﴿السلام عليكم ورحمة الله وبركاتة﴾
مسيكم الله بالخير أعضاء مجالس وقروب ابو نواف
مثل ما عودناكم دايما على تقديم المميز الجديد نقدم لكم اليوم نجم آخر من سلسه النجوم
الي سبق واجرينا حوارات معهم في قروب ومجالس ابو نواف
ونتمنى يعجبكم الحوار مع نجمكم لليوم
_________________________________________
اليوم معانا فنان سعودي كبير ومحبوب وانعرف بخفه ظله 
وتميز بالذبات المصرقعه والشطحات المتميزة 
معنا اليوم الفنان الكبير
محمد العيسى
بطل مسلسل طاش ما طاش حلقة سندريلا الأخيرة
ومتميز في كثير من الاعمال التلفزيونيه القديمة والجديدة
______________________________
التقينا بالفنان محمد العيسى وعرفناه على انفسنا
هلا اخوي محمد ممكن دقايق من وقتك
تفضل
أخوي محمد احنا من قروب ابو نواف اكبر ومن أقدم المجموعات البريدية الالكترونية العربية
ونود ان نجري معك حوار صغير تتواصل فيه مع جمهورك في قروب ابو نواف
حياكم الله وأبرك الساعات
راح ابدأ بسوال سريع,, هل انت من أعضاء قروب ابو نواف او ماذا تعرف عن القروب او هل سمعت عنه من قبل
والله انا للأسف ما قد شاركت بقروب ابو نواف ولا اي قروب اخر ولانيب من هواه الانترنت كثيرا
لكن اسمع من بعض الاصدقاء المقربين انه قروب ابو نواف عرض كذا حاجه متميزة
مثل لقاآت جميلة أجريتوها مع بعض الفنانين
مثل المنتصر بالله
ورسامين الكاركتيرعبد السلام الهليل وسعد الهويدي
والكوميدي الشعبي صالح الزراق
إضافة لرسايلكم الحلوة الي دايم القاها على إيميلي توصل لي من بعض الأصدقاء
طيب ودنا تعلمنا وش ناوي عليه هالسنه من اعمال جديدة إنشالله
حتى ألآن لا زلت في أعداد مشاركات في مسلسل طاش 11 وانشالله راح تشوفون حلقاته في رمضان ونتمنى تعجبكم
أخوي محمد هل سنرى لك دور بطوله هذي السنه في مسلسل طاش 11
والله انشالله فيه بطوله في أحد الحلقات مشاركة مع الفنانين الكبار الاساتذه عبدالله وناصر
طيب ممكن تفيد قروب ابو نواف عن اسم الحلقة الي راح تمثل بطولتها مع عبدالله وناصر وعن مضمونها
الحلقة انشالله أسمها ( سندريلا ) وهي تعتمد على التسليه بشكل اكبر واتمنى تعجبكم
اسفين على الاطاله وندري ان السياره تحتريك برا بس قبل لا نختم تحب تقول شي لأعضاء لقروب ابو نواف
الي يبلغ عدد اعضائه حاليا أكثر من 60.000 الف مشترك في من جميع العالم العربي وأغلبهم من محبينك ومتابعينك
والله يا سوالف بلغهم تحياتي وإنشالله أول ما أرجع للرياض راح اشترك معاكم وأشوف وش انت يا قروب ابو نواف 
يارجال عطنا ايميلك وازهل ما يحتاج تشترك انا أظبط لك الموضوع 
طيب محمد ناخذ صوره مع بعض
ابرك الساعات ونتشرف ياسوالف بك وبقروب ابو نواف
الله يبارك فيك يا بوحميد يالله استعدو
يالله 
جاهزين
قولو شيييييييييييييييييييييييييييييز
الف شكر لك ابو حميد على هالوقفه الصغيرة وانشالله راح نعرض هالحوار الصغير في القروب والمجالس
بعد ما يتم عرض حلقه طاش ما طاش ( سندريلا ) الي راح تشارك عبد الله وناصر بطولتها
ونتمنى لك كل التوفيق والنجاح وشاكرين ومقدرين 
حياكم الله وابرك الساعات وشرفتونا
فمان الله
فماان الله
_____________________________________
_____________________________________
وهذي لقطات من حلقة (( سندريلا ))الي كلنا شفناها في مسلسل طاش ما طاش
اليوم الأثنين من شهر رمضان المبارك في تاريخ 9/9/1424هـ
عبد اله السدحان ملك السلطنة الله يخلف هو ويا هالعراده
اما ذبة صحن التبوله مهيب صاحيه ابد ابد الله يغربلك تمزعت ضحك من جد قووووويه
_____________________________________
تعمدت تأجيل الحوار حتى يتم عرض حلقة سندريلا
الي شارك فيها الفنان محمد العيسى البطوله عبدالله وناصر
توقعت راح يكون لها طعم أحلى
وبالفعل اليوم محمد العيسى في الحلقة بيض وجيهنا بأدائه المميز
