فشة خلئ + فضاوه + فيديو

بالبدايه احب اعزي الامه العربيه والاسلاميه عامه والشعب السعودي وانا خاصه بوفاة ملك القلوب

الملك / فهد بن عبدالعزيز آل سعود .. رحمه الله

قبل لا اعرض مقاطع الفيديو والصور في موضوع ودي اكلمكم فيه

موضوع لفت انتباهي وتطرق لها سمعي واذني مسدوده موضوعي عن
النقد البناء " على قولتهم " في اغلب المنتديات ..

بالنسبه للنقّاد فيه 3 انواع من النقاد ..

يكنى بالـ مسّطل ، ركزو على الفتحه فوق السين ونبرة الميم الحزين
مرفوعه بالضمه المغروره وتتبعها اللام المكسوره وماننسى شدة الطاء كما
في الشطاء " هوت سوس بالعامي و shotah بالانجليزي "

هذا الله يسلمكم كأن احد طاقه بلوح ماغير يمشي ويمدح والله لو تحط له صوره سودا مافيها شي بيقولك وااو خطيره ابدعت فيها ممكن يكون نتيجة
تحيز لشخص يقول الشاعر من الحب ما اعمى يعني حاب
تصاميمه وكل شوي بقول عنها حلوه ياعمي دقق زين كود انه سارق
تصميمك وانت ماتدري
او انه يكون رافع للمعنويات معليه ارفع معنوياته بس بكره بيشوف نفسه
وبيكتب تحت اسمه مصمم وهو مايعرف يلصق صوره على صوره ، لا وتدخل
على ردوده تلقاها كلها نفس الطريقه ماغير يمدح ويغني ياليل على اللي
قدامه .

يكنى بالـ معضّل ، وكما هو الحال مرفوع بالضمه المنطمه والعين
المفتوحه ومسدوده بلوحه والضاء المشدوده جعل شارون دوده وحرف اللام
الساكن يالله تسكنهم بالمساكن

وهم اللذين مايعجبهم العجب يحسبون ان بنقدهم للمصمم بياخذ شهادة الدوكتراه "d5tor" بالتصميم مره يجيك يقول الخط مو حلو ومره يجيك يقول فيه نقطه زايده شيلها يعني غصب عن ابو اللي جابنا في خطأ ، وهذا لو
تلاحضونه بكل ردوده لازم ينقد يعني مستحيل يدخل ويقول تصميمك حلو , يمكن انانيه منه اعقل بس وعدل نفسك ، وان مالقى خطأ بالتصميم
شاف رد من الردود فيه نقد وسوى له كبي وحطه .. الله يهديهم بس

يكنى بالـ فنان وهذا احسن مان " rjal "
مايحتاج اضن فهمتو قصدي من الاسم "هؤلاء" اللي ينقدون نقد صحيح
وبمكانه تشوف ردوده متنوعه مره كاتب لك تصميم حلو ومره قايلك تصميم
فنان بس فيه خطأ صغير .. يعني مو المسطل ولا المعضل

طريقة النقد البناء "عشان توصلون لتصميم عماير نيويورك " هو بالبدايه
مدح المصمم على مجهوده ، ماتدرون بعضهم يقعدون ساعات على التصميم
وخاصه المبتدأين انا كنت اصمم واحد بمجالس ابو نواف وان شفت احد
ينقدني باسلوب شين ودي احذف الفوتو من عندي لاني حتى لو ماطلعت
بنتيجه اسم اني قعدت وحاولت مده وانا لاصقه فيه .

اذا عجبك التصميم خلاص قول انه حلو مو تلصق وجهك بالشاشه الا تطلع
خطأ فيه يمكن يكون وصخ بشاشتك وتحسبه بالتصميم " نظفو شاشاتكم " ،
بعد ماتشكره على مجهوده قوله ملاحظتك ومو بس تقوله والله احس ان شكل
الخط مو تمام ,, قوله وش التمام مو تطق سدرك وتنقد وانت ماتدري
وشالسالفه ..

هذا شي من ملاحظاتي اثناء جولتي التطلعيه على بعض المنتديات مع
اكتشاف حالة انتحار بسبب الفوتو " الله والنصبه "

To save the video clip press right click then save target as..

مجموعة مقاطع فيديو جمعتها لكم وسويت فيها تأثيرات بسيطه اتمنى تعجبكم

هذي مجموعة صور فيها خطوات الطيحه وبعدها مقطع الفيديو لايفوتكم

باول صوره الشباب كانو يفكرون ياربي وشنسوي وشنسوي ترى يتكلمون سعودي

طبعا نتيجة عزائنا لرحيل ملك القلوب لم تسنح لي الفرصه ان اصمم سوى تصميم حزننا عليه ..

وهذا توقيع صغير للي يحب وضعه بالمنتديات