قعدت اليوم من النوم طبعا كالعاده متأخر و شايله هم كيف انزل تحت و اشوف وجهه امي .. لانها اكيييد يتكون معصبه علي …
المهم ….
سميت بالله و نزلت و انا كشرتي كذا 
..
الا تقابلني امي و هي معصبه 
… بس عصبيتها اليوم غيييييير كل يوم 
….
اليوم معصبه و احس ان الشرار طالع من عيونها …
قلت لها : صباح الخير يمه 
… اوووه قصدي مساء الخير بكل ثقه اقولها
قالت : ايييييه هذا انتي عارفه 
… قلتيها مساء الخير … وش ذا التأخير .. ووجع في هالبدن .. الله يغربل بليسك ما تقطع جسمك من هالتسدح و التبطح و كثرت النوم
انا : 
لا .. و ترى ما بعد شبعت نوم … لاني والله ما نمت الا متأخر …. يمممممممه حنا بإجازه
امي : و اجازه خير يا طير … من بكره .. ابيك تقعدين من الساعه 12 و مافي سهر و لا نت و تطبخين الغدا معي … يوم انتي يوم انا
انا : لا يمه تكفيييييين 
… الا النت … خلاص خلاص بصحى الساعه 12 بس لا تشيلين النت و ما ابي اطبخ .. مااااا اعرف 
تعرف امي كيف تتعامل معي … اذا جابت سيرت النت خخخخخخخخخخ 
رحت للمطبخ .. عشان اسوي لي فطور ( فطور الساعه 5 العصر ) الا شوي ناقزة لي امي مره ثانيه
مهيب للبيع … وش ذا الغرفه … الله يفشلك .. و قسسسم اللي يشوفها يحلف انها غرفه ولد ماهيب بنت
وش ذا… بالله عليك كم لك من رتبيها اخر مره … روحي رتبيها … فوضى … حياتك كلها فوضى…
ابي اعرف كيف بتفتحين لك بيت بكره ….
يالله قومي رتبيها الحين .. اتركي اللي بيدك و قووومي
طيب طيب .. بس مهوب الحين …
الا قووووووووومي وجع .. هذا اللي مخليها كذا .. يالعجازه .. كل يوم نفس الاسطوانه .. طيب طيب و لا اشوف شي
قومي قدامي الحييين
يووووووووووه طيب يمه لا تعصبين …
دخلت غرفتي …
اهم شي الفاتوره على السرير
أي والله صحيح مررررره فوضى توك تستوعبين
بديت ارتب فيها … من وين ابدى يا ربي …
و اثناء ما كنت ارتب … و انفض الغبار عن الدواليب و المكتب … الا اشوف شي كذا مهوب غريب علي
صندوق صغير …. قديييييييم كان عندي يوم اني صغيره اللي يسمعها يقول كبر جدتي
اخذت الصندوق بيدين ترتجفتان و عيونان جاحضاتان .. لا اصدق ماهذا انه صندوق ذكرياتي …
فتحت الصندوق …. و قعدت اتفرج على البلاوي المتلتله اللي كنت حافظتها ذكرى … خوش لغه
اولا بذكر لكم محتويات الصندوق :
1- ورده حمرا
2- اوتقراف
3- قلم رصاص
4- ورقه مكتوب عليها اسمي مالها داعي ذي مادري ليش محتفظه فيها يمكن عشان اذا نسيت هذا صندوق مين .. اذكر نفسي خخخخخ
5- صابونه :s
6- عطر ريحته خايسه
7- كتاب توحيد
8- دفتر علوم
9- استكرات ( (stickers
10- و اشياء كثييييير .. احلفي
قعدت اتفرج على محتويات صندوقي … ( ياحليلي كنت رومانسيه و احب احتفظ بالاشياء ذكرى .. مادري وش صار لي قلبت )
اول ما طاحت عيني عليه .. الورد الحمرا …
هذي الورده الله يسلمكم عطتني اياها امي في يوم المعلم يوم انها امتلت من الورود ذاك اليوم … طبعا ما عطتني اياها كذا .. قعدت اترجى فيها تعطيني الين وافقت خخخخخخخخخخخخخخخخخخخخخ..
احتفظت فيها ذكرى .. مادري على ايش ؟؟ بس عشان لو سألني احد عندك ذكريات قلت ايييه 
والله علي افكار وانا صغيره خخخخخخ
تركت الورده بعد ما طاحت عيني على اول اوتغراف لي …
اتذكر جابته صديقتي لي يوم انه امي عييت اشتري لي واحد وش ذا الام ( ترى الدعوه مزح و طناز لحد يصدق )
… عاد ذيك الايام طاحوا البنات طييحه بالاوتغرافات
و قعدت اتصفحه … و اشوف كتابات البنات …و الله عليهم خطوووووط
ما عجبني فيها الا الجمله المقلوبه ………. والله انوااااع البراءه
والا شوفوا هذي ……… لوووووووووووووووول مكسرات و برتقال
المشكله قاعده الحين اضحك و اطنز .. وانا اكيييييد كنت كاتبه للبنات مثل ما كتبوا لي
قعدت اتفرج 
… ياللله حتى يوم كنت بمتوسط ما سلمت من هالسخافه
كان عندي اوتغراف و البنات يكتبون … والله كانت اهتماماتنا على قدنا .. يا حليلنا
عزيزتي اتمنى ان لا تزعلي مني ترى اذا سويت شي ترى هو غصبن عني و انت عارفه ليش …؟؟؟ مافهمت منها شي … يمكن كنت زعلانه عليها ذيك الايام خخخخخخخخخ والله مبزره
كنت محتفظه بأشياء والله تفشل …
صابونه … قعدت سنه اتذكر ليش حافظتها
وما ذكرت الا يوم لفيت من ورى … وشفت الكتابه اللي عليها
جده خخخخخخخخخخخخخخ.. اللي يسمعه رايح باريس …. عاد يوم اهدا لي ما اهدى الا صابونه .. ( اشدعوا شايفني ما اتروش )
لا و مشلحها من الفندق شكله
والله ان خالي منسسسسسم ههههههههههههههههههههه
قلم رصاص ….
