السلام عليكم ورحمة الله وبركاته 
ياهلا والله ومرحبا بالجميع
جيتكم اليوم بموضوع جديد وحديث الأمس 
ويخص ديرتي المجمعة 
الكل يعرف اننا الحين بإجازة وخلال هالإجازه يقام الآن في المجمعة
مهرجانات شبابيه وتسويقية << ذاك السوق الإستهلاكي
والشي اللي بنتكلم فيه اليوم هو
مهرجان تراث المجمعة 
مهرجان جداً جميل موب امدح عشان ديرتي لاا
بجد شغل حلو كثير وتراث اسمى على مسمى بداية من تقاليد منول
الى مشاهدة متحف اثري بجد بجد وراح اتكلم عنه كثير لما نوصل له
قبل ما ابدى بالصور وكذا بوريكم وش في هالمهرجان ووصفه
عبر بروشور يوضح كل شي يخص هالمهرجان
شفتو البرشور الخاص بالمهرجان طبعاً بنشوف منه اغلب الفعاليات بالتقرير هذا
والباقي ان شاء الله تشوفونه اذا زرتوه وطقيتو له مشوار << واقف
اللوحه الي على يمين مخربه شوي 
<< طيب وش تطري هالشي
هذي البداية عند هالولد الكويس
شي أساسي بكل مهرجان تراثي نشوف مثل هالمماليح والي يطرزون لنا
العاب منول بكل انواعها ولعل الي فيها جفاسه هي الي تغلب عليها
هذا يعجبني قروي صدق قارورة المويه بالمخباة الي فوق
يحد المهرجان بالكامل دكاكين وهي وقف للملك عبدالعزيز رحمة الله
فيها ما فيها من الصور الي بتشووفون
انا ابي هالرادو
مقتنيات أثريه وكلها للعرض مدري اذا يبيعون او لا نسيت
حلويات ومشروبات
كعكي كولا
مواد غذائية
الحماليه
حرف يدويه وشكلهم حقين الحساا بكل مهرجان يجون
الا حساويه صدق
حيونات وطيور
ابي زبيريه بكرى بروح اشتري منهم
هايج عليهم 
ليت فيه فيديو كان سمعتكم شيلتهم
خضره
هذا الصدر .. يعني تصدير المويه
الشيخ حق الكتاتيب الي ما لحقت عليهم
وبنشوف نفس هالشيخ بعدين بفعاليات الزواج
مهسترين
هذي مدرسة قديمه درس فيها الكثير من علماء ووزراء المملكة
وكان فيها عرض للكتاتيب بس ما لحقت عليهم
سوق الحريم
من الي تبي لها دراعه
يممم
القرص
ابي 
<< توني اشتهيه
بيت الشعَر والشعِر
الحنى
ربي يخليها لأهلها
الجو رآيق
الحماليه وأنواع التنقيل في البزران
هنا رجال مسدوح طبعاً دميه بس الفكره وين ؟!
الفكرة انو حاطين أجهزه صوت بين هالبيوت الصوت شياب يقولون اقلطو وكذا
ويالله حيهم
شوفو هناااك .. دمى وشبة نار كنها حقيقه
هنا بيوت مزينه وفيها جلسات للعوائل + مؤكلات وكذا
هذا المسلخ
يالله قوهم
ابو عبر
الدستن
اموت على البرقان المرسومه
وبرضو كلشوي تصادف حمالي ومعه شلقة بزران
اللوري
رجعنا مره ثانيه للدكاكين الي في البداية
عشان نشوف هالدعايات
انا ما علي من الي واضحه شوفو الي ورى انا احلف انها بداية الإنفتاح السعودي
وبداية تعلق قلوب شيابنا بأمهاتنا قصدي بداية تفشي ظاهره الطلاق
تجمع الحضور عشان فعالية زواج زمان
والبداية كانت بإنطلاق هالنوافير
رآيقه بصراحة
ثم زفة العريس لعروسته نواف انكبك ؟!
