صور: أنتي كل الناس وحدك, لاهوى قبلك, ولاأمل بعدك!!


السلام عليكم ورحمة الله وبركاته /
صباحكم / مساءكم معطر بريح الاجازات اللي ماتطوّل .. /
يعنبوها من اجازة ماتسوى ع الواحد يطلع او يهجّ الا وهي قاضيه .. /
لو انهم خلونا نكمل ونخلص مبكرين ازين .. حتىا حجوزات مالقينا .. يقول لي واحد فالخطوط ليش ماحجزت قبل شهر من الاجازه .. يعنبوك وش يدريني اني بشتهي اروح الشرقيه ولا مكه وقتها .. يمكن انشغل ولا اهوّن .. /
مير سحقا لتس يالخطوط السعوديه .. /
علىا طاري الشرقيه .. هذي صورة خذتها قبل شهر على كورنيش الخبر .. الموهم طبقت عليها احد الدروس اللي خذتها من استاذي وقدوتي في التصوير صاحب الكاميرا البهيه والنظره العصيه والبسمه الشقيه : سلطان السلطان ../
عقب مالعبت فيها وحسّيت اني اقوى شي فالعالم قلت بوريكمياها .. لعل وعسى ان تحوز على رضاكم وتنال ذائقتكم وتحسّون بالاحساس اللي خلاني اطلق من سلطان نفسه <~لايكثر خلاص درينا انك تعرف تصور خخخ/
.
/

انتقاداتكم تهمني .. :$
//
على طاري الانتقاد .. الموضوع اللي راح جلست احتسي عن ذاك العسكري اللي مسك اخوي عند التفتيش .. وحاسبوه عن اربع مخالفات .. ثلاث منهم كذب وافتراء ..
طيب شوفوا هالقفطه, رجل مرور يقطع الاشارة قدام كل ابو العالم وواضحه من الصورهـ كل التفاصيل :

/




هذا من يحاسبه؟!!
ولا حتى ولع السفتي !!
يقولون اني اصلح اشتغل فالمرور السرّي خخخخ /
//
على طاري المرور وحفظ الحقوق ..
واحد يسال خويه: انا رحت مع العالم وشريت لي مكينة سنقر بـ 100 الف من واحد يقول لي فيها زئبق احمر وعلى الشرط بعد ..
وحط لي جواله ابو بصمه وراحت الابراج كل ابوها ..
واكتشفت الحين انه انلعب علي .. وش السواة ..؟!
قال له: تبي حقوقك؟!
قال: ايه ..
رد عليه: تعال دوّر !!

/
/
زي العادهـ .. المقدمة تاخذ نص الموضوع .. ويمكن احيانا اكثر/
احس يبي لي اخذ دورات فالمقدمات مدري ليش .. المهم لاتضيعون وقت فالحتسي اللي فوق .. انزلوا للفقرات ..!
/
ملاحظة كبر قريح:
((لا تقرون الموضوع وانتم فاضين .. لكن فضوا اعماركم عشان تقرونه))
<~ كيف بس ؟! //
بسم الله نبدا :$

/

][ مدخل ][
لا هوى قبلك..!
ولا امل بعدك..!
لا سما الا عيونك..
ولا ثرى في وعدك..
انتي كل الناس وحدك ..!!
///

/

][ بايعتها ][

/

نزل احد ائمة المساجد لـ احد الصرافات وسحب مبلغ 5000 ريال من حسابه,
وبيتبرع فيها لاحد المرضى المنومين في المستشفى,
لكنه يوم انه رجع لسيارتهِ لقى فيها حرمه ..
المهم انه رجع يتاكد من اللوحه ولقاها نفس سيارتهـ
الموهم انه راح مع الشباك وقال لها انزلي يابنت الناس تراتس غلطانتـ(ن) فالموتر..
نزلت الحرمه , همّن يوم ركب هو وترجع تركب هي مرتـ(ن) ثانيه معه ..
قالت له هات المبلغ اللي معك , وهو عاد حاول يذكرها بالله عز وجل وان هالشي حرام,
همّن قالت له انا بايعتها وعلى بال ما تطلع من القضية تكون تمرمطت
وحاول يعطيها 2000 ريال بس هي اصرّت على 10000 , عاد عطاها الـ 5000 اللي معه ,
وعطته هي 100 ريال على حدّ قولها حق البنزين
ونزلت من السيارهـ وقطعت الشارع وهو مبلّمـ(ن) خشته ومهوب مصدق اللي صار ..
عاد يقول : الحمدلله انها انتهت على كذا , خلوها تاخذ الـ 5000 مقابل هالفضيحه .!!
/
/
نجي للنقاش الحين :
سـ/ شرايكـ يا ادم بتصرف هالادمي, هل هو صح ولا غلط؟؟
سـ/ هل يا حواء تتوقعين فيه بنات قلوبهم هيك؟؟ ويسوون مثل هالشي؟؟
سـ/ لو انت يا ادم مكانه بتسوي مثله ولا وش بتسوي؟؟
سـ/ من اول كنا نسمع ان بعض الرجال (بغض النظر عن الجنسيه) يسوّون هالسوايا, ووصلت الحين لبعض النساء , (بغض النظر عن جنسياتهم ايضا) ..
سـ/ وش الاسباب اللي تتوقعون انها خلت هالحرمه تبيعها حسب كلامها .. بما فيها سمعتها وعِرضها, وتسوي هالسوايا؟؟

