يا حنا شيون
نتيجة لما اشوفة بالشوارع والزوجات والعزايم وحتى بالوزارت اتضح لي ان الجمال عندنا منعدم تماما!!!
يعني شي اسمة مواصفات جمالية مانعرفة ابد مثلة مثل التزحلق على الجليد مانشوفهن كلهن الا اذا سافرنا برا!!
بجانب امتلاكنا لاكبر مخزون بترول نملك اكبر عدد للشيون بالعالم يعني واللة بلشنا من تنوع مصادر الثروة عندنا لان الشين هو مصدر رزق كذلك لان في الخارج يحسبونك فيك شي وعلى بالهم انك تستحق الصدقة!!
وغير كذا الشين حقنا مميز عن العالم يعني استحالة تشوف وجوه شينة مثل الي عندنايعني يونيك بمعنى الكلمة يعنى مثل مانجذب العالم بقولة تمر قصيمي نقدر نحوم كبودهم بقولة شين سعودي!!!
وعشان كذا الامثال والحكم لة سوق كبير عندنا لانة هي الحاجة الوحيدة الى نقدر نصبر انفسنا فيها ولا لو بدونة كان علوم!!!
نهك دايم على انفسنا بقولة الزين مهوب للرجل وحريمنا مصدقات ان اهم شي الاخلاق وان جمال المراة باخلاقها!!!
والمشكلة ندري انة مثلا واحد من طقت لاعبينا السمر بزيادة ماحد ملقليهم وجة واستحالة يجي واحد ويقول ابي صورة لكم عشان اعلقة بالغرفة مثلة مثل اي واحد من المشاهير لانهم لو يحط صورهم بالغرفة كان كلن يخاف يدخل الفرفة وغير كذا هو حاط في بالة انة ممكن بعض المرات ياكل فطورة ولا عشاة بالغرفة واستحالة يقدر وصورة هذا اللاعب معلقة قدامة!!
بس لو نجي لواحد مثل ريكي مارتين ولا رامي عياش وهم رجال مثلنا!! بس طبعا مع الفوارق المليون!!! منذبحين من هالمعجبين الى يطلبون تواقيعهم وصورهم حتى اني اتصور ان كل واحد منهم فاتح محل استديو عشان يلحق على طلبات هالناس !!!
اجل وين الى يقولون الزين مهوب للرجل شفناكم واللة ماتراكضون ورا ذولي تقل ماعمركم شفتو حاجة وهو بصراحة معذورين لانة هاالنوعية من الرجال والاشكال معدومة تماما عندنا !!!
عاد حريمناهن واللة الي يكسرن الخاطر يبون يطلعون باقل الاضرار وعشان كذا مافية نوع فاكهة ولا خضرة ما جربوة على وجيهم حتى ان قزاز يفكر يفتح فرع بسوق الخضرة يعني بس يبيلك خبزة وتحط وجة اختك ولا زوجتك قدامك و ازين غدوة ممكن الواحد ياكلة حتى اذا خلصت ممكن تشرب كاس لبن من الى كابينهم على وجيهم !!!
وعاد ياليتة نفع الا بس مصاريف على غير فايدة وتلقاة المسكينة مستانسة تحسب نفسة صارت بيضاء وماتدري انة نست تغسل وجة بعد هالزبادي الى حطتة على وجهه!!
هذا طبعا غير هالصبغ على الشعر الى يحسبون الي مشينهم لون شعر راسهم الاسود وان خلاص اذا صبغو يبي يصيرن حلوات مايدرون ان هذا هو ازين الشين مقارنة مع الاشياء الثانية الى عندهم يعني يزيدون شينهم شين!!
انا الى يقهرني اذا قال الرجل والحرمة عندنا ابشوفها قبل الخطبة!!! وش تشوف ؟؟؟ كانك صحيح ناوي تتزوج لاتشوفها او انتي حتى لا تحاولين تشوفينة لانة اذا شفتو بعض مية في المية انكم بتغيرون رايكم عن الزواج!!!
لان كل واحد عندنا مصدق نفسة انة من مواليد بيروت !!! الحرمة تقول ابية ابيض وطويل !!! طويل سهلة بس ابيض منين نجيبة ؟؟؟ ولا والشين هالرجل بعد يتشرط يعني مهوب كفاية ان ممكن واحد تخاطر بحياتة ومستقبلة وتقبلة لا ويتدلع طويل العمر يقول ابية بيضاء طويلة وله شعر ناعم طويل وعيون كبيرة عسلية وخفيفة دم ومدرسة!!! مدرسة وخفيفة دم ممكن نلقى لان دايم الشيون خفاف دم عشان يخففون من هالمصايب الى على روسهم !!
وعاد المشكلة اذا تزوجو جاك النسل ولا وش تقول اللة على الجمال !!!
هو بصراحة الى يخلى الواحد يرتاح شوي انة استحالة يسون عندنا استنساخ مثل حق النعجة دولي!! لانه وش يستنسخون بالشين بلى عندنا بعد يروحون يزيدون الطين بلة!!!
هو المفترض يحاولون يسون نفس فكرة تهجين الغنم !!! يجيبون لنا كم وحدة زينة من برا ويخلوننا نتزوجهن عشان على الاقل نقدر نوفر جيل للمستقبل يواجة مهوب مثل جيلنا ولا الجيل الى قبلنا!!! لان اذاالدعوة على الى عندنا ترا واللة بندمر مستقبل البشرية!!!
منقول من : الفاهم
ثقال الدم والحساسين والى يصدقون بسرعة من نوعية اذا قلت نكتة يحسبة لغز لااشوف وجيهم بها الموضوع !!
