سريلانكا أو سري لانكا وسابقاً سيلان، رسميا جمهورية سريلانكا الديمقراطية الإشتراكية (السريلانكية ؛ سيلان المعروفة قبل سنة 1972)، هي جزيرة كبيرة في المحيط الهندي جنوب الهند، وهي دولة جزريه في جنوب آسيا، تبعد حوالي 31 كيلومتراً (19،3 ميل) من الساحل الجنوبي للهند، شهدت أعمال عنف من قبل متمردي نمور التأميل الانفصاليين في الفترة من 1983 إلى 2001.
بسبب موقعها في طريق من الطرق البحرية الرئيسية، حيث تربط بين غرب آسيا وجنوب شرق آسيا، وكانت مركزا للديانة البوذية منذ العصور القديمة. واليوم فان هذا البلد متعدد الأديان والأعراق أمة مع ما يقرب من ثلث السكان من أتباع البوذيه والبقية من الديانات الأخرى، ولا سيما الهندوسيه والمسيحية والإسلام. السنهاليين يشكلون غالبية السكان إضافة إلى التاميل، الذين يتركزون في شمال وشرق الجزيرة، والذين يشكلون أكبر أقلية عرقية. الطوائف الأخرى وتشمل الأراضي البور والمسلمين الماليزيين.
تشتهر الجزيرة بإنتاج وتصدير الشاي والبن والمطاط وجوز الهند، وسريلانكا تنتقل بشكل تدريجي إلى الاقتصاد الصناعي الحديث، ويتمتع سكانها بأعلى دخل للفرد في جنوب آسيا. كما تشتهر سريلانكا بالجمال الطبيعي من المتمثل في الغابات الاستوائية والشواطئ والمناظر الطبيعية، فضلا عن التراث الثقافي الثري، ما جعلها مقصد سياحى عالمي شهير.
بعد أكثر من ألفي سنة من حكم الممالك المحلية، احتلت أجزاء من سريلانكا كانت محتلة من قبل البرتغال وهولندا في بداية القرن السادس عشر، قبل السيطرة على البلد بكامله من قبل الإمبراطورية البريطانية في 1815. وخلال الحرب العالمية الثانية اعتبرت سريلانكا بمثابة قاعدة هامة لقوات الحلفاء في الحرب ضد اليابان.
نشأت حركة سياسية قوميه في هذا البلد في أوائل القرن الماضي والتي هدفت إلى الحصول على الاستقلال السياسي، الذي حصلت عليه من الاحتلال البريطاني بعد مفاوضات سلميه في سنة 1948.
المصدر : wikipedia
الجزيرة تزورها.. والمستكشف الإيطالي بولو يصفها بأفضل جزيرة في العالم .
تستنفر جزيرة سيريلانكا كافة طاقاتها لاستقطاب السياح من دول الخليج العربي، بشكل عام ومن السعودية بشكل خاص، مسخرة في سبيل ذلك كل إمكاناتها الحكومية والخاصة.
فهذه الجزيرة الصغيرة على الخارطة، الكبيرة في مكوناتها الطبيعية، تفتخر بين نظيراتها من الوجهات السياحية في دول شرق آسيا، بكونها جزيرة بكر غير مكتشفة، تشكل في مجملها حديقة كبرى تزخر بجميع أنواع الأشجار والنباتات والزهور والثمار، حتى لا يكاد يخلو متر مربع واحد في الجزيرة من اللون الأخضر، في الوقت الذي تحيط بها الشواطئ من كل جانب بطول يزيد عن 1600 كيلومتر.
لـ متابعة المقال من جريدة 
اضغط هنا – 
–
.. الرحلة والتكاليف ..
مدة الرحلة : ١٤ يوم .
خطة الرحلة : كولمبو – بنتوته – كاندي – نوارليا – نيقمبو – كولمبو .
عدد المسافرين : سبعة . [ خمسه فوق الـ ١٢ سنه ، اثنين تحت ١٢ سنه ] .
تكلفة الرحلة كاملة " شاملة التذاكر " : ٤٠ ألف ريال سعودي .
