عندما يكون الحديث في المسنجر مع بزراً + هندي منسم

موضوعي هذا ينقسم الى شقين … الشق الأول محادثه في المسنجر مع ولد اختي … والشق الثاني سالفه قريتها في موقع غرائب هندي

————————————-

دخلت المسنجر بعد العشاء …. وفجأة … طررن طررن طررن — جرس المسنجر

أرسلت طلب محادثه وكاميرا …. وقبلتها … طلع لي واحد قاعد قدام الكاميرا …. والثاني ماسك الهيدفون والمايك …. قلت لها :- وينكم انتي ورجلك ؟ قالت لا حنا ممنوع نطلع في النت نخاف من الهكرز …. ( الله وأكبر هالحين … الهكرز بيخلون صور البنات وسعة الصدر ويجون يتفرجون عليكم انتم وقرودكم )

المشكله انك تسولف في المايك مع واحد ( بدر 7 سنوات ) وتشوف في الكاميرا واحد ثاني ( دحيم 4 سنوات ) …. مثل اللي يحظر فلم في السنيما ويقعد يسولف مع عبده جالسه جنبه ( يازينك ساكت انت وامثلتك )

الزبده … سألت بدر … كيف الحال ووش اخبار المدرسه وكيف اللغة ؟؟(لأنهم عايشين برا المملكه)
قال لي :- تمام … بس أذني تعورني !
قلت له :- سلامات وشفيها ؟؟
قال لي :- دحومي صرخ فيها

ألتفت اطالع دحيم في الكاميرا …. لقيت الولد وش حليله

دحيم اللي لابس القبعه ترا

قلت لبدر … ما شاء الله وش هالقبعه الزينه ….. قال لي :- هذي جائزة فاز فيها دحومي من ماكدونالدز

قلت له وشلون فاز ؟

قال لي :- دخلوهم لعبه فيها كور وبلونات كثيره … وفيها بطه وحده … اللي يصيدها يعطونه قبعه وياخذ البطه له

بطه وسعودي ! ….. اكيد بيصيدها السعودي …. المشكله انه زنطها وماتت … لأنه ماسكها مع رقبتها ولفظت انفاسها الأخيره وهو طالع يوريهم انه صايدها …..
اختي تقول بغى يغمى علي يوم شفتها مطلعه لسانها والدم على منقارها — يااااااااي يعنني حساسه ورقيقه … وهي لو تصيد فيل راح في خرايطها ( أمانه صديقات ام بدر اللي في القروب لا يعلمونها عن هالمشاركه)

دحيم لقط السالفه … وعرف اننا نسولف عن قبعته …. قال لبدر :- سوف سوف قبعه انا خالد — شغاله ذا موب ولد ناس

انا سمعته وألتفت على الكاميرا اشوف

جعلها في الشخاميط اللي على فنيلتك …يميل راسه يستعرض .. يبيني اشوفها من جميع الجهات

فرحان بالقبعه … والضحيه البطة مسيكينه

ما أطول عليكم … قعدت اسولف معهم … ومابقى شيئ ما سوه قدام هالكاميرا … دحيم وراني عضلاته (امحق عضلات) .. وجاب السلحفه حقته يوريني … وبدر يوريني رسماته وخطه في الدفاتر …. وفجأه مسكت معهم تحدي ! !

قالي بدر تتحداني أخلي دحومي يخوفك ! !

قلت اتحداكم ….. وألتفت اطالع الكاميرا … بشوف وشلون يخوفني

هههههههههههههههههههههههههههههههه خفت

عالم منسمه … تتحدى وتخوف وتزنط بط …… جت مباراة في التلفزيون وقلت لهم بطلع اشوف الكوره … بااااااااااي

ألتفت لا شعورياً القي نظره عليهم قبل لا أطلع وانا اقول بااااي …. دحيم خطم خطمه مدري وش تبي ….

فاهم حركة باااي غلط ذا ؟؟ والا متحمس مع خاله ويبي يعبر له عن مشاعره ؟؟

قالها بحماس وإثاره منقطعة النظير … عقد حجاجه … ومد ذراعه …. وسحب سيفه —- بريف هارت موب دحيم

————————————————————-

الشق الثاني من الموضوع (وإلا نسيتو انه شقين ) خاص بشيئ غريب قريته في موقع غرائب هندي (الله من الصدز)

هندي نام …. وأصبح الصبح ولسانه متصلب وطالع برا فمه ! ! !

حاول يدخله جوا فمه ما قدر …. صحى زوجته من النوم وشافته على هالحال وخافت عليه …. حاولت تساعده في ثني لسانه ولم تستطع

أخذوه وودوه للمستشفى …. شافه الدكتور وكشف عليه … ولم يفهم علة اللسان المتصلب ؟؟

حاول بكل الطرق انه يعيده لمكانه ولكنه لم يتمكن من ذلك ! !

فقام بإستدعاء لجنه طبيه للكشف عليه ومعرفة سبب تصلب اللسان …. وبعد عمل أشعة مقطعيه لكامل اجزاء الجسم … أكتشفو أن الأخ حاطن حبة فياغرا يحسبها تحميله