من اليمين ابو العروس ومن ثم العريس ومن ثم ابوالعروس
<< عقبال ما اقولها صدق لك يا نواف 
والناس وراهم لحد ما وصلو بيت العروس هو صدق جايبين عروس ولا لا
بينكب الولد خخخخخخخخخ
حنين هالكرسي
هذا المنزل الأثري والمتحف الأثري وبجد كلمة أثري يعود لعائلة المزعل
احد عوائل محافظة المجمعه
انا شفت متاحف كثير وشفت نوادر وشفت وشفت بس مثل هذا ما شفت ابد
عرفتو كيف من زود الآثار الريحه باقيه والله ريحة امي هيله شميتها في هالبيت << ارركد
هالبيت له تأسس قبل ميتين سنه وتوافد عليه اجداد واجداد وكل واحد يقول احب احتفظ بالآثار اكثر
لدرجه انه لحد اليوم هذا نشوف مثل هالبيت الي يجمع آثار ونوادر مميزه
مكاين سنجر وينها ايام الخبال والمكينة بخمسين الف
هذي الغريفه الي فيها الريحه القديمه والي سكرت عليها قصدي فهيت عندها
كلشي قديم ويخص الرجال او الحرمه تلقونه فيها
على وضعه وكلشي مثل ماهو المطرحة والرادو والفقس والمهفه الخ الخ
مراح اعلق بصراحة الصور تتكلم عن نفسها ومنظرها جميل
الصناديق والكريمات
ما فيه مساحة في البيت الا حاطين فيها شي
وكلشي مصفصف ومرتب
وموب بس نوادر تخص البيت وكذا لا ادوات زراعه وكلشي يخص منول
شوفو البكم يمين
يا زينهم
هذي رفيقتنا حقت الحنا الي فوووق
طليعة ابو بكر
سياكل
هذي الصناديق الي مثلاً توزع على الي يطلبون منتوجات المزرعة
ولاحظو كل ناس لهم صندوق خاص ولاحظو بعد ان الصندوق يصغر ويصغر
على مر السنين يعني
هذا الحمام وانتم بكرامه
كتب من عام 76
السجادة حنين
الجرايد
البكم
البكم طبعاً للي ما يعرفه هو الاستريو حالياً
بكمات فيها مواد صوتيه يحطونها فيه وتلف وتلف وتشتغل
المفرش والألوان كلشي هنا يخلينا نتمنى نعيش ولو يوم مثلهم
التلفزيون
الرادو
القهوه اسمها كذا يعني مكان القهوه
مثل اكبر شي بالبيت يسمى الصفه
هذا المطبخ وجامعين فيه كلشي
تنك الحلويات
علب
شوفو هنا حتى البقل قديم وطاقته الشمس
أدوخ على الأحمـر
البساط
البيت بصراحة جالس يحكي عن 200 سنه واكثر
القرب
الضيق في الأنفس
جلسة السطح وفيه احد القنوات الراعية للمهرجان
المجلس بطل
وبكذا نكون خلصنا من هالمتحف الأثري والي شفنا فيه أشياء أتوقع
الكثير منا ما عمره شافها وأولكم انا ألف شكر للقائمين عليه
وعوده للألعاب الصبيانية
اح اوجعني ظهري انا كيف هم من كثر ما يطمرون عليه
البليلة
وهنا بسطات دحيم وسليم
هههههههههه
نهاية تقررينا .. والله تمنيت ما يخلص << الصور 170 صورة وش تبي زياده
أخيرا وليس آخراً <<< يسمع بها ترى
بس بقي اوريكم كروكي للمهرجان للي حاب يزوره
وابد انا مستعد بكلشي بس تنورونا
//
انتهى موضوعي عن هالمهرجان والي أتمنى انه يعجبكم واكون من خلال خليتكم تشوفون
شي حلو يعكس سمعة ديرتي المجمعة الي لها حق علي
آسف على الآطاله ونشوفكم بمواضيع ثانيه تمسون على خيـر
كل الحب
تابع جديد رسائل المجموعة على تويتر
بجد استمتعت بكل شي– اشكرك اخوي على التقرير–
ماشاءالله عليك صور حلوة مرة .. بس ليش ماصوّرت الحجاج هم اهم شي !! صراحة المهرجان مررررررررة ماينتفوت وانا اول المعجبين فيه واهلي كلهم جازلهم وانبسطوا فيه .. نشكر كل القائمين عليه صغيرهم وكبيرهم وربي ماقصروا وسعوا صدورنا وكلش .. خصوصا البزارين اللي يراكضون ويشترون من البقالة ويلعبون يا ملحهم ووه بس <3 😀 والكتاتيب شي ثاااني .. وهذوليك اللي يحرثون ويزرعون مرة جازولي .. وبيت المزعل خطييييييييير … واصوات البقر وهذي الاشياء كلها جميلة الله يجزاهم خير ويجعله بميزان حسناتهم يارب ^^
بصراحة انت مبدع بجد اية الحاجات الحلوة دى ياابو خليل ربى يحفظك من عيون الناس
😀 المهرجان كثير حلو يسلمووووووووو
متعه قسم با الله غير طبيعية يازين حياة اول بس يعطيك مليوم عافيه وايميلك في المفضله يازين ايام اول بس استمتعت متعه غير طبيعية بسئل المهرجان لين الحين مفتوح ولا …
شي حلو بس اللي ماعجبني هو تعليقك على الولد اللي قلت عنه قروي ياليت لو نرتقي جميعا بتفكرينا .
