تقرير خاص عن أعمال حج هذا العام

تقرير خاص لمجموعة أبو نواف البريدية عن أعمال حج عام 1424 – 2004

الأفواج واستقبالها
" لخبطني الخبطك " لعبة يلعبها كل من وزارة الحج ومؤسسة النقابة العامة ومراكز التفويج ، بأشرح لكم بصورة سريعة وش قصة هاذي اللعبة . طبعا لما يجون الحجاج من جدة أو من أي منفذ ثاني ، يتم تفويجهم بطريقة خاصة ، هاذي الطريقة الخاصة جابت العما للمطوفين والحجاج ، الحين خلوني الخرائط عشان تفهمون أفضل

التصعيد
وهو تصعيد الحجاج من مكة إلى منى . كلو تمام هاذي الخطة جيدة نوعا ما ، منسقة وحلوة والأحلى في هذه الخطة إن المسؤولين عنها يطورونها دايم ، والتطور ملحوظ خصوصا خط الترددية اللي خاص بـ المؤسسة التجريبية لمطوفي حجاج دول تركيا وأوروبا وأمريكا الشمالية واللي دمجو معها العام الماضي مؤسسة مطوفي حجاج دول جنوب شرق آسيا كتجربة ومدري وش صار معهم هالسنة بس أتمنى ما يضيفون معهم مؤسسة ثالثة عشان لا تصير الخطة بايخة ويصير الخط زحمة وينطبق المثل اللي يقول " ياأبو زيد ليتك ماغزيت "

يوم عرفة
طبعا بعد صلاة الفجر في منى يبدون الحجاج يروحون على عرفة . أوف أوف أوف يوووووووووه يالزحمة . وهنا ودي أقول شي .. طبعا في باصات موقفة في منى يعني على طول تشيل الحجاج وتروح بهم ، وفيه باصات موقفة في الحمرا في مكة .. شي طبيعي راح يصير فيه عجز باصات في منى .. طيب ؟ … معناته لازم باصات مكة تطلع مساندة وهنا تجي لعبة مكاوية اسمها بالله عليكم لو كل الطرق اللي تودي على منى مسكرة كيف توصل هالباصات لمنى ؟؟ ! المرور مسكر كل الطرق اللي تودي منى ويقعـــــــــــــــــــــــد فترة وبعدين يفك طريق وبعدين يقعــــــــــــــــــــــــــــــد فترااااااااه ويفك طريق … وعلى هذا الحال .
هذا الشئ يخلي اللي مسؤولين عن تدخيل الباصات لمنى يتنرفزون .. مما يؤدي إلى التحايل على النظام ! كيف ؟؟ .. يعني شفلك أي درب وخش منه … هذا اذا لقيت لك درب .
أحلى شي في ذا اليوم إنك تشوف أنواع الكتاشب جمع كتشب والكتشب هو الشريط الأحمر اللي ينحط على كتوف الظباط الفطاحلة زي لواء ، فريق ركن ، ومن الحاجات هاذي يعني مدير مرور مكة اللواء عمر أسعد قلي خخخخخخخخخخ صدقوا لا والله ماهو قلي ، لقبه حارثي .. المهم انه قاعد يحرك في الباصات في الشارع زيه زي أي جندي … والله منظر رائع جدا لما تشوف هالظباط في الشارع تعرف إن الدنيا بخير وإن عيال الوطن ودهم يؤدون هالرسالة على أكمل وجه
طبعا الحين منى شبه خالية … تبدأ الدركترات والشيولات وآلاف عمال النظافة في تنظيف منى . ولما يرجعون الحجاج على منى يحصلونها بكراتينها ما أنفكت

