هااااااااااااااااااااااااااااااااااااااااااااي
قروب ابو نواف
اليوم موضوعي عن وحدة 
(( شقراء جميلة جدااااااا )) ؟؟؟؟؟
اول ما يخطر على بال بعض اخوانا بالله من هالاشكال
خخخخخخخخخخخخخخخخخخخخخخ
وحده شقراء ومملوحه
لالالالالالالالالالالالالالالالالالالالا
مو هذا موضوعي
موضوعي يتكلم عن هذي الي عطتني الشوق والحب والحنان وغمرتني بحبها
هذي هي
مدينتي مدينة شقراء
الي ودة يجي معنا في رحلة مجانيه في مدينة شقراء مسقط راس اخوكم
سوالف القايلة
الله يحيه
وتذاكر الباص على حسابي وش تبون بعد بس ترى المقاعد محدودة
الحقوووووووووو 
البنات ورا والرجال قدام استعجلو دقيقتين ونمشي
مهوب بعد شوي تلاحقونا تقولون تكفى 
ركبنا معكم ياسوالف القايلة
خخخخخخخخخخخخخخخخخ 
ترى ما علي من احد 
خلاص ياشباب اكتفين 
بسم الله الرحمن الرحيم
نشكر الي ركبو معنا
ونبدا رحلتنا
انشالله الرحلة راح تستغرق ساعه ونص ومسافه 190 كيلو
الله يوصلنا بالسلامة
وقبل ما نبدا بالكلام نشكر سواق باصنا اخونا الجريح
لانه من اهل الديرة ويدل فيها
خخخخخخخخخخخخخخخخخخخ 
ياطول خشمك كنة زحليقة حديقه الفوطة
ههههههههههههههههههههههههههه
ياشباب لحد يحلت على الجريح شي خلوة يسوق 
خخخخخخخخخخخخخخخخخخخ
بدأ نواف بيك يستهبل ويطلع راسه مع شباك الباص
خخخخخخخخخخخخخخخخخخخخخخخخخخخخخ
الجريح عصب
خخخخخخخخخخخخخخخخخخخخخخ
لما هاش الجريح على نواف بيك / قفلت مع فارس الدهنا وراح له وقال
لاعاد تهوش علينا تفهم ولا لا…… وخاصه نواف بيك
مهوب عشانك وديتنا لديرتك تنافخ علينا كككككككككك
ككككككككككككككككككككك ككككككككككككككككككككك
خلاص ياشباب 
فكو الهوشه
خليكم عاقلين الله يرحم والديكم لا تفشلونا
شوفو البنيات وش حليلهم جالسات عاقلات
خخخخخخخخخخخخخخخخخخخخخخخخخخخ
اختنا بالقروب تووووووتا to0o0ota على يسار
ومن اليمين اختنا بعد بالقروب البنت المستشرة 
الي شرفتنا برسايلها الاسبوع الي فات
هذي البنت المستشرة تتصل على رجلها تقوله ترى بروح لشقراء بعد ماوصلت
الغيور وش مركبك ورا ياخوي وجايب الكميرا بعد
او تدور بنت الحلال خخخخخخخ لاتحرص ما عندك الا المستشرة
كككككككككككككككككككككككك
طيب ياشباب خلونا نعطيكم نبذة صغيرة عن مدينة شقراء
نقطع فيها الوقت وتستفيدون بعد بدل الهواش
بسم الرحمن الرحيم
تقع مدينة شقراء في قلب المملكه العربيه السعودية في منطقه الوشم وتعتبر هي اكبر مدينة
في المنطقة وتسمى عاصمة الوشم
سبب التسمية فقد ذكر عبدالله بن خميس ان في جنوب شقراء هضبة كانت تسمى بالشقراء فانتقل الصفة إلى المدينة وأهملت الهضبة
لم يعرف لحد الآن متى انشأه مدينة شقراء ولكن فى الغالب ان عمرها قد سبق ظهور الاسلام
بدليل
ذكر الشاعر الجاهلي المعروف الحطيئة شقراء بقولة
فلما نزلنا الوشم حمر هضابة اناخ علينا نازل الجوع أحمــــرا
رحلنا وخلفناة عنا مخيمـــــــا مقيما بدار الهون شقراء الشقرا
وكان موقع مدينة شقراء في السابق على ملتقى الطرق التجارية مما ساعد في ازدهار التجارة في هذه المدينة مما جعل لها تاريخ ومجد قديم وحاضر مشرق بإذن الله
وقد كان اهل شقراء مضرب المثل في التمسك بالدين الاسلامي وقد قال الشاعر ابن حصيص وهو يذكر محبوبتة سارة
حالف ما سلى ولا انسى حب سارة كود اهل شقراء يخلون الصلاة
الحمد لله على السلامة ياشباب وصلنا وصلنا مدخل مدينة شقراء
احب اعطيكم نبذة عن كل الاماكن الي نمر فيها
مدخل المدينة
وعلى الشمال يوجد السجن العام اكبر سجن في منطقة الوشم سجن الكتراز على غفلة
مو عشان المجرمين كثير بالمنطقه 
لا تفهمون غلط عشان شقراء عندهم اهتمام بحقوق الانسان قررو يحطون السجن العام فيها
هههههههه صرف والدينها
ندخل في وسط البلد يقابلنا اول
مفترق طرق / هذا مجسم الشلال
يمين يودي لحي الصفراء
ويسار يودي لحي الصفراء
بعد
وش رايكم نروح يمين
منظر الشلال من قريب
شوفو على يساركم هناااك 
ياجماعه / مجمع اسواق الاندلس جديدة توها فاتحه
فيها نخبة من المحلات والسوبر ماركت والمطاعم المعروفه والمشهورة
وهذي ياجماعه اقدم مجسم جمالي بعد(( مجسم التلفون)) الاثري
مجسم حروف كلمه شقراء
اقول الجريح وش رايك نودي الشباب للحديقه العامه لازم يشوفونها
شوفو ياشباب هذي مناظر من الحديقه العامه الي وده ينزل _ ينزل
هذا خلودي يتزحلق
خلووووودي
انتبه ترى اخر الزحليقه فيها مسمار
اييييييييييييييييييييييييييييييييي
ككككككككككككككككككككككككككككككككككككككككككككك
وهذا الجزء الخلفي من الحديقه
وتتميز الحديقه العامه في شقراء بكبر المساحه بحيث انك عزيزي المشاهد اذا مصعت كوره بقوه من الصعب انك تلقاها بين الشجر الا بصعوبة الله من زين المقاييس
خلاص ياشباب 
اركبو
ابو نايف نعن ابو بليسك لا تفشلنا يالله اركب الباص بنمشي
ككككككككككككككككككككككككككككككككككككككككككككك
يابو نايف الله يرحم والديك اخلص
لحوووووووووووووووووووووووووووووول
اذن المغرب نعن ابو بليسك اخلص
ككككككككككككككككككككككككككككككككككككككككككك
يالله ابو نايف شف ربعك ركبو وانت جالس تمسس سيقانك تمرجح
اخلص علينا
ماركب ابو نايف الباص الا بعد ما تلليناه مع اذنة
الجريح خلاص الشباب كلهم ركبو ودنا الله لا يهينك من جهه مستشفى شقراء
والمناطق الي حولة
شوفو ياشباب بسرعه قبل ما نتعداه لاننها ما ارح ننزل فية
تلاحظون المساحات الخضراء والترميم الخارجي شي حلو
شوفو ياشباب هذا مستشفى شقراء العام وهو يتميز بمنظر خلاب من الخارج
بس انا انصحكم ما ندخله من داخل لا تفهمون غلط انا قصدي عشان ما فيه وقت بس
وتلاحظون الرشاشات الاليه حقت الماء
على طاري الرشاشات ترا انا موصي الصعيدي يرش المويه يعني انا عندنا رشاشات
هذا باقي الصوره من يمين والصعيدي يرش
بس انشالله بالنسبه للمستشفى فيه مستشفى في اخر المدينة جديد وجاهز وكبير ويتنظر التشغيل بس همتكم يا هل الديرة
شوفو هنا ياشباب ويابنات
ساحه المسجد الجامع وتتربع في وسطه القلعه
خلف القلعه في الصورة يظهر المسجد الجامع في حي الباطن الجنوبي
الجريح حبيبي ياليت تتجه للشارع العام
شوفو هنا ياشباب على يساركم
لافته على جبل شقراء مكتوب عليها سبحان الله
المواد المستخدمه في الكتابه/ بلك ابيض ابو عازل + كيسين سمنت + كيسين جبس
بس ما عليه ما يضر من بعيد طالعه حلوة
شوفو على يساركم ياشباب
هذا الجزء اللاخر من جبل شقراء ونلاحظ مشروع انشاء اكبر شلال صناعي في الشرق الاوسط
حقيقه مشروع ضخم
تسلم يدين الناس الي قامو على هالمشاريع التجميليه
وتشوفون تحت الجبل مشروع كبائن للرحلات ويوجد مثلها ايضا كبائن اخرى فوق جبل شقراء
لمحبي التنزه فوق الجبال
وش ماليزيا عندنا حتى ماليزيا ما عندهم
كل شي موجود لا تخافون
الجريح حبيبي يا اقدع سواق بالحته
سم يابعدي
فيه شي لازم نوريه خلوودي والعاصمي وسلام عشانهم راعين كوره
عرفته يالجريح؟؟؟؟
ايه الله الله نادي الوشم في شقراء
طبعا ياشباب نادي الوشم في شقراء تميز ببناء حديث جدا ومميز ينافس العديد من انديه الرياض في البناء
انزلو من الباص ياشباب خلونا نتفرج على نادي الوشم
ملعب كوره القدم
صاله الالعاب الداخليه
المسبح
صاله الترفيه
والنادي يحتوي على سكن للظيوف بنظام فندقي
ويحتوي على ملاعب خارجيه لكره التنس
وصالات الحديد
ومن ابرز انجازات النادي حسب ذاكرتي المتواضعه
التميز على مستوى العالم في العاب القوى
والتميز العالمي ايضا في كره التنس الارضي
خلووودي اعقل بلا ثوارة
العبو كلكم بالكورة ولعب البنات معك
عزيز ولد عزيزة اعقل تهاوش مع الفيدرالي عشان كورة
خخخخخخخخخخخخخخخخخخخخخخخخخخخخخخخخخخخخ
يالله مشينا خلاص ما يحتاج نوادي يالله
اركبو الباص
الجريح هذولي وانا اخوك ما ينفع لهم اماكن زينه وفيها وناسه
اقولك شي ودهم للديره القديمه احسن شي
شوفو ياحلوين خليكم معي
من ابرز الاماكن الاثريه قصر السبيعي بشقراء
قصر السبيعي القديم
الذي استضافت به شقراء الملك عبدالعزيز رحمه الله
موحدالمملكة العربية السعودية
وهذا مجمع عقاريه العليا ايام منول / تلاحظون الجسر الي بين البرجين
ككككككككككككككككككك كككككككككككككككككك
سوق حليوة
يسمونه كذا الاسامي لا تعلل
وهذا منظر من نشاطات السوق / الله اكبر يالستي سنتر دبي
الله يرحم زمان اول يوم شيوخ شقراء يتربعون بالسوق القديم
الحين هذا هو ويا كرشتة حاط رجل على رجل
في نهاية رحلتنا ياشباب يابنات
نحب نوجه الشكر لكل من
اماره شقراء على تسهيل رحلتنا السياحية
وكذلك نخص بالشكر السيد / باب المبهنية
على تزويدنا بالصور والمعلومات عن مدينه شقراء
والى اللقاء انشالله في رحلات اخرى
هذا واحنا راجعين للرياض
وش رايكم خلونا ناخذ صوره جماعيه في نهايه الرحله
هذا فارس الدهناء جالس يورينا كيف نسوي خلفيه موسيقيه
خخخخخخخخخخخخخخخخخخخخخخخخخ
الجريح انتبه
انتبه
ياهووووووووووووووه
لالالالالالالالالالالالالالالالالالالالالالالا
لالالالالالا
لالالالالالالالالالالالالالالالالالالالالالالا
.
.
.
.
.
.
ككككككككككككككككككككككككككككككككك
لا بارك الله في عدوك يالجريح انت وسواقتك قلبتنا يالدوووووووب
النهاية