ماشاء الله عليك كانى موجوده فى المهرجان ابدعت فى التصوير يعطيك العافيه
ماشاء الله عليك تبارك الرحمن – مبدع مبدع مبدع وغطيت على المبدعين بإبداعك وتصوير جنااااااااااااااااان مرررررة وروعة مرررررررتين والله إن صورك تكفي عن الزيارة وتوفي – والله فعاااليات ذوووووق كلش كلش جميل B انت شجعتني آتي له غداً يعني بكرة بقي إن كان ماعليك كلافة توصف لي بالتفصيل :>:>:> لأني اول مرة آجي للمجمعة عامةً وللمهرجان وموقعة خاصة أوصف لي وأنا جاي من الرياض طريق القصيم وأوصف لي أحسن غرف مفروشة وأحسن مطعم – ويالله تراني جاي جاي إن شاء الله تعالى 😀
الله يعطيك العافية روووعة
8 ابو محمد زائر 127244 ماشاء الله 20/04/2010 06:41:03 ماشاء الله عليك تبارك الرحمن – مبدع مبدع مبدع وغطيت على المبدعين بإبداعك وتصوير جنااااااااااااااااان مرررررة وروعة مرررررررتين والله إن صورك تكفي عن الزيارة وتوفي – والله فعاااليات ذوووووق كلش كلش جميل انت شجعتني آتي له غداً يعني بكرة بقي إن كان ماعليك كلافة توصف لي بالتفصيل :>:>:> لأني اول مرة آجي للمجمعة عامةً وللمهرجان وموقعة خاصة أوصف لي وأنا جاي من الرياض طريق القصيم وأوصف لي أحسن غرف مفروشة وأحسن مطعم – ويالله تراني جاي جاي إن شاء الله تعالى رسل لي وصف تفصيلي لو سمحت vxr1130
السلاام عليكم والرحمه وبعد اخي الكرييم تسلم ع الصوور اروعه بس عندي تعقيب باالنسبه للصور حسيت فيه شوي حسااسيه تجااه تعليقك في احد الصور بخصوص اهل الاحسااء بمعنى انهم رازيين نفسهم في كل مهرجاان اخوي اكييد هم مايجووون الا هم مدعوييين اكيييييد وياااااليت اكوون غلطااانه وفاهمتك غلط مع انوو بااااين الكتااب من عنواااانه وشكراً
انت اللي فوق السياره وتصور ذاك اليوم بالحامل ذذ بصراحه بطل المهرجاااان اطلق مهرجان شفته يعطيك العافيه وماقصرررت
يا هلا ولله ومرحبا بالناس الذوق فقط ..والفاهمين برضو اجل نرتقي بتكفيرنا عشان قلت قروي ؟! كلنا قراوه بس هذا جالس يجسد الشخصيه القرويه وكلنا نتفخر فيها وبلاش تخلف الله يخليك تسلمون والله وكل هذا من ذووقكم ولطفكم ابو محمد انت تامر امر بس راسلني على الايميل الي فوق وابشر بالي تبي ..
