السلام عليكم
هذا أول موضوع لي في هالقروب الكبير
وأتمنى أنكم تطلعون منه ولو بفائدة بسيطة
حنا عارفين أهمية الذاكرة في الكمبيوتر <<< ترى هذي مقدمة
ومايكروسوفت طلـّعوا لنا ميزتين جديدتين في ويندوز فيستا لها علاقة بالذاكرة
ReadyBoost
من المعروف أنه كل ما زادت سعة الذاكرة (رام) كل ما صار أداءالكمبيوتر أفضل
لأنه زيادة الذاكرة تعني تطبيقات أكثر جاهزة للتشغيل من غير ما نحتاج لدخول القرص الصلب اللي هو حالياً يعتبر عنق الزجاجة في سرعة الكمبيوتر
ماختلفنا .. لكن زيادة الرام عملية مهيب سهلة .. سواءً في التكلفة أو أن فتحات زيادة الذاكرة تم استهلاكها في اللوحة الأم فتصير عملية زيادة الذاكرة شبه مستحيلة
لكن الذيب ويندوز فيستا جايب لنا مفهوم جديد في زيادة الذاكرة اللي سمّوه
ReadyBoost
الرجّال الطيب هذا يسمح لك أنك تستخدم الفلاش ميموري كـ ذاكرة بدل فك واربط
وسرعة نقل البيانات في الفلاش يو اس بي اسرع بكثير من نقل البيانات من وإلى القرص الصلب
لعنبوا بليس هالفلاش ميموري .. كل شي يسويه .. كان ام بي ثري بولاعة السيارة والحين رام
مابقى الا يصير مايكروويف
SuperFetch
زي مانتم عارفين أننا اذا بغينا نشغل برنامج نروح نجيبه من القرص الصلب ونحطه في الذاكرة عشان يتعامل معه المعالج
وانتم بعد عارفين ان هالعملية بطيئة نسبياً
الخوازميات المستخدمة حالياً في إدارة الذاكرة تخلي محتويات الذاكرة الجديدة وتشيل المحتويات القديمة في حال وصول محتويات جديدة ثانية
لنفترض اني واحدن يقدّر الفوتوشوب .. دااايم أشغله .. افرض مره من المرات جيت شغلت الفوتوشوب .. طبعاً راح نحطه في الذاكرة
بعدين شغلت برنامج الوورد .. برضه راح ينحط في الذاكره
لنفترض ان الذاكرة امتلت الحين
وافرض اني حبيت اشغل فجوال ستديو .. بس الذاكرة مليانه
وش بيسوي الكبميوتر؟
راح يخلي البرامج اللي توني مستخدمها (الوورد) في الذاكرة وراح يشيل البرامج اللي استخدمتها من زمان (الفوتوشوب) عشان يفضّي مكان للبرنامج الجديد
طيب افرض اني اشتقت للفوتوشوب وشغلته
راح يجيك الكمبيوتر ويشيل الوورد ويحط بدالة الفوتوشوب
يعني بالعربي اشغلنا شل وحط وود وجب
لكن ويندوز فيستا عنده خوارزميات ادارة ذاكرة متعوب عليها
فيه تقنية سموها
SuperFetch
الأخ سوبر فتش يشوف البرامج اللي دايم تشغلها عشان يخليها دايم بالذاكرة عشان تسرّع عملية تشغيلها
حتى انه ذكي لدرجة انه يحط البرامج اللي دايم تشغلها في الذاكرة بمجرد تشغيلك الجهاز
يعني في مثالنا اللي قبل شوي اذا شغلنا الفجوال ستديو .. ماراح يشيل الفوتوشوب .. راح يشيل الوورد لأنه يدري انك راح ترجع للفوتوشوب فـ ليش يشيله؟
والله لا يحرمنا من
BSOD
.. تحياتي ..
أخوكم
SourceCode