الخطوط : السيرلانكية ، ٥ ساعات مدة الطريق ، التذاكر كلفتنا ١٧ ألف ريال ، وطبعاً لو اننا ماخذينها قبل بشهر كان راح علينا حول نص السعر 
بس الحمد لله ع كل حال .
فرق التوقيت بين السعودية وسيرلانكا : ساعتين ونصف تقريباً .
العمله : الروبية ١ ريال سعودي = ٣٠ روبيه .
لغتهم : السنهاليه .. لكن كثير منهم يتكلمون انجليزي بسبب الاستعمار الانجليزي اللي جاهم .. وفيه كم نفر يطقطون عربي 
كل الفنادق كان معها فطور .. فيه منها المجاني وفيه اللي مدفوع لكن اغلبه مدفوع .. يعني يعطونك شخصين للغرفة مجانا والباقي لا .
بالنسبة للنت مافيه مجاني أبداً :/ بعض الفنادق أسعارها معقوله .. يعني الساعة ب١٠ ريال ، وبعضهم الساعة ب٨٠ ريال 
فـ اللي ناوي يقرا ويبحث عن المحلات والاماكن اذا راح هناك .. لايفكر بهالشي .. وبعدين ماهنا محلات تسوا .. كلها كم محل وسجلوهم بورقة وقولوا للسواق هناك يوديكم وقضينا 
المكتب اللي تعاملنا معه : في السعودية ماكان مستواه حلو .. انحسنا معه كثير للأسف 
فـ الله يستر ع اسمه 
.. فيه مكتب في سيرلانكا مرره حلوو وخدمنا كثير وخصوصا مع السواق .. ينقي لك اطلقهم 
وبـ ١٨٠ ريال لكل اليوم 
الله يديم الرخص ويختلف السعر من سيارة لسيارة ..
العوائل الصغيرة أتوقع مايكلفهم شي يسوا ..
اسمه مظفر .. ماليزي أصله ، ويتكلم عربي أزين مني ومنكم ماشاء الله
الكاميرا والعدسات المستخدمة في التقرير : Canon 1000D ، Lens Canon 50mm + Tokina 11-16mm
بعض الصور بحقوق اختي " روح محلقه " بكاميرتها canon Digital IXUS 110 IS 
كثير من الصور من داخل الفنادق اللي سكنّاها ويمكن هالشي مايجوز لبعضكم بس الديره اساسا موب سياحيه .. ومافيها أماكن ينطلع لها .. كلها تنعد ع الأصابع .. يعني المتعة في الطبيعة وفي الجو وفي البحر .. وكلها متوفره بالفندق .. خصوصا داخل الفنادق الوضع مرتب ونظيف ..
واللي يبي يطلع برا يطلع بس ماظنتي بيلقى نظافه وترتيب 
الجو هناك يختلف من منطقه لمنطقه لكن عموما حلو وبارد اذا ماطلعت الشمس .. لكن اذا طلعت يمدحون الغرف والمكيفات
الأوربيين مستحليّن الدنيا هناك يعني فيه مناظر مش ولابد يالله لاتسخط علينا ..
الدنيا هناك كلها خضراء وين مانروح ماشاء الله 
والمدينة مليانه فقراء ومساكين
بالنسبة للأسواق .. فيه اكثر من محل بضاعتهم حلوه وماركات بأسعار رخيصة .. لكن ماجاز لي الا محل من 5 ادوار اسمه Fashion House يبيع ملابس كبار وصغار ورجال وكل شي .. صح انه بالنقاوه الواحد يلقى .. بس يستاهل ..
فيه محل اسمه اودل مشهور عندهم .. رايق وبضاعته حلوه .. وأسعاره عادية الى غالية .
المطاعم : المشهورة منها قليل .. وفي المدن بس .. أكلهم حااار .. ف اللي مايحب الحار لازم يطلب انه يصير بارد .. وعاد حظك نصيبك ..
* مقاطع الفديو ماخذتها من اليوتيوب .. يعني موب من تصويري .
،
قبل التقرير .. وقبل السفرة .. لا تنسون تكون هالأشياء من الأساسيات اللي تأخذونها معكم ..
قال رسول الله صلى الله عليه وسلم : " لئن يهدي الله بك رجل واحد خير لك من حمر النعم " .
