صور: أنتي كل الناس وحدك, لاهوى قبلك, ولاأمل بعدك!!

انتقاداتكم تهمني .. :$
//
على طاري الانتقاد .. الموضوع اللي راح جلست احتسي عن ذاك العسكري اللي مسك اخوي عند التفتيش .. وحاسبوه عن اربع مخالفات .. ثلاث منهم كذب وافتراء ..
طيب شوفوا هالقفطه, رجل مرور يقطع الاشارة قدام كل ابو العالم وواضحه من الصورهـ كل التفاصيل :

هذا من يحاسبه؟!!
ولا حتى ولع السفتي !!
يقولون اني اصلح اشتغل فالمرور السرّي خخخخ
//
على طاري المرور وحفظ الحقوق ..
واحد يسال خويه: انا رحت مع العالم وشريت لي مكينة سنقر بـ 100 الف من واحد يقول لي فيها زئبق احمر وعلى الشرط بعد ..
وحط لي جواله ابو بصمه وراحت الابراج كل ابوها ..
واكتشفت الحين انه انلعب علي .. وش السواة ..؟!
قال له: تبي حقوقك؟!
قال: ايه ..
رد عليه: تعال دوّر !!

/
زي العادهـ .. المقدمة تاخذ نص الموضوع .. ويمكن احيانا اكثر
احس يبي لي اخذ دورات فالمقدمات مدري ليش .. المهم لاتضيعون وقت فالحتسي اللي فوق .. انزلوا للفقرات ..!
/
ملاحظة كبر قريح:
((لا تقرون الموضوع وانتم فاضين .. لكن فضوا اعماركم عشان تقرونه))
<~ كيف بس ؟!
بسم الله نبدا :$

][ مدخل ][
لا هوى قبلك..!
ولا امل بعدك..!
لا سما الا عيونك..
ولا ثرى في وعدك..
انتي كل الناس وحدك ..!!

][ بايعتها ][

نزل احد ائمة المساجد لـ احد الصرافات وسحب مبلغ 5000 ريال من حسابه,
وبيتبرع فيها لاحد المرضى المنومين في المستشفى,
لكنه يوم انه رجع لسيارتهِ لقى فيها حرمه ..
المهم انه رجع يتاكد من اللوحه ولقاها نفس سيارتهـ
الموهم انه راح مع الشباك وقال لها انزلي يابنت الناس تراتس غلطانتـ(ن) فالموتر..
نزلت الحرمه , همّن يوم ركب هو وترجع تركب هي مرتـ(ن) ثانيه معه ..
قالت له هات المبلغ اللي معك , وهو عاد حاول يذكرها بالله عز وجل وان هالشي حرام,
همّن قالت له انا بايعتها وعلى بال ما تطلع من القضية تكون تمرمطت
وحاول يعطيها 2000 ريال بس هي اصرّت على 10000 , عاد عطاها الـ 5000 اللي معه ,
وعطته هي 100 ريال على حدّ قولها حق البنزين
ونزلت من السيارهـ وقطعت الشارع وهو مبلّمـ(ن) خشته ومهوب مصدق اللي صار ..
عاد يقول : الحمدلله انها انتهت على كذا , خلوها تاخذ الـ 5000 مقابل هالفضيحه .!!
/
/
نجي للنقاش الحين :
سـ/ شرايكـ يا ادم بتصرف هالادمي, هل هو صح ولا غلط؟؟
سـ/ هل يا حواء تتوقعين فيه بنات قلوبهم هيك؟؟ ويسوون مثل هالشي؟؟
سـ/ لو انت يا ادم مكانه بتسوي مثله ولا وش بتسوي؟؟
سـ/ من اول كنا نسمع ان بعض الرجال (بغض النظر عن الجنسيه) يسوّون هالسوايا, ووصلت الحين لبعض النساء , (بغض النظر عن جنسياتهم ايضا) ..
سـ/ وش الاسباب اللي تتوقعون انها خلت هالحرمه تبيعها حسب كلامها .. بما فيها سمعتها وعِرضها, وتسوي هالسوايا؟؟

][ قدام المدخل ممنوع , في الخلف بـ قريح ][

سالني مرتن من المرارير احد الاشخاص: متى بنتطور؟
قلت له: يمكن اذا مارمينا اوساخنا في الشوارع..!
××
في احد المرات المريرة التي مريت فيها مرور الكرام مع مرور الزمن بمرور فترة المساء القصيرهـ
مريت باحد العماير في مدينة الرياض العاصمة , وشفت هالمشهد ..!

