انقضاضي … مضرب كفوفه بالحباري شنيعه

-17-
سلام ياحر شلع موجه الريح … حر يسابق ناقلين الذخيــره

-18-
له هيبة فالجـو قبـل المحابيـل … فرخ العقاب ايخاشره في حقوقـه

-19-
ما عاد من جول الحباري شرايد … اقسى من الكافر على ورث الأيتام

-20-
الطير يااهل الطير مثل الرياجيل … ياجب على الصقار يرفع وقاره
مثل الحشيم اللي يقلط على الحيل … والا الشجاع اللي براسه نعاره

الكاميرا: canon d40
العدسة : canon 100-400

في الختام لايسعني سوى شكر الأخ عادل الطريقي وأخية أحمد وكذلك الأخ سلمان المرزوقي ..