هلا والله ابراهيم صراحة تقرير رااااائع جداً بس القهر اني جاي لسدير قبل امس ولا دريت عن المهرجان 🙁 خيرها بغيرها ان شاء الله ويعطيك العافبة اخوي على التقرير اللي حسسنا اننا داخلين بالمهرجان …
بجد،، الله يعطيك آلف عآآفيهـ بجد أستمتعت بموضوعك الرآئع وأكيد تعليقاتك:$ اكرر ،، يعطيك العافيه يارب تحياتي
قِمممممة الرَوّعه ‘ واللهِ شيّ حلوِ , خآطري أِشوفَه ! خسآرهـ خلصت الأجآزَهـ ! 🙁 ‘ شي حلو مرَهـ إنهم يسّوون كيذآ , يعني أحس بالمدن المجآورهـ مآفيه زيه ّ! بنفس الشغل المرتبْ و الإبدآعْ . ومرهـ مٌتقنْ مآشاءاللهْ .. , كُل الشكر لكْ إبرآهيمْـ خليتنآ نشوف هالروَعَهْ .. تصويرَك إبدآع مآشاءالله .. 🙂
ممتعنا بمواضيعك كالعاده ماشاء الله عليك ابدااااااااااااااااااع ماشاء الله عليك ,تقرير رووووووعه وتصوير أروع والتعليقات أحلى وأحلى وكالعاده بالتفصيل ماتركت شي اسم الله عليك وحشتني مواضيعك والله =( من زمان عنك هنا وهناك وهناك 😀 الشرشف الأزرق والابيض عندنااااااااااااا أثريين والله أهلي ههههههههههههههههههه تسلم يدينك والله استمتعت وانا اقرا الموضوع واتفرج على الصور لاتقطعنا
السلام عليكم والله انك مبدع نبي الموضوع الجاي عن حرمة 😀 ولا بس تصور ديرتك ترا حرمة جارتكم 😀 والله يعطيك العافية
والله يا بعض الناس مدري من وين يفكرون الصراحة !! وشو اللي تعليقك بقولك قروي ؟؟؟ اصلا المهرجان من اسمه مهرجان التراث يعني تشخيص حياة القراوة ووشلون كانوا عايشين ..!!! ولبسهم وكل شي .. بالعكس هذا ان دل يدل ان الولد نجح في تصوير الشخصية بشكل مضبوط وهذا اللي يقصده ابراهيم .. رجاءا لاتجون تردون وانتم مطفين النور ولاتدرون وش السالفة .. تبون النقد باللي هي به .. لان التقرير بيرفكت ولا فيه شي يننقد عليه فيه طبيتوا في هالمواضيع السخيفة عشان تطلعون عيب ..!! ماعليك منهم بس والله التقرير ابطل مما يكون .. وخششنا جو تراثي عميق الله يجزاك الجنة يارب ويدخلك من اوسع ابوابها ..
بيض الله وجك ابو عبدالعزيز تقرير احترافي مميز
انا لمن شفت كتاب التربيه الفنيه تذكرت المتوسطه ومريولي البمبى ومدرساتي والمدرسه والنظام ياليت الزمن يرجع ورا مشكور وماقصرت والله يعطيك العافيه
الأخ ابراهيم الرميح كان من الأفضل لو وضحت البس الحاصل دون الاساءة لي على العموم أشكرك على سعة صدرك .
الف الف شكر وتقدير لك على كل هاذا أتراث وصور الحياه القديمه الجميله بمحبة الناس لبعضها وترابط الي كان بينهم اكيد كان فيها تعب ولا كل شي كان متفر ولكن المحبه وراحه انفسيه الي كانو فيها مفقوده اليوم اللا عند القليل الله يرحمنى ويصلح قلوبنا اخي ابراهيم في انتظارك بلجديد انشاالله من اتراث تقبل تحياتي
مشكووووووووووووووووووووووووووره عى الصور بس مو كل شيء قديم عندهم
يالبى قلبك يابو خلللللللللللللللللي الصور خوقاق تغطية شامله ورائعه للمهرجان
الصراحه شي يصييييييييح:( يعني انا ماعشت في هالزمن بس حبيته بقووة.. والاشياء الموجوده احس كلها على حطتها ماتغيرت ..مدري هالشي خلاني احن لأمي وابوي الله يرحمهم.. بس بغيت أسأل هل مازال المهرجان الى الآن ولا انتهى .. لأني كل فترة امر المجمعه واتمنى اشوفه .. مشكور اخوي ابراهيم على الطرح المميز .. سلمت أناملك..