مقاطع حصرية من المقناص :) – صوت

يا مرحب والله

وش أحوالكم؟؟
عساكم منيحين؟؟

كم لي ما نزلت موضوع في ستوديو؟؟

إيه الظاهر ما نزلت ولا موضوع
خخخخخخخخخخخ
<<— تحسون إني صرت ماصل في الآونه الأخيره

هذا يا جماعه في شريط يقاله المقناص
هذا شريط بصراحه فله من جد
أنا ما كنت أعرفه والله
ألين واحد من العيال عطاني الشريط وقال إسمعه راح يعجبك
أخذت الشريط وسمعته
وصراحه أعجبني

حاولت أسجله على الكمبيوتر ببرنامج مسجل الصوت

بس طلع الصوت بايخ والحجم كبير بالحيل

ألين حملت لي برنامج تسجيل وقص صوت وحركتات

وسجلت الشريط كاااااااااااااامل

هذا الكلام من زمان حول الشهر أو شهر ونص
فكرت أنزله النت قلت مالي غير مجالس

أنزله فيها وأحطه في مجلس ستوديو ويصير حصري على مجالس

<<— داري بعض الناس بيقولون يا أبو الشباب القنص راح وقته
وش نبغا فيه

علشان كذا أرد عليهم وأقول

هذا شريط ما هوب ديره قنص علشان تسوي فاهم أنت وياه
<<— تعرفون الشد العصبي اللي في الإختبارات والأشياء اللي تجي معه

______________________
______________________

غلاف الشريط

إنشاد : حامد الضبعان
أداء المسامع : عيد سعود ، خميس عبدالعزيز ، ياسر حبيب
إنتاج : بارقه للشريط الإسلامي (( السعودية – المجمعة – طريق الملك عبدالعزيز ))

يا مبارك الصقار
ثاني مقطع ما عليه زين بس ما وصل لمستوى المقطع اللي بعده

______________________
______________________

كل الناس صاروا صقاقير
هذا واحد مصري هاد طيره على جاموسه من شهر ومضيعه وقاعد يدوره
في الكنوود (( المقطع يتكلم عن اللي بيسوي نفسه صقار بالغصب ))

_____________________
_____________________

يا موتري
مقطع قممممممممه من جد لا يفوتكم…

_____________________
_____________________

شباب القبيلة
ذيلا شباب من فصيلة (( يااااي )) عاد طالعين للبر ويدورون لهم واحد يقتل الخروفه ويجيب لهم كتلوج الخيمة وسلف نار

_____________________
_____________________

قرب المقناص
مقطع من المقاطع المميزة بس بالنسبة لي ما هوب بقوة (( يا موتري & يا أبو فهد))

_____________________
_____________________

يا أبو فهد
مقطع قممممممممه من جد لا يفوتكم…

_____________________
_____________________

المقناص
مقطع جميل جداً ومتأكد إنه راح يعجبه عشاق البر والقنص

_____________________
_____________________

الطير المظروب
واحد شرا له طير بـ 80.000 وطلع الطير خرطي

_____________________
_____________________

يقول اللي طرا له
مقطع حلو ورائع كمان راح يعجب عشاق البر والقنص

____________________
____________________

عديت في مرقب
مقطع حلو وما دريت إنه زين غير وأنا قاعد أحمل الملفات

هذا هو الشريط كااااااااااااامل
أرجو إن التسجيل يكون واضح ومفهوم للجميع

همسات

.: يا جماعة ترا العمل متعوب عليه من تسجيل صوت ورفع ملفات وكتابة كلام فيعني نبغا ردود تفتح النفس :.

.: أحب أقول لواحد من العيال أجل إليك الخطة؟؟ وين يا الحبيب ناقزين على بنك :.

.: أشكر حبيب الكل سوالف القايلة على التطويرات اللي في الإستديو
وتراه هو اللي لزم علي ما نشبت له أنا وقلت بأنزل المقاطع :.

.: همسه أكبر من طويق :.

.: كل المقاطع حجم الواحد منها ما يتعدى الـ 750 ك.ب :.
<<— يعني اللي في السعوديه بيشتغل معهم