/

][ قدام المدخل ممنوع , في الخلف بـ قريح ][

سالني مرتن من المرارير احد الاشخاص: متى بنتطور؟/
قلت له: يمكن اذا مارمينا اوساخنا في الشوارع..!/
××
في احد المرات المريرة التي مريت فيها مرور الكرام مع مرور الزمن بمرور فترة المساء القصيرهـ /
مريت باحد العماير في مدينة الرياض العاصمة , وشفت هالمشهد ..!/

/

يحق لاي شخص ان يكون مدخل منزله نظيف, لان نظافة المدخل جزء مهم لمظهر صاحب المنزل..
وهالمسكين حط هاللوحة عشان يتخلص من (بعض التصرفات الخاطئة لسكان العمارة) من رمي القمامه قدام المدخل ../

/

صاروا المساكين يخافون منه , او عشان ننصفهم نقول (يحترمونه شوي/) ..
بس صاروا يرمون مخلفاتهم خلف مدخل العمارة ..

/

صارت القاعدة هنا (قدام المدخل ممنوع , في الخلف بـ قريح) ..!/

انا لو اني ساكن هنا اتوقع بسوّي قطة لاهل العمارة ونشتري بها سطل زبالة ..
وما استبعد يجي واحد يرمي مخلفاته جنب الزبالة ..!/
صورة بسيطة او نقول عابرهـ , بس تتكرر في مناطق كثيرة في ديرتنا للاسف الشديد ../

السؤال هنا :
مع مرور الشمس في الصيف والشتاء وتقهقر الوقت في الصبح والمساء وحومة التسبد في الغداء والعشاء ../
متى بنتطوّر.؟!/
هل هو تقصير في توفير اماكن القمامة / او نقص الثقافة وعدم النظافة..؟
في سطر وربع .. كل واحد يسال نفسه ويعطينا رايه .؟!/
/
.
/

][ فاصل ][

من ملك ضحكة عيونك..
وابتسام الفجر فيها..
ما بقى في الدنيا ناس..
ولا بقى ارضٍ يبيها..
انتي يا عمري الليالي..
كلها قربك وبعدك..
وانتي كل الناس وحدك ..!!
لا هوى قبلك..!
ولا امل بعدك..!
///

/

][ طـ ق اق × طـ ق اق ][

/
/
/
/
/
/
/
/
/
/
/
/
/
/
/
/
/
/
/
/

/
.
][ قطاوهـ × قطاوهـ ][

الفرق بين القطو اللبناني والقطو السعودي :

القطو اللبناني:

/

ينعن بليسها لوها ادمية صدز خطبتها لو مسيار ..!

القطو السعودي:

/

وذا لوهـ ادمي وخلصوا الرجاجيل مازوجته بنتي ..! يالعربجي يا وع << ياي

][ مخرج ][

انا احبك والله شاهد..
روحي من غيرك تضيع..
وان حكى في حبي واحد..
اتركي انتي الجميع..
اظلمي قلبي بدلالك..
وانصفي منهو يردك..
انتي كل الناس وحدك ..!!
لا هوى قبلك..!
ولا امل بعدك..!
///

كلمات:
بدر بن عبدالمحسن
البدر

/

في الختام .. اشكركم على متابعة الموضوع للاخير …/
واتمنىا ان يحوز على رضاكم وينال ذائقتكم كل ابوٍكم ../
واللي يبغى يردّ لو على فقرهـ وحدهـ عجبته يجوز ترى .. اوب لازم احد يفصفص ام الموضوع .. /
اللهم اغفر لي ولكم .. ولوالديّ ووالديكم واجدادي واجدادكم وجميع المسلمين والمسلمات الاحياء منهم والاموات (F) / /
سبحانك اللهم وبحمدك , اشهد الا اله الا انت , استغفرك واتوب اليك
/
اللَّهُمَّ انْتَ رَبِّي ، لا الَه الا انْتَ خَلَقْتَني وانَا عَبْدُكَ ، وانَا على عهْدِكَ ووعْدِكَ ما اسْتَطَعْتُ ، اعُوذُ بِكَ مِنْ شَرِّ ما صنَعْتُ ، ابوءُ لَكَ بِنِعْمتِكَ علَيَ ، وابُوءُ بذَنْبي فَاغْفِرْ لي ، فَانَّهُ لا يغْفِرُ الذُّنُوبِ الا انْت
َ
/
.
الاستماع للقران الكريم
.
كتبه واملاهـ / باء نقطه شين
بدر.الشوق
وفي رواية / ابو س ـعد
سلامـ