السوداني
هاذا السوداني الضعيف تقاولت معه مؤسسة مطوفي حجاج الدول الأفريقية غير العربية ، وش شغله ؟؟ شغله ياطوال العمر يزبط الخيام حقت عرفة من طقطق للسلامو عليكم
هذا السوداني أمه دعت .. عليه تخيلوا حول سبعين مكتب في هالمؤسسة وفي كل مكتب حول 4000 حاجي يعني وش الأرض اللي بتكفيهم في عرفة ؟ احسبوها وتخيلوا قطعة الأرض قدامكم
هذا في ثلاثة أيام قالوا له تسوي بيبان الحمامات كلها الله يركمكم . هذا بالإضافه الى أسوار المخيم وكل شي فيه علاقة بالحديد هو يسوي بالإضافة الى التخطيط وترقيم مخيمات المكاتب
وهنا بدأت مشكلة عويـــــــــــــــــــــــــصة بمعنى الكلمة
هو مكلف إنه يرقم لكل مكتب مخيم يعني مثلا مكتب رقم 30 يعطيه قطعة أرض على عدد حجاجه . هاذي الشغله يبغاله ناس مهندسين بمعنى الكلمة ليش ؟ أنا أقولكم
السوداني راح رقم بالطريقة هاذي : مكتب 1 بعدين مكتب 13 بعدين مكتب 21 بعدين 23 و… الخ
طيب الحين لما تجي الباصات من منى على عرفة " في كل باص مرشد سعودي " المفروض تكون المخيمات مرتبة بأرقام المكاتب يعني 1 بعدين 2 بعدين 3 الى اخره عشان لو مثلا شفت لوحة
مكتب رقم 30 وانت من مكتب 32 تعرف انه مابقي لك الا مسافة بسيطة .. لكن بالطريقة الأولى ماراح تعرف وين الله حاطك وراح تتوه الحجاج ثم تحمد ربك إذا ماجالك كم جمع مع كم ركبة مع دفستين بالقدم اليمنى .. خخخ
فعلا الحج عرفة مدري ليه ! ؟ تحس إنه لو مو هاليوم يصير الحج ماله طعم يبغا يسوي تعبير مايعرف
من عرفة الى مزدلفة يجمعون الحجاج الجمرات ويحطونها في كيس هدية من وزارة الحج ( كيس صغير والله جيد يصلح تعليقة في السيارة) خخخ
والكيس هذا يجي في شنطة صغيرة اسمها " هدية الحاج" توزعها وزارة الحج على مؤسسات الطوافة طبعا في الشنطة هاذي فيه فرشاة أسنان مع معجون صغير .
وموس حلاقة في الشنط الخاصة بالرجال وكمامة وكوب مويه . فكرة هالشنطة جدا حلوة . أتمنى إنهم ما يلغونها
طبعا من مزدلفة الى منى دايركت يعني كل باص يوقف يجمعون الحجاج الجمرات ويصلون ويمشون على طول على منى
الهدي .. المجزرة الجديدة مشروع جدا قوي ومتطور لأبعد درجة
فيه ناس يجلسون في منى يوم ويمشون .. وفيه ناس يجلسون أيام التشريق كلها
من مكة كل الى بلده
وهاذي الخطوة سهلة جدا بحيث يروح الباص التابع للمكتب الى الفندق الخاص بالحجاج ومع كل باص عفاشين خاصين بالمكتب يحملون العفش .. يركبون الحجاج يتجهون للمكتب
لإستلام جوازاتهم ويسوون لهم موظفي الحاسب في كل مكتب برنت خاص بالباص .. عدد حجاج .. اسمائهم .. فإذا تأخر الباص وهو واقف على باب المكتب فإن سبب التأخير يعود
لموظفي الحاسب الذين يب أختيارهم بعناية حسب سرعتهم في الطباعة .
آخر موعد لبقاء الحجاج هو 15 – 1 – 1424

موقف صغير
في عرفة كنت مواصل لي يوم ونص وتعباااان من جد المهم جيت أبغا أنا بعد المغرب شوية يعني أبو نص ساعة .. وفعلا رقدت نص ساعة أقوم إلا ألقا جنبي شايب نيجري عمره حول التسعين
يمووون الأخ ساحب مخدة المطوف وراقد ههههههههههههههههه والله لقطة .. المهم أنا الحين لازم أقومه عشان لايفوته الباص جيت أصحيه .. تصحي مين يا علاء الدين . الشيبة معيي مررة
رحت زهمت واحد من العمال النيجريين يتفاهم معه . أيغاه يترجم لي قلت للعامل وش يقول ؟ قال والله مدري بس شكله تعبااه . قلت لاحول ولا قوة الا بالله
واروح وأنادي واحد من حقين البعثة النيجرية وجا يتفاهم معه شفت الشغلة ماهي مخارجة الشيبة مسكين من جد تعبان قلت لحق البعثة وش يقول .. قال let him I m comming ..
قلت الله يستر ويروح ويجيب معه أربعة الواحد مثلي مرتين المهم جا يراضيه قبل لايشيلونه . لأنهم لو ماخذوا معهم هم المسؤولين عنه . جاه حق البعثة قال مالم ومالم هاذي
يستخدمونها لما يبون ينادون أي واحد ما يعرفونه .. قاله تكفى قم طلبناك … وقردن فيه ألين وافق ويجي يقوم الضعيف وبغى يطيح ما غير تسند على نص واحد من الثلاثة خخخ

وش نستفيد من هالموقف الصغير ؟
نستفيد إن هالشايب مع إنه بالقوة يمشي إلا إنه جا يحج وانتم ( بعض الناس ) صحة وعافية وتقولون يا ولد يمدينا . ورا ما تجون تحجون انتم ؟؟؟
أقسم بالله رغم كل الملاحظات اللي قلتها عن الدوائر الحكومية ،، تبقى هذه الحكومة فخرا لأبنائها حيث جميع الدوائر مستنفرة في منى لخدمة حجاج بيت الله الحرام
وجل من لا يسهو وإنما أحببت أن أذكر المسئولين بهذه النقاط الصغار التي قد لا يرونها