ذكروني بطفرة الاكتتابات – فيديو

الســلام عـلـيــكـــم .. ؛
..من واقع متابعتي كـمشاهد للقروب اكتشفت ان أمصل شي بالعالم المقدمات لذلك ببدأ بالفيديو على طــول 
اليوم جايب لكم خمس قطع فيديو (( ان كان عـددها تحت أقل اعرفوا ان ابونواف حذف منها شي هع هع )) .. ولحفظ المقاطع إرعص ع الصوره أو كلك يمين وحفظ الهدف بإسم على الصـور

البدايـة بتكـون مع شي خرافي جداً وبيعجبكم ههههههههه , وخاص للرجال بس وبالأخص المتزوجين الي يلعب بذيله .. ويالله بعد نخليها بالمره دعـوه للمرأه السعودية بالإنتقال من مركز الضعف لمركز القوة في علاقتها مع زوجها <<– عز الله انجلدت بعد هالكلام … الـمـهــم هذي وحده اكتشفت ان خويها يخونها ومن سوء حظ ابوالشباب انه هو الي ساكن معها يعني هو الطالع وهي الداخله .. شـوفـوا وشلون تمسخر في شوارع نيويورك لو انا منه كان انتحرت خلاص

1.979 ميجا

هالمقطع الي ذكـرني بأيام طفرة الاكتتابات عندنا .. بس هالمره ماعندهم اكتتاب عندهم عيد ويبـون يتسابقون على الهدايا .. شـوفـوا المقطع وشوفوا الخال الي جايبن زوجته مدري أمه بالكرسي المتحرك ! ومزاحم فيها وبالأخير ينافخ يوم وطوها "دعسوها" .. وعلى طـاري ذوي الاحتياجات الخاصـة لاحظت أن حقهم مو مهضوم الا مهـروس في ديرتنا الضعوف لا مواقفهم نحترمها ولا وسائلهم الخاصة وفرناها مثل المصاعد ولا حتى عطيناهم اي شي .. فـلا تبخلون عليهم بالدعاء والله يعوض صبرهم بالجنه <<– كيف وانا إنساني

1.011 ميجا

سيكـورتي في سوق شكله قايلهم السوق عوايل بس خخخخخخخخخخ .. المسكين لسان حاله يقول ليه بس ليييه , الا صـدق للحين فيه كذا ؟ احد يجلس يشبك الأمن علشان يدخلونه السوق ؟؟

1.593 ميجا

لا للـكـحـــول

707 كيلوبايت

فلله قسم بالله .. بس لحد يجرب يسويها أخلي مسؤليتي , وعلى فكره مره حصلت في موقع اجنبي مقطع الفيديو الي يتزحلقون بنعالهم والسيارة تمشي مدري كم على الطريق السريع !! ومكتوب في معنى وصفها أن هذولي متزلجين عرب خخخخخخخ يتزلجون والسيارة تمشي ميتين .. فشلتونا

1.404 ميجا

وقبل ما امشي فيه شي يبهذلني ويخليني ما ارسل كثير وهو اني احتار في حجم مقاطع الفيديو ما ادري أرضي اصحاب الاتصالات البطيئه وأقلل الحجم على حساب الصفاوه أو ارضي اصحاب الاتصالات السريعه الي يحرصون يكون الفيديو واضح .. فـاليوم جربت أحجام ترضي الطرفين بحيث ما تتعـدا الثنين ميجا ونص بالكثير مع صفاوه معقوله مقارنة بالحجم .. لـذلك اتقبل آرائكم حول هل يناسب هالحجم أو وش يناسبكم أكثر لان لو كانوا اصحـاب الدايل أب أقليه أصير خلاص أكبر احجام الفيديو على كيفي <<– بينطق

سـلام
Yazeed