* أشرطة كاست أو سي دي للقرآن بتحتاجونها هناك مع المسافات الطويلة .. ونفس الشي اذا خلصتوا خلوها مع السواق .. ماتدرون من اللي بيسمعها بعده ويهتدي على يدينكم بإذن الله 
Colombo
كولمبو
continental ceylon
2 days
رحلتنا الساعة ١٠ في الليل بتوقيت السعودية .. ووصولنا كولمبو الساعة ٥ الفجر بتوقيت سيرلانكا .. الطيران السيرلانكي مش بطال .. وأفضل من السعودي !
وصلنا ورحنا للفندق اللي عليه خطتنا cinnamon grand .. بس للأسف صار الحجز متكنسل وانحسنا : اتصلنا ع المكتب في السعوديه وقالنا صارت حوسه ومدري ايش .. وبنحجز لكم في فندق ثاني .. كل هذا خذ مننا ٨ ساعات 
فيما جينا .. وفيما بدا دوام المكتب اللي في الرياض … لكن الحمد لله .. لعلّها خيره .
حجز لنا المكتب في فندق ( continental ceylon ) .
الصوره ماتدل ع معاناه أبد نايمين من قلب ماشاء الله 
والله أشكالنا ننرحم أول ماجينا دايخيييييين أدوخ شي في الحياة ! ويوم دخلنا بننام ونلقى الستاره طال عمرها مهنقه ! عيت تتسكر .. والشمس في وجيهنا من زين الحظ هذا وقته ؟
جا العامل يزينها ويحوس عيت تزين .. قلنا العوض ولا القطيعه .. واصلا دايخين لو يحطون مراقدنا في السطح نمنا !
بس كيف ترقيعة الستارة 
،
قمنا ع المغرب وبعضنا قام ع العشاء وطلعنا نتعشى في مطعم معروف هناك انه إسلامي .. أكلهم عادي وكل شي عادي .. * مدري وش اسمه بس اللي يبيه يسأل السواق وبيوديه له .
،
من بكره قاموا الشعب يفطرون .. فطورهم والله حلوو .. والمكان بعد .. يطل ع المسبح والجهة الثانية ع البحر
وش مركي راسه عليه بالله !
.. شوارع كولمبو ..
عَ فكره .. سيرلانكا لها ٣٠ سنه حرب ماوقفت الا قبل سنه !!
والحرب بينهم .. ماعرف تفاصيل الحرب بس قوقل مايقصر 
اجل تبيني اشيله 
؟
"توك توك" حقهم ركبناه مره .. أنوااع الوناسه هو زي التاكسي .. وسعره رخيص يعني مايتعدا ١٠ ريال .. ان ماكان ٥ بعد
يوم دخلنا ونلقاهم مسوين هابي بيرثدي لبنتهم .. ياحليلهم والله مايلعبون
عزوز وش تحس به وانت ملبق نعالك ؟ يعني حتى هناك حافين بعد ؟
بصراحه مدري وينه بس الظاهر رايح يلعب ! الظليمه شينه احيانا لكن جاني شعور اني لازم اخذ صوره وانزلها
اهم شي .. لازم نصور معه
،
: صور ليلية :
تابعوا جديد شبكة أبونواف على فيس بوك وتويتر
هع والله سرلينكا بايخة شكلها جده أحسن هع
مشكورة على التقرير احس انكم ماشفتو سريلانكا زين بانتظار تلمة التقرير
الي نعرفه ونسمع عنه ان سريلانكا جنــه ويوم دخلت موضوعك كنت باخذ معلومات عشان نطلع لها بعد ثلاث شهور بس للاسف من تقريرك ماطلعت بالمستوى المطلوب ! واربعين الف لو رايحين لاكثر من دوله اوروبيه اصرف وراح يبقاء منها بعد هههه الى الان التقرير قهر يندفع فيه اربعين الف صرآحـه وبانتظارك ويارب في الجاي يكون تعديل قوي وبصالح سريلانكا , وماقصرتي ع النقل واهم شي انبسطتو ,
تقرير رائع اخت سميحة المليحة واللميحة ايضا بساطة وخفة دم في ألأسلوب وصور مدروسة شكرا على الجهد المبذول
ما ادري وش اقول و وش اخلي..! لكن ابداع لا يوصف… * ننتظر الجزء الثاني على احر من الجمر…
اهم شي الجمعة و الجو الحلو اما اللي يقول جدة احلى اقول له بالحيل خاصة سوق البلد و ريحة البحر اللي مدري وشلون متحملينه
عجبتني صورة آلبنت آلصغيرة آبو نزّآرهـ
السلام عليكم ،، انا كنت بسريلانكا وما رجعت الا قبل كم يوم ،، المحل اللي تقول عنه Fashion House اسمه house of fashion (= اما اوديل وين غالي ،، حرام عليك !! بالعكس رخيص واغلب الماركات المشهوره موجوده ،، اما الحرب ،، اهليه يعني بين الحكومه عصابات من اهل البلد ،، صح ان الاستعمار الانجليزي طول ،، بس اخر حرب هي الحرب الاهليه ،، (= ومين قال النت ببلاش ،، حنا ساكنين بالهيلتون ،، فيه وسريع بعد ،، (= او انه بس بالاجنحه الملكيه !! وملاحظه صغيره ،، تراك تقارن بين رحله سريلانكيه دوليه ورحله سعوديه داخليه ،، شكلك ما شفت الطيارات السعوديه ،، الدوليه (( و اقصد بالدوليه مب دبي ولا الكويت )) وبس ،، نشوف جزئك الثاني ،، (=
سريلانكا !!!:~ ما لقيتو لا سريلانكا ؟؟؟:( في أماكن سياحيه أفضل من سريلانكا بكثير من جميع النواحي سواء كانت طبيعه أو أمن وغيرها … لا ترى أمزح…مسوي فاهم في السياحه B على العموم إنشاء الله أستمتعتو بالرحله و موفقين …
الهطف لا صارت معهم فلوس مشكله .. والله ما ادري وش اقول , ليتكم وفرتو فلوسكم وإلا عطيتوني اياها , لا رحتو دوله زي العالم , ولا حتى شفتوا شي بالدوله اللي رحتو لها , يعني رحتوا حجزتوا طيران واستجارتم فندق واربعين الف وجيتوا مسوين تقرير بقروب ابو نواف .. عندنا بتبوك بوفيه اسمها بروست الربيع يشتغلون فيها اربع هنود , قسم بالله يسوون فلافل على كيفك , لو تجي تبوك وتشتري منها ازين من هالرحله اللي مدري وش تبي. والله ما الومكم الوم ابو نواف اللي استحى يكسر بخاطركم ونشر التقرير ,, ما اقول إلا الله يرزقنا ويرزقكم ويهديكم ..
ريان / عاد الشكوى لله انقردنا ودفعنا
أعجبني التقرير كثير وفقت في الطرح الحمد لله على سلامتكم
اختي مليحه الحمدلله ع السلامه ومشكوره على الطرح الروعه انتظر جزيرة بنتوته لأني كنت فيها قبل فتره , روعة المحيط والمناظر الطبيعيه سبحان الخـالق , وانا استغربت الصراحه 40 ألف ؟ يمكن ما شاء الله عليكم كثآرين ويحفظكم يارب تقبلي مروري 🙂
رحلة متميزه اختي العزيزه لكن بغيت اسئلك سؤال سافرتم بجدول زيارات لاأماكن معدده مسبقا ولا هناك سويتم جدول يوم وصلتم وبغيت اعرف سعر التذكره للشخص الواحد في حالة قبل الرحله بشهر او متاخر دمتي بود
اولاً الحمدلله ع السلامه … تصدقين رحت لسيرلانكا نهاية شهر أكتوبر 2009م رحلتي ذهاب وعوده بمبلغ 928 ريال فقط !!! مسار الرحلة البحرين ـ الشارقة ـ كولمبو << من قلت الشارقة عرفتي الخطوط (( العربية )) هععع تقريباً نفس مسار الرحلة بس فيه بعض الاختلافات نقمبو ـ كاندي ـ نوروليا ـ بنتوته ـ كولمبو … نصيحتي للمسافرين لسيرلانكا … لا يحجزون عن طريق المكاتب بالسعودية … فيه أكثر من مكتب في مطار كولمبو … العناوين تلقونها في موقع المسافرون العرب من ضمنها مكتب احمد زهراني مغربي يالله يطقطق عربي عايش هونيكـ … طبعاً الدولة سياحية ولافيها وسائل ترفيه .. يعني ما تصلح للأطفال أبداً … طبيعة ـ أجواء ـ فنادق أم 3 نجمات أطلق من أفخم فندق في عندنا … اللي راح يسافر أهم المناطق هي المذكورهـ عند الأخت سميحه … فيه عندهم فندق في قمة الجبل اسمه امايا فيلس نصيحتي زوروهـ … المنطقة فيهااا أماااان العاصمة لا اطولون فيهااا المناطق الباردة … كاندي ونوروليا … بنتوته ساحلية والمناظر اللي مش ولا بد تقع في هـذهـ المنطقه:$ يمدحون السفاري عندهـم بس ما زرناااهاا … تحسفت أني ما ركبت النهرررررر:( أهم شي أحجزوا الطيران بدري … وبعد الحجز كلموا المكتب وعلموهـ موعد الأقلاع بالتحديد ومتى المغادرة عشان يحسبون الأقامة …. ولا أوصيكـم (( كاسروهــم )) بالدراهــم …. بالتوفيق
هههههههاي اشوف شغالاتنا تبي تروح لسريلانكا ماالومها والله
اولا الحمدلله على سلامة الاسفار ثانيا فيه ناس كثير قليلة ذوق وما عندها ذرة احترام وتكسر بخواطر البشر ولا يحسون اقلها نقول لمعد وصاحب التقرير الف شكر يعطيك العافيه حتى لو مجامله تراها حسنه بس وش نقول بقليلين الذوق اللي جاي يقول كان بجناج ملكي مسوي انه الواصل وهو رايح سيرليبنكا واللي جاي يقول حرام الفلوس دافعين شي من جيب ابوكم انتم يا تقولو خير ولا اتكتمو عموما والله عجبني الموضوع والصور كانت باحترافيه حمدلله عالسلامه وبالتوفيق يا رب
عجزت وأنا أقنع نفسي باأنك…..سميحه المليحه…. وأقتنعت ب….سميح المليح.. التعليقات والاسلوب والتصوير….يدل عليك.. شكلك تبع يابعدهم وربعه…
سيف لاااا اودل غالي بالنسبه لهم .. لكن هو زيه زي محلات صحارى عندنا بضاعته حلوه .. وفيها من اكسسواريز وهالطقه بس يعني مايسمّى رخيص .. والنت الله يعافيك هذاك قلتها جناح ملكي خخخخ تبيهم يحسبونها عليكم بعد !! كل الفنادق اللي رحنا لها ولا واحد فيها مجاني .. والخطوط السعوديه فاشله داخليا وخارجيا .. وشف كم نجمه لها .. وكم نجمه للسيرلانكيه ابو ليث لو أن لابن آدم واديا من ذهب لابتغى إليه ثانيا : ) خبل رح جمع فلوسك للعطله بس خخخخخخخ بدر الشايع اهلن .. نورت الموضوع .. من المتابعين لجديدك وتصويرك من زمااان .. ماشاء الله عليك مبددددع
بصراحة أهنيك على التقرير الرائع <<<< تحمست اروح لسيرلانكا 8) , وماشاء الله تصويرك كوووووووووووووووووووووووووووول هنيالكم 🙂
اعجبتني الرحلة وسعرها معقول ما شاء الله على عددكم والمدة اللي جلستوها هناك 😀 حبيت صورة البنت الاجنبية ^_^ متابعة لك ان شاء الله لنهاية الرحلة 🙂 موفقة سموحة:)
ما قصرت وجزاك الله كل خير والعقبى لنا في إنشاء الله,,,,
ابو احمد .. خخخخخخخخ هذولي الاشكال هم نفسهم حقين اليوتيوب ^^ كليك .. حياك ربي .. تو مانوّر الموضوع وحده متسببه .. اللي تامرين فيه يابعدي :$
من جد ابداع وروعه لا من ناحية الصور اوالتعليقات تسلم اياديكـ لا عدمناك يالغاليه ننتظر الجزء الثالث يسلموووووووووو