يالللللله انواااع القدم … تذكرون اقلام الرصاص اللي ينباعون في جرير .. اللي فوقها مساحه
كنت اشتريها مو عشان اكتب فيها عشان احتفظ فيها … والله اني فاضيه
لا انا و وجهي بعد … مكسووووووور و محتفظه فيه 
والله كل شي له طابع خاص لي .. و اذا شفته ترجع لي الذكريات خخخخخخخ
يالله نكمل … وشو بعد لقيت بالصندوق
لقيت علبه عطر 
… خلي احد يقووووولي في احد يحتفظ بعطر ذكرى .. ما اتوقع فيه …
هذا انا … احتفظت فيه لانه اول عطر في حياتي خخخخخ ابوي جايبه هديه لي يوم انه سافر
.. مادري وين والله بس من سفر جابه 
عاد انا شكلي فاهمه الذكريات بالغلط .. ما استخدمه .. على طوووووول احطه بالصندوق .. عشان يكون ذكرى
عطر فرزاتشي .. … والله كشخه ابوي .. جايب لي ماركه
حطيت العطر على جنب .. و قعدت احوس في الصندوق ..
شفت كتاب التوحيد
طبعا كان عندي التشخبط على الكتب نوع من الكشخه
وكانت هوايتي اشخبط و اطلع كل كتاب بشكل … على حسب حبي للماده
ايييييييييييه نسيت اوريكم الاستكرات…
كنت أي استكر يمر علي بحياتي .. احتفظ فيه ..
حتى الابلات اذا صححوا دفاتري و كتبوا ممتازه و حطوا لي نجمه و استكر .. اذا رحت البيت اقشع الاستكر و احتفظ فيه
لا وشوفوا وين حاطتهم … ملزقتهم في ملف
حطيت الاستكرات … و شفت ظرف مسكر ..
استغربت … قلت وشو ذا …
يوم اني فتحته ..
شفت
خخخخخخخخخخخخخخخخخخخخخخخخخخخخخخخخخخخخ
كنت محتفظه بالمناديل المعطره … ليييييييييييييييييييييش ؟؟ والله مادري
الله يرجني .. قلت لكم فاهمه الذكريات غلط
و شفت في زاويه الصندوق غرفه حشى مو صندوق
علبه .. ههههههههههههههههه
تذكرت ذا العلبه اللي كنت اجمع فيها هوايتي
عاد انتوا سمعتوا بهوايه تجميع الطوابع .. و تجميع القروش ( العملات لغير الناطقين بالعاميه) .. بس ما اظن احد سمع بهوايه تجميييييييع
7
7
7
النظارات
كنت أي نظاره بالبيت .. بعد ما تخترب … او شي .. اخذها احتفظ فيها
ااااااااااااااااااه والله انها ايام و ذكريات حلوه 
و قررت اني احتفظ بهذي الاشياء طوووول عمري …
و اوريها عيالي و كل من يعز علي
اخذت غطى الصندوق و نفضته من الغبار … و توني كنت بسكر الصندوق
الا طاحت عيني على ورقه طايحه جنبه …
اخذت الورقه و فتحتها ……..
حشى ذا مهوب شعر .. قصة حياتي .. سطرتها في ورقه و حطيت كسره في اخر الجمله …. والله تنسيييييم …
ابي اعرف وش دخل النظافتي في الموضوع …
والا الاغلاط الاملائيه
بس خلاص
لاااااااااا تضحكون …
هذي اول محاوله شعريه لي عاد الي يسمعها يقول الحين شاعره .. والله اني ما افهم بالشعر شي … زين اقراه و افهمه
و الله لو تشوفون اول ما كتبتها كنت بأول متوسط .. كتبتها و انا مفتخره بنفسي و انظر لنفسي اني شاااااااااااعره ولا كل الشاعرات
و احتفظت فيها مو عشان اذا كبرت اضحك عليها … لا عشان كنت متوقعه من نفسي اكون شاعره و اكون محتفظه بأول محاوله شعريه لي
اخذت الورقه و سكرتها و رجعتها في الصندوق و سكرت صندوقي و رفعته
و رجعت لامي وانا اضحك و في نفس الوقت تخالجني مشاعر الحنين الى ايام الطفوله
طبعا اول ما قابلتني امي اسألتني .. هاه رتبتي الغرفه؟؟
قلت لها : يوووووووه نسيت .. 
يعني مندهشه
توته توته .. و خلصت الحتوته
الله يسعددددددك ويحنن قلب امك عليك