///
عالم من الفضاوهـ

 

للتواصل: [email protected]


تعليقات 34

  1. يسعدك ربي دنيآ وآخرهـ وآلله آيميلآتك توسع آلصدر 🙂 آتمنىآ تكون دآيم ضمن رسآيل آلقروب

  2. تشكر علي المواضيع الجميله بدون مجامله اختيارك روعه وتعليقك اروع بكثير اللةيعطك العافية ومن افظل الي افظل يابدر الشوق وجه البدر علي اسمك توقيع اخوك :عادل :ماهوبيدي لي غليتك انت الغلاء كله ……………….

  3. :$ هههههههههههههههه السلام عليكم ما قدرت اسكر فمي وأنا اضحك بطني عورني ههههههههههههههههه الصور والتعليقات ذبحتني هههههههههههههههههههههه يعطيك ألف عافيه ونبا أكثر بعد :$

  4. خلطه سرية كوكتيل عدني. رايح فيها يازين بوفية عبدو . نبي صور محطات الوقود ع خط الطايف ولا تنسى مطاعم المندي والا ستاف حقهم ( تكفى) بس لو ترسلونها لروساء البلديات موب ازين…. مدري وشلون بتاصلهم …. تعال الدمام ابوي وطريق المطار احلى صور لا والا الدوار مدخل الدمام. ابا حسين ما ادري من وين يروح بسيارته. اكيد خط خاصصصصص وشلون يوصل مكتبه هههه

  5. :Dالصور كلها حلوة والتعليقات احلى بس شكل القطو من قطاوة شارع عسير اول

  6. حقيقة ليس لي أي تعليق لكنك أضحكتني من كل قلبي وأنا من زمان ماضحكت هالضحك :$:$ فألف شكر لمواضيعك الشيقه حنا محتاجين نفك عن أنفسنا شوي

  7. بالنسبه لصورة الدوريه اظنها غير صحيحه والدليل ان الرصيف خلفه بالظبط اي انه متوقف لاجل مهمه في نفس التقاطع وهذه تحدث كثييير على العموم مشكوووووووووور

  8. 😀 يسعد لي مسائك بدير وربي موتتني ضحك الله يسعدكـ دنيا وآخره يعطيك العافيهـ ع هالاداء تحياآآتي لكـ8)

  9. منهو الي مشخبط على الجدار وكاتب ابو نواف تحت لوحة الرجاء عدم رمي القمامه ؟؟؟؟؟ اعتقد انه فظح نفسه :$:D:D اشكرك بعنف على المشاركة الرائعه

  10. الصور كلها معبره بلا استثناء كل وحده منهم تحكي موقف اشكرك مواضيعك شيقه وممتعه تسلم الأيادي وربي يسلمك

  11. والله لو انا منه كان فاقعت وجها بوكسات ونزلتها من السياره ولا وديتها اقرب زباله ورميتها فيه ههههههههههه وش هابنات اخر زمن

  12. تراك طفشتنا تزوج وفكنا انت ما لاحظت كم ذكرت زواج المسيار في مواضيعك >>أمزح معك على طاري قصة الحرمة اللي ركبت سيارة المطوع هذي بجاحة ولا حاجة؟!

  13. وش ذا الحلا وخفه الد م من جد مت ضحك علي تعليقتك علي الصور تجنننننننننننننننننن الله يعطيك العافيه والشعر رائع جداااااااا وصور القطوه عسل الله يعطيك العافيه

  14. وش ذا الحلا وخفه الد م من جد مت ضحك علي تعليقتك علي الصور تجنننننننننننننننننن الله يعطيك العافيه والشعر رائع جداااااااا وصور القطوه عسل الله يعطيك العافيه

