توحيد رقم الطوارئ !

معاك بكل كلمه وهذا انا باخذ موضوع مع اسمك وبنشره.. لعل وعسى احد يسمع

اسطر لك شكري و اتعجب كيف لم يخطر ببالنا المطالبه بمثل هذا المطلب قبل مده كنت افكر في طباعة ارقام الطوارئ من الشرطه والاسعاف والدفاع المدني والكهرباء والمياه واوزعها على اقربائي لكني اعفيت نفسي بعد قراءتي لموضوعك الرائع وانضم لك واشد على يدك بالتوفيق يا مهندس (: وبارك الله فيك

السلام عليكم أود أن اشكر لك هذا الطرح الجيد ، واسمح لي بإضافة معلومة إن شاء الله تكون فيها الفائدة: شركة أرامكو عندها رقم موحد للطوارئ. لما يتصل واحد من مكان العمل أو السكن نجد أن قسم الطوارئ في جميع أحياء أرامكو ترفع السماعة. فمثلا: لما يحصل حريق نتصل على 110 وفي هذي الحالة يرفع السماعة قسم المستشفى و قسم الأمن و المطافي وغيرهم ممن لهم علاقة بالطوارئ والكل يستمع في وقت واحد ولا يغلق السماعة إلا إذا انتهى الشخص من التبليغ عن الحادثة، والحريق ممكن يكون مفتعل وفي هذي الحالة يحتاج إلى رجال الأمن ومن خلال الحريق أكيد نحتاج إلى اسعاف في بعض الأحيان كما نحتاج إلى المطافي ولذلك الرقم الموحد يوفر عليك الكثير من الوقت كما أنه يوفر لك كل ما تحتاج له باتصال واحد.

مئة في المئة بلا شك أنا موافق ومن زمان وأنا أتكلم في هالموضوع ولكن لا حياة لمن تنادي. أنا لدي الرد للتعليقات التي لا تؤيد توحيد الرقم وهو: في الغرب لديهم رقم موحد كما أسلف صاحب الموضوع مجرد تحصل مشكلة تتصل مثلا على 911 فقط، ويجيك الدفاع المدني والشرطة والمرور والاسعاف بأقصى سرعة ممكنة، قد تستغرب ليش الجميع يجون؟؟ الجواب: افرض ان لا سمح الله في بيتك صار حريق بالنتيجة راح تحتاج الدفاع المدني. طيب واذا صار لا سمح الله حريق وفيه مصابين فالبنتيجة راح تحتاج اسعاف. طيب افرض ان الحريق بسبب مجرم أو شخص بينك وبينه خلاف او مهما يكن بالنتيجة تحتاج شرطة لاجل تحقق في الموضوع. وبالتأكيد للامساك بالفاعل راح تحتاج لدعم المرور. ولهذا في الغرب الجميع بلا استثناء فورا يحضر. هنا مثلا عندنا في البلد قليل وماندر اذا حدث حريق والا معظم الوقت أفراد الدفاع المدني أو مراكز الهلال الاحمر نيام أو يلعبون بلوت والمرور والشرطة ايضا نفس الشي ولكن غالبا رجال الاطفاء وتحصلهم يستلمون مرتب على الجلسة!! طيب انا عندي اقتراح ايش راح يضر اذا صار اي بلاغ يذهب الجميع بسرعة سواء حادث مرور او اي شي فهو بنسبة ما، وأحيانا تكون عالية يحتاج لعدة قوى. فلماذا او ماذا سيحصل لو ذهب الهلال الاحمر ولم يجد مصاب او اذا ذهب الدفاع المدني ولم يجد حريق، على الاقل اخذ الحيطة والحذر والتأكد بالاضافة الى تحليل الراتب لان لا يوجد حرائق يوميا. وأخيرا أرجو التكثيف والاكثار من العناصر من مختلف القوى لحماية المواطن والوطن، ولو كان نظام توحيد رقم الطورائ فاشل او غير جيد او لايحبذه بعض من اضافوا تعليقات لما استخدمته أقوى الدول في العالم وأكثرها تطورا. والسلام مسك الختام

انا عندي يهون توحيد الرقم بس ياخي لما تتصل يرد عليك واحد مثل الناس المشكله يقولك اذا شفت شي غلط دق ومادري ايش … ومره حصلت مثلك اشاره عطلانه واتصل على المرور الا يرد علي واحد مادري هو مغصووب علي ولا وش سالفته مادري … قالي نعم اخوي؟ قلت السلام عليكم يعطيك العافيه اخوي

معك حق اخوي لكن اتصل على الرقم 112 او الرقم 08 يعطيك محاولة اجراء مكاملة طوارئ وماهي الا ثواني ويمسك معاك الخط والله يوفقك

من المفترض ان يكون الرقم موحد .. في احد المرات تعرضت لـ حـآدث في مكان يبعد عن مدينه الريـآض 50 كيلو .. ومن اللخمه والربكه قمت اتصل بالرقم 933 بدل من 993 .. وبقيت على هالحال حدود السـآعه .. والمشكله يعطيني الرقم مشغول هذا اللي استغربت منه ولكن بعد ماهدى الوضع شوي عدلت الرقم .. (( يعني لو كان الرقم موحد اتوقع مابيكون فيه اي لخبطه او اي شي )) يعني اذا احتجت مثلا امن الطرق .. كم واحد يعرف رقمهم !!؟؟ تحياتي

انا معك بنفس الكلام واتمنى ان يوحد الرقم إلى112 ولكن لا احد يسمع ،،، 🙁

كلامك صح 1000000% اخوي:) اتمنى ان يوحدوا الرقم إلى صفرصفرصفر .. خخخخخ:$ علشان الصغير يحفظه قبل الكبير سلمت يداك موضوعك في غايه الاهميه الله يعطيك العافيه وجزاك الله عنا كل خير

فكرة مميزة .. بس لو يوحدونه لـ 999 يكون أفضل واللي يستقبل البلاغ جهة خاصة منفصلة عن بقية اقسام الامن .. بحيث تشرح لهم المشكلة اللي سايرة لك – لاقدر الله – ( حريق – حادث – احتجاز ،،، ) بعد ما ياخذون معلوماتك على طول هم يحولونه على العمليات المناسبة سواء في المرور او دوريات الامن أو الدفاع المدني أو الهلال الاحمر او اي جهة اخرى ..

أضم صوتي إلى صوت محمد فؤاد بحيث يكون النظام مثل أرامكو رقم موحد وتستقبل المكالمة من كل جهة حكومية ويسأل شخص واحد عن المشكلة حتى يتبين للجهات الحكومية ما يحتاجه المتصل

اختصار القصة احد اقاربي له اصدقاء من الخارج مسلمين ولله الحمد ، حضروا إلى مكة لأداء مناسك العمرة ونحن بدورنا اعطيناهم تعليمات في حالات الطوارئ لا سمح الله اتصل بكذا وكذا ،،، فضحك ضحكة استغراب ،،، وقال ما شاء الله حكومتكم كثيرة لكل منهم رقم مميز ،،، :$ لم نستطع الرد عليه بكلامه المستغرب ،، :~ خلاصة القصة اتمنى حكومتنا واحدة برقم موحد ،،، والشكر وتقدير لصاحب الموضوع ،،،

كلامك سليم أخوي وأشكرك ع الموضوع