اللي يكذب وين يروح؟؟

 اللي يكذب وين يروح؟؟

هلا قروب.. مو احلى من اللي يتميصخ ويقول هااااااااي قروب

المهم

عندي لكم سالفه تبونها والا ماتبونها؟

عموما انا قايلتها يعني همتني الاجابه.

فيني ضحكه تصدقون ..ايه صح شدخلكم هههههههههه

كني مصختها..ايه ادري

على فكره ماابي ابتلش فيكم اللي يقرا السالفه يصك الاتصال بعدين تصير مشكله بالفواتير مالي دخل..بس اللي عنده اشتراك ارامكو لا يسكر عادي خخخخخخخخ..المهم

تدرون.. بقى شوي وتخلص الاجازه .. لا حووول ادري اني وجه شؤم

المهم وانا رايحه لجده تدرون ليه رحت جده؟! لاني بالشرقيه ..سبحان الله..لا رحنا لها لقضاء وقت الاجازه بربوع بلادي ياحبي لي

اقول لكم السالفه اجل

يوم من الايام وانا متسدحه مقابل التلفزيون وافرفر بالمحطات الا وطحت على ام بي سي اذكر  انه فيلم اجنبي يحمس الواحد والله..وانا بنص الفلم يوم بغى البطل يدخل الخنجر ببطن المجرم..وين حنا باليمن..الا وتجي الدعايه لاحووووول وارجع لحالتي الطبيعيه وجات دعاية جنقل لاند واشوف انواع التهريج فيها …نط براسي اني الا غصب اروح لها

مافيه الا يودوني لها

واطلع فوق راس ابوي ..يبى انت تحبني..خخخخخ انواع التميلح

يبى انت اللي ربيتني صح..يبى انا مطيعه صح..يبى انت اذا قلت لي شي انا اول وحده اسويه..يبى انت احسن ابو بالدنيااا كلهااا ..يبى انت حتى احسن من بن لادن..ايه هين..يبى والله ماتلقى بالدنيا وحده تحبك غيري ..يبى حتى امي تحش فيك عند جيرانا…

والله ويصدق ابوي مسكين ..بس المشكله الحين فكر يتزوج  على امي ..

يللا الشرع حلل اربع..المهم ماتطوفنا هالروحه..والله ونجهز اغراضنا وخرابيطنا ونركب السوبر ..بس فيه ملاحظه ماادري تصير معاكم ..الحين ليه دايم اللي يسوق سياره وهو مسافر يحط اشرطة دينيه ومابقى دعاء الا قاله ومابقى شيخ الا وعرف اسمه..واذا هي روحه عاديه حط لك اخر البوم لنوال والا بو نوره..المشكله انا من مناصرين بو نوره ..ماعلينا بس صدق الدين بس  بالسفر ..خخخخ والله حاله..

يؤ يؤ يؤ وين وصلنا..ايه المهم وصلنا جده ..تصدقون مرينا  علىالرياض.. 

المشكله نبي فندق نقعد فيه..طيب مافيه الا بعد روحة للكورنيش..يعني بالشرقيه مافيه بحر ..

الا صدق دايم اذا رحنا الرياض تدرون ليه اروح الرياض؟! لاني  نجديه ..والنعم والله..ماعليك زود.. طيب شدخل هذا بهذا ..لان اصلنا بالرياض ياالدلخ..خخخخخخ

لا اذا رحنا هناك بالرياض يقولون لنا رحتوا البرتسه؟او البركه احيانا..وانا ارد عليهم ربي لك الحمد مافي مكان مافيه بركه..مادريت الا عقب ان البركه يعني بحر خخخخخخخ ياحبي لكم  عادي اقلبوا هضبة نجد بحر

المهم ..الكورنيش كان مليان..ومافيه الا الاستراحات..طيب معليه وش يضر ..ويجي الوالد العزيز ويحجز استراحه .ويجي ذاك الافندي يقول تشربوا شيشه؟! ابوي بسم الله عليه مايدخن..بس سقاير عادي..خخخخخ..طيب المدام والانسات مابيشربوا؟!!!!! انا اطالع فيه ..واقول عادي مافي مانع هو  حار والا بارد..

