رحلتي الصيفية 2009 الجـ‎( تركيا 2 )‎ـزء الثاني

السلام عليكم ورحمة الله وبركاته

سهلا و اهلا بكل زوار رحلتي من جديد

نكمل اليوم باقي رحلة تركيا والي ماشاف الجزء الأول
وحب انه يطلع عليه يلقاه هنـــا

اليوم الرابع بعد الفطور أخذنا باص وقررنا نروح
لـ قراند بازار ( السوق المصري , السوق المسقوف .. ) له عدة أسماء و أبواب
ويعتبر من المعالم السياحية الهامة في اسطنبول وفيه أكثر من 3 الاف محل متخصص في جميع المشتروات

وصلنا وعلى الجهة المقابلة له يوجد برج غلطة

وهذي صورة للبرج من تصوير ولد اختي :قلب:

وبجانب السوق يوجد جامع السطان احمد
وهذي منطقة السوق والجامع

وعلى البحر المقابل له يوجد مطاعم و كافي شوب مختلفة .
خذت صورة محلات السمك من ولد اختي فديته

وهذا داخل السوق المصري

وهذي صور متفرقة للمحلات ..

كان خاطري اشتري من هالاشياءات بس لاني مو راجعة على طول هونت

فديت تولي بنت بنت خالي كانت معاي
و كثير محلات من يشوفونها يتصورون معاها و يسوون لي خصم عشانها
طلعنا من السوق ورحنا لمنطقة اورتاكوي
فيها مقاهي على البحر حلوة اول ماوصلنا كانت هادية بعدين ازدحمت

هذا جامع اورتاكوي من المعالم الاثرية القديمة في المنطقة

وهنا عزوز يستهبل علي اول ماجيت اصوره يقول خالتي باطيح

وشفنا سفينة تعمل جولة بالبحر حجزنا فيها وطلعنا كلنا
الكل جلس تحت أنا طلعت فوق صحيح زحام بس جلست مع
ولد اختي كان الجو مرة حلو
من هنا انطلقنا في رحلتنا

وهذي سفينة سيم سيم اللي احنا فيها

هذي جزيرة مسوينها بالبسفور عبارة عن مسابح ومطاعم

حجم الملف : 1.3 م.ب

وهذي قلعة محمد الفاتح اللي منها دخل المسلمين الى اوروبا

وهذي بنوتة تركية بسم الله على قلبها صورها ولد اختي وخذيتها منه

وهذا قصر نور اللي أزعجوا العالم فيه

حجم الملف : 950 ك.ب

وهذي صور برضو لقصور متفرقة

القصرين اللي لونهم اخضر هذولي لـ مليونير تركي اسمه الصابونجي
يقولوا انه يبني كل شي له اثنين اثنين
العهده على الراوي
وهذي الكلية البحرية

وهذا مدري مبنى ايش بس شكله قديم

نزلنا من السفينة وتوجهنا للباص وبطريقي شفت هالبياع
الشي اللي مثل الاقراص هذا حلو تركي مشهور محشي بعسل او قشطة

ومدخل المنطقة كله بياعين بطاطا مشوية ( Kumpir ) ووافل فواكة وفطير بالجبن
شرينا كل واحد اللي يشتهيه لاننا للحين مااكلنا شي وصارت الدنيا قريب المغرب

وهذا الشي كثيرين مايعرفونه ويسألون عنه عبارة عن ( تقاطيع او مصران خروف او بقر )
مسوينها بطريقة تركية صورته للي مايعرفه انا ماذقته ولا فكرت بس اللي
ذاقوه يقولوا لذيذ

بعدها قررنا نروح جبل العرايس او جامليجا
بس كان الوقت قريب المغرب وهذا احنا فوق الجسر بالطريق

يمين الفارة على الصورة وحفظ باسم
حجم الملف : 1.3 م.ب

اول ماوصلنا كان بدأ الليل وقتها تمنيت من جد معااي كاميرا احترافية المنظر كان خيالي بس الكام ماتساعد

اعجبني شعاع الشمس بس للافس الدشيش كآمي تعيسة جداااا

حجم الملف : 1.4 م.ب

هذي ساعه مسوينها بالورد شكلها مرة نايس

وهذي الجلسات في نفس المنطقة
ياحلو كراسيهم كانها كراسي اطفال الحضانة

وهذي عروس شفتها قلت لها باصورك مع اطافيلنا انبسطت بس انتظرتها تخلص لبس جزمتها
وانتم بكرامة جاتها حرمة كبيرة قالت لها تفسخ الجزمة فسختها وقامت تكتب عليها اسم بنتها
عندهم اعتقاد اذا كتبتِ اسم وحدة على جزمة
عروس تتزوج بعدها << ام التخلف

وهذولي حريم يخبزون الفطير صراحة طعمه مرة يمي

حجم الملف : 1.7 م.ب

رجعنا الفندق وكالعادة نزلنا شارع الاستقلال نتمشى ونتعشى
وبكذا يكون خلص يومنا الرابع الى هنا

واليوم الخامس والاخير لنا
اخذنا باص وقررنا نتسوق ورحنا جواهر مول وصورنا اطافيلنا باستديو هناك وخلصنا
منه تقريبا على العصر ورحنا لحديقة قريبة من الجسر عشان يصيدون فيها الصغار وجلست
اتمشى انا وبنت خالي ونصور فيها بس لازم تنتبهوا لصغاركم لايروحون مكان بدونكم
حتى مايشوفوا شي ماينشاف

هذي الجزيرة اللي صورتها لكم بجولة البسفور

وهذا كلب هبلوا فيه الصغار لو مو مسلسل كان قطعهم عصبوه الله يصلحهم

وهذي منطقة ( جامليجا – جبل العرائس ) مكان الابراج

جا الليل صلينا المغرب وجلسنا شوي

وكان منظر الجسر مرة ختير خصوصا لما يتلون اعجبني اللون الوردي

رجعنا الفندق وبما انه اخر يوم مادخلت معاهم الفندق قلت لا بانزل اتمشى في تقسيم وشارع الاستقلال

حجم الملف : 2.4 م.ب

هذا الترام كان خاطري اركبه بس دايم زحام

وهذا بداية شارع الاستقلال

وصلت اخره وتعبت رجعت وهذا مدخل شارع فندقنا

هذي بداية الجادة عند الفندق كأنك جالسة بدولة عربية بس فرق المكان

طلعت الفندق قفلت شنطتي وجهزت أغراضي استعدادا للسفر

قبل نهاية التقرير ولأني مازرت اماكن كثيرة في الرحلة انصح بزيارة هالاماكن في اسطنبول
جامع السلطان احمد , متحف ايا صوفيا , قلعة محمد الفاتح , قصر دولمه بهجة
جزر الاميرات , حديقة ميني تورك , برج غلطة

المطاعم
جليك , زنهان , الملك , نمليه

.. التسوق في اسطنبول ..
اسطنبول مدينة مليئة بمراكز التسوق بمختلف الاسعار و اشهر الأسواق :

السوق المسقوف
وهو يعتبر معلم من معالم اسطنبول لابد من زيارته وفي هذا السوق
كل مايخطر في بالك من تحف وهدايا وملابس ومؤكولات وجلود وحراير
وسجاد وتختلف الاسعار ومن اقسامه غراند بازار والسوق المصري
ومحمود باشا وباب بايزيد ولكن هذا السوق اجازته الرسمية يوم الاحد .

شارع عثمان بيك
في هذا الشارع كل محلات الجملة والتي تصلنا منها غالبية التجارة التركية
وهناك في الشارع بعض المحلات لبيع المفرق والاسعار متفاوتة .

البازارات الاسبوعية
في كل يوم من الاسبوع تنصب الخيام وتعرض المنتجات بجميع انواعها
والاسعار فيه ارخص بكثير من المحلات وغالبا ماتكون مسعره وهناك
بازار كبير في اسيا يوم الجمعة او السبت اعتقد

المراكز التجارية
تحتوي على ماركات عالمية ومحلية والاسعار تختلف ولكنها ثابته منهم :
اكمركز , جواهر , مترو سيتي , استوريا , غاليريا , كانيون , كاروسيل
بروفيليو , نايوتيلوس , إستنيه بارك , كابيول , كارفور وغيرهم كثير .
ما زرنا من هالاسواق الا جواهر و مترو سيتي وبعض محلات السوق المسقوف

الهدايا
أشهر الهدايا التركية الحلوى التركية وتختلف انواعها واسعارها
فيه محل حاجي بكير هذا اقدم محل حلويات تقريبا من عام 1777 م
وللاسف ماصورته لكنه موجود في شارع الاستقلال هو صغير ولكنه
الاقدم والافضل دلتنا عليه صديقة تعرفنا عليها تركية من اصل عربي

تفضلوا

وفيه محلات koska تلاقوها بكل مكان يبيعها بـ 22 ليرة = 55 ريال الكيلو
طبعا هذا غير الجلديات والقطنيات و التحف اليل موجودة بالسوق المصري

ولهنا انتهت رحلتنا في تركيا كانت حلوة كتير انبسطنا فيها مع أختي وبنات خالي وأولادهم

ومن الصباح توادعنا وكلنا تركنا اسطنبول احنا رحنا النمسا وهم راحوا لمنطقة يلوا وبورصه

وصلنا المطار خلصنا الاجراءات

وطلبنا ويل شير لـ امي و ابوي اريح لهم في التنقل واسهل في الاجراءات
وشوي لفينا بالسوق الحرة

ورحنا المصلى صلينا الظهر والعصر جمع وقصر

وبعدها توجهنا
لـ صالة السفر وكالعادة في تركيا اذا معاك ويل شير يعاملوك معاملة خاصة

وانت وكامل عيلتك يدخلونك الطيارة اول شي وبعد ماتجلس وتخلص يبدأ دخول بقية الركاب
بس لازم وانت على الطيارة تأكد تطلب من المضيفة توفير ويل شير في محطة الوصول
ولهنا خلصت الجزء الثاني للرحلة ان شاءالله ان ربي احيانا أشوفكم في رحلة النمسا