  15. يعطيك العافية على الموضوع …الصراحة متعة وهدف فكت راسي سالفة الحرمة بس انا اشوف ان الرجال لما عطاها بكذا تتشجع انها تكرر العمليه مره ثانية ..الواحد طبعا اذا صار بالموقف مومثل اللي يعلق بس اشوف لو انه قالها انزلي ولا ترى مالتس الا ثلاث تسعات اتصل عليهم يتفاهمون معتس يمكن تخاف ولو ماخافت يتصل من حد عليهم الدنيا مو فوضىى لا فيه فضيحة ولا شئ هو ماسوى شئ علىالعموم الله يهديها ان شاء الله وشكل الحاجة عمت قلبها وعقلها وباعتها جد تعليقات لصور مو بس تضحك الا تقطع المصارين:$

  16. يا إنك منسم وإلا شارب < شارب والا لحيه هع < برآآ B عاد أقولك عن سالفة الحرمه عز الله ابطي ماسويتها ..بس الرجال مااش خاف لأنها ملعونه عارفه انه بيوافق اهببب ياوجهها والصور خصوصآ حقت الترجمه اهم شي ابو مزنه :$ وريحة الإباط :$ 🙂 صور وتعليق فنتاستك < يارب صووح

  17. والله انك رهيب يا بدير ويعطيك الف عافيه عن جد اجازه حلوه وطويله هههههههههههههههههههههههههههه

  18. الله يعافيك اخوي بدر الشوق , مشاركه ولا أروع , مبــدع كعادتك. أما عن موضوع المطوع والمره بصراااحه بجاحه الى أبعد حد , وانا مره صادفت حاجه زي كذا لكن الحمدلله فكني الله , والله يغني المسلمين والمسلمات ويستر خواتنا واخواننا ويرزق المحتاج..اللهــم آميـــن. في أمان الله ( :

  19. بصراحة على اني قليل اللي اقرا مثل هالمواضيع احس البعض يحاول يستظرف ومايفلح..بس بجد امتعتني بهالتعليقات العسل… بخصوص المطوع والحرمة..منقهره منها لو انا منه والله لا اخلي اللي مايشتري يتفرج 🙂 الصور والتعليقات عجيييييييييييييييبه يسلموووووووووووووووووو

  20. موضوع خطير من جميع النواحي ماشالله صور وتعليق ومواضيع وافكار رووووووووووعه بصراحه متعوب على الموضوع ننتظر جديدك 😀

  21. كتبت فابدعت سلمت يداك ماشاء الله عليك ما قدرت اوقف من الضحك ههههههههههه تشكر ع الجهود

  22. ((لا تقرون الموضوع وانتم فاضين .. لكن فضوا اعماركم عشان تقرونه)) روعة العبارة شكراً على الصور والتعليقات وروعة الأشعار

  23. والله ان الحرمه حقير وزباله<<من قلب القهر لكن انه يعطيها اللي تبي هذي معصي والله لو إيش بس الغريب وشلون ركبت السياره وهي مقفوله<<لا تصير السالفه اشاعه بس الشي الثاني مستحيل تصير حاجه لوها محتاجه رضت بالالفين

  24. ههههههههههههههههههه الصور حلوة والقطاوة شي ثاني ههههههههههههه سلمت هالايدين

  25. الموضوع كآلعادة تآلق في تآلق وجونآن × جونآن 😀 خفة دم زي آلعسل تعودنآ نشوفها ع طول في موآضيعك :$ وآلصور تفطس آلوآحد من آلضحك صراحه :$ وآلتعليقآت آحلى وآحلى سلمت آيهآ البدر آلمتآلق في سآحة آبو نوآف وفي كول مكآن 😀 ربي يسعدك . ويخليك ونشوف لك آحلى موشآركآتك آكوس شيء في آلعآلم كآن بصحبتكم في هذه آلرسآله آلقصيرة روح آلخ 🙁 < ترى هذا آلموستخدم مو غريب آلبته بس مريت من هنآ قلت آحط توقيعي وآتشرف بالمرور سلآمي لك

  26. هههههههههههههههههههههههههههههههههههه آهم شئ آلقرد بس 😀 تسلم آبو شوق :$

  27. ههههههههههههههههههههههههههه ههههههههههههه ياخي قطعت بطني من الظحك بغيت اموووت :> اقول لا تكبرها احسن لك … على العموم تسلم يديك يالغالي خاصة على الصور طقاق من جد رائع هنا كريييييييت من الضحك .. لا تحرمنا من جديدك يالغالي ..

  28. اطلق شي صراحه الصور والاروع تعليقك عليها وربي ضحكت من قو الضحك انواع الانبراشات والتشقلبات في الملحق قسم بالله اني اضحك وانا بالحالي يعني مع نفسي تقل شام لي بنزيم 91 انواع التفتفته دمت متستساًَ ومزحلطاًَ أخوك مشبب صديق ابو مزنه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

صور: أنتي كل الناس وحدك, لاهوى قبلك, ولاأمل بعدك!!

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول