يبكي طفلي البائس

اخواني اعضاء هذا القروب الطيب احب اقدم لكم هذه القصيده المتواضعه واتمنى ان تنال اعجابكم ..

وإذا كان عندكم أي تعليق او انتقاد

اتمنى انكم ما تبخلون علي

مثل ما هالبحر هايج .. تهيج همومي بنفاسي
ولا اقدر انا اكتم هموم فيّظت عبرا

واشوف المركب المتعب لا والله ماهو براسي
عجز يصمد مثل ما انه تموت امالي العذرا

يموت الحلم بعد الحلم .. ويذرف دمعي الماسي
محاجر قلبي المسكين تناجي دنيتي الغبرا

على كف الزمن تبكي .. و يبكي حيل احساسي
وتبكي ظلوع ما حسّت دفا بالحب ولو مرّه

ويبكي خافقي المطعون من اغلى واعز ناسي
وتبكي شفاي .. ورموشي .. وتبكي عيوني الحورا

ويبكي طفلي البائس .. ويبكي صدقي باحساسي
وحتى ليلي الحالك .. يبكي وتبكي القمرا

غدت الاحزان في قلبي .. غذاي .. وماي .. ولباسي
و احس الشط من حولي يحس بي وكمّل السهرا

الا يا لعنبو من هم قبض راسي لحد ساسي
رفض يذبحني مع حزني .. ولا خلّى الجرح يبرا

اقيس الحزن في قلبي .. ودمع العين مقياسي
اقظّي امسي ويومي .. وبكره .. و هم بعد بكرا

سوالم