يحق لاي شخص ان يكون مدخل منزله نظيف, لان نظافة المدخل جزء مهم لمظهر صاحب المنزل..
وهالمسكين حط هاللوحة عشان يتخلص من (بعض التصرفات الخاطئة لسكان العمارة) من رمي القمامه قدام المدخل ..

صاروا المساكين يخافون منه , او عشان ننصفهم نقول (يحترمونه شوي) ..
بس صاروا يرمون مخلفاتهم خلف مدخل العمارة ..

صارت القاعدة هنا (قدام المدخل ممنوع , في الخلف بـ قريح) ..!

انا لو اني ساكن هنا اتوقع بسوّي قطة لاهل العمارة ونشتري بها سطل زبالة ..
وما استبعد يجي واحد يرمي مخلفاته جنب الزبالة ..!
صورة بسيطة او نقول عابرهـ , بس تتكرر في مناطق كثيرة في ديرتنا للاسف الشديد ..

السؤال هنا :
مع مرور الشمس في الصيف والشتاء وتقهقر الوقت في الصبح والمساء وحومة التسبد في الغداء والعشاء ..
متى بنتطوّر.؟!
هل هو تقصير في توفير اماكن القمامة / او نقص الثقافة وعدم النظافة..؟
في سطر وربع .. كل واحد يسال نفسه ويعطينا رايه .؟!

.

][ فاصل ][

من ملك ضحكة عيونك..
وابتسام الفجر فيها..
ما بقى في الدنيا ناس..
ولا بقى ارضٍ يبيها..
انتي يا عمري الليالي..
كلها قربك وبعدك..
وانتي كل الناس وحدك ..!!
لا هوى قبلك..!
ولا امل بعدك..!

][ طـ ق اق × طـ ق اق ][

.
][ قطاوهـ × قطاوهـ ][

الفرق بين القطو اللبناني والقطو السعودي :

القطو اللبناني:

ينعن بليسها لوها ادمية صدز خطبتها لو مسيار ..!

القطو السعودي:

وذا لوهـ ادمي وخلصوا الرجاجيل مازوجته بنتي ..! يالعربجي يا وع << ياي

][ مخرج ][

انا احبك والله شاهد..
روحي من غيرك تضيع..
وان حكى في حبي واحد..
اتركي انتي الجميع..
اظلمي قلبي بدلالك..
وانصفي منهو يردك..
انتي كل الناس وحدك ..!!
لا هوى قبلك..!
ولا امل بعدك..!

كلمات:
بدر بن عبدالمحسن
البدر

في الختام .. اشكركم على متابعة الموضوع للاخير …
واتمنىا ان يحوز على رضاكم وينال ذائقتكم كل ابوٍكم ..
واللي يبغى يردّ لو على فقرهـ وحدهـ عجبته يجوز ترى .. اوب لازم احد يفصفص ام الموضوع ..
اللهم اغفر لي ولكم .. ولوالديّ ووالديكم واجدادي واجدادكم وجميع المسلمين والمسلمات الاحياء منهم والاموات (F)
سبحانك اللهم وبحمدك , اشهد الا اله الا انت , استغفرك واتوب اليك

اللَّهُمَّ انْتَ رَبِّي ، لا الَه الا انْتَ خَلَقْتَني وانَا عَبْدُكَ ، وانَا على عهْدِكَ ووعْدِكَ ما اسْتَطَعْتُ ، اعُوذُ بِكَ مِنْ شَرِّ ما صنَعْتُ ، ابوءُ لَكَ بِنِعْمتِكَ علَيَ ، وابُوءُ بذَنْبي فَاغْفِرْ لي ، فَانَّهُ لا يغْفِرُ الذُّنُوبِ الا انْتَ

.
الاستماع للقران الكريم
.
كتبه واملاهـ / باء نقطه شين
بدر.الشوق
وفي رواية / ابو س ـعد
سلامـ