وهو مسكين يطالع فيني ويقول ..ايييش..لا ابد سلامتك..بس جب لي عصير برتقال..

عاد اليوم الثاني قلت الا ابي اروح جنقل لاند ..المشكله اني اتشوق لها كل مااحط على ام بي سي حتى الفنادق الله يهديهم حاطين ام بي سي بالدش..ونعزم خلاص ونروح جنقل لاند..ماادري يهمكم اسعار الدخول..السنه اللي فاتت الدخول بخمسين ريال..وهالسنه خمسطططعش ريال..زين جعلها بريال ان شاالله (حاقده).خخخخخخ

انا بصراحه تركت الالعاب ماافتكرت ..صافطه الالعاب ..والله من الخوف

رحت طيراااان اشوف ميشووو شووو ..بسم الله تو مابدى الا وهو يقول إإإإإللللك..الك..الك..يؤ يؤ يؤ موب صاحي الرجال

..وانا ماسكة الكاميرا على اني باصوره.الا وتخلص فقرته وبينزل وانا القرويه انادي يوووه ميشيل جيبوا الكاميرا ههههه طارت عباتي يوووه جيبوها ميشيييييل وقف تعااال باصورك لا تروووح يؤ يؤ شوي تطيح الشيله..وهو يطالع فيني..لك شو في ايه انا وائف ..ايه اشوى لا تروح باصورك..واصوره ذيك الصوره اللي مو طالعه فيه الا يدينه مادهم ماادري شتبي..ياحبي لي صورت ميشووو

خلصنا منه جينا للثانيه والله ماادري شيسمونها عصفورة ماادري شقية الام بي سي اف ام..اميره الفضل..عاد هذي حرمه زييي زيها وشوله اصورها..

عاد بالمسابقه طلع اسمي..نداوي بنت ام نداوي..يؤ يؤ شدراها باسمي هاللي ماتستحي..واطلع لها واقول ايه هذا اسمي خير شتبين..ممكن نتعرف.نتعرف طيب كم رقم الجوال لو سمحتي..عشان نعزمكم وتعزموناو مره وحده عشان اشوف انطوان عون ورزان.لووووووول..

طيب سؤال المسابقه يقول: لحظه قبل لا تسأليني لا تجيبن سؤال من بره المدرسه..وتضحك لي ها ها ها ههه لا ان شاالله راح يكون سؤال سهل..طيب اسمعي السؤال.السؤال هو.عندما يكذب الابناء على اهلهم او ابائهم او اي شخص يكذب على مجموعة او اي كان ماهي نتيجة هذا الكذب؟؟وانا اجاوب وبكل اريحيه النتيجه انه يروح جده!!…خبركم

يوم كذبت على الوالد ..

بس صدق نسيت اللي يكذب يروح النار!!! والله شنقول لشركات  النصب ماتذرون الماما وهي تقول لكم اللي يكذب يروح النار

نقطة نقاش  احلىىىى يانقاش انت

بس حبيت بالنهايه اني اقول مو معناته جذب السياح الى منطقه معينه باستغلال العقول والجيوب ..ولا تصدقون هالسالفه ..حنا لما رحنا صحيح شفنا سلبيات وماننكر وجود ايجابيات ..بس الحين ليه الدول العربيه والخليجيه خاصة  ماعندها غير الاستغلال المادي  للشعب .وهو صحيح مو بس عن طريق السياحه حتى بالمسابقات اللي عن طريق التلفون.والله حتى اشياء ثانيه حنا بس لو نقعد نفكر باللي حولنا والله لا نشوف انه كله استغلال..وماننلام والله..وسلامتكم بس عسى ضحكتوا خخخخخخخخخخ

قسم بالله ان احد سرقه والا نقله لا احوس ببطنه تحويس..على القليله اكتب منقول من قروب كذا ومو تنسى اسمي خخخخخخخخخخخخخخخخ

الـــنــــــــداوي

والله كان ودي احط توقيع بس ماادري شلون ههههه والله قولي قسم

ودي احط ايميلي بعد بس ماادري شلون

طولتها صح اقول ترى اول رساله لي بالقروب يعني لا تتشرهون