البلوتوث
يقول الشاعر
بلتثني حبك ياروح الروح بلتثني 
…. وارسلي فيدو وصوره ولا فارقني 
وان كان عندك ثيمات لا تزلبني 
…. ارسل وأستقبل وهات الي عندك وجيبووووة 
تعريف البلوثوث
هذا يا طويل العمر ويا طويله الشعر
هذا في الجولات الجديدة نظام أسمه البلوتوث وهو يمكن من استقبال وتبادل البيانات
عن طريق مسافات بعيده بالجوال … مقاطع فيديو … صور … تسجيلات … خنابيق
كل شي 
عن طريق الجوال ويكثر استخدامه في الكوفي شوب في السوق في قريح
اي تجمع سكاني يكثر فيه تبادل هذه الخنابيق عن طريق البلوتوث الي بالجوال
اما عن سبب تسميته البلوتوث
بأعتقد والعهدة على الرواي انه ما يلي
بلو : يعني ازرق
توث: يعني 
هي الظاهر كلمه يونانيه معناها المراسلة
ما ودك يترجم شي الله يصلحة
البداية
شريت جوال وانلعب علي ,,, آآآآآآآآآبو الي شريته منه معطيني بطاريه صناعتها مكسيكي
وجعين مسلسلات قلنا معليش بس وش دخل ام البطاريه مكسيكيه مدري
رغم ان بطاريه خويي صنع كوبا وقتها قلت لنفسي يا ملح المكسيك
شرايكم بحركه التصوير مع المرايا 
تحس ان متمكن من العدسه ولا ؟؟
الموقف الأول
توني قايل ياهادي وشاري الجوال المهم وادخل انا وواحد ذاك الكوفي الي يخترش
تبون احلف لكم انه الرجال مودينا للكوفي شوب عشان بلوتوث حلفت
هذاك الي يسمونه اسير البلوتوث … <<< انظف كلمه ممكن اقولها عنه 
والله ونجلس واتحرى واتحرى شوي يوم جاء الفرج 
هل تريد استقبال رساله بلوتوث من ( بيتر ) اسمه بيتر الله يذكره بالخير
وش دعوهيا خوي تشاور اقبل وزود ما جيت الا اقبل موافق موافق موافق
واتحرى يوم طنت الرساله واناظر بيتر من بعيد طاق ام الرسم 
شكله مرسل لي شي دسم
واقرب من الجوال واقصر الصوت ويجي هالزلابه الي جنبي 
ويقرب
يوم فتحنا البلوتوث الأول في جهازي
الرساله كانت
وش يبي ذا … 
… هاه يبيك ترسل له شي
اقوم اعثي في بطنه ذا الحين
طراره هي يا ارسل ولا البد يا خوي ويجيك رزقك
بس بعض الناس سبحان الله فيهم بثاره
كنه الي جالس في بوفيه وسمع الي وراه جته رساله
التفت عليه و قال بالله يابو كانها زينه ارسلها
الطيور على أشكالها تقع
مرة كنت جالس انا وبعض الأصدقاء <<< قصدي الزملاء
يا شين الفلسلفه
الزبده جالسن نتغدى في مطعم مندي على كيف كيفكم
هو وصخ بس انه لذيذ يعني الزباين عنده ميه ميه
ونوعيه الزباين من ابو الغتره على الكتف مطروحه … وميتين إل عند الباب
والله وانا جالس اتعشى الييييييييييييين قلت كااااااااااااااااااااااع حمد الله
وتركيت ومديت رجلي وقمت اهز يمين ويسار كود يتقلقل الغدا لأسفل البطن
الا ويجي بلوتوث
قلت بس هذا اكيد مقع الفيديو حق مرام تسليل الحيا
والله واستقبل 
يوم جت الصورة
والله وتحوم كبدي خلالالالالالالالالالاص ما اقوى ما بي اشوف صوره اكل يارب لك الحمد الشبعه زينه
وقسم بالله مغتث مالقيت ترسل الا الحين وكبسه الطازج بعد قلت 
على طاري كبسه الطازج من جد اول مره اشوف ناس يقطعون كشنه الكبسه بمطرقه
تشوف الطماطه في كبستهم كن واطيها ددسن اللهم عافنا
الله لا يعاقبنا بس … فلبيني يصلح مظغوط وش ترجي بعد
في البحرين يوم رقموني
طبعا مهوب لله كنت حاط اسمي في البلوتوث ريم
هذا يا طويلين العمر كنت مره من المرات في البحرين وجالس في اتعشى مع خويي
ما عندي من الشيطان طريق … واناظر يمين ويسار الا والله العالم تشتغل بلوتوث
طيب وانا ورا محد يرسلي
ويجيني بليس ويقول يا سوالف
قلت له سم يا طويل العمر
ايه هو طويل عمر بليس احد يقدر يقول شي
والله ويقول اسمع وراى ما تسمي نفسك ريم وابشر بالخير
والله انها مهيب شينه
وتطلع لي قرون
واغير اسمي لريم
ما امداني اقول اوكي على تغير الأسم الا اول رساله
هلا والله
ترى الرقم مهوب صحيح الي خفيف لا يصدق 
صوره توضيحيه فقط
جعفر عاد
اقول لخويي ابشرك تعرفت على وحده اسمها جعفر
يوم اسمي ريم فية معجب أرسل لي صورتة
ما امداني امد خشتي الا والبلوتوث الي بعده جايني بنفس السوق في البحرين
عاد هذا الي صدق بايعها بقشرة بصل ولا نيب قايل من اي ديره
لأنه يسيء لأسم ديرته قبل ما يسيْ لنفسه
شوفو وش مرسل
7
7
7
7
7
مرسل لي صورته السمرمدي
التفت يمين ويساروالله واشوفه جالس يصور نفسه ويرسل
لعن ابو حيك من زين ذا الخشه وكله كوم والسكسوكه كوم
هلق هوقن يا جماعه والله انه كبر الحمار
ياشماتت ابلا طازا فيه بس 
,,,,,,,,, ابلا طازا مين ,,,,,,,, اخررررس
والله اني بغيت انكب والديه بغيت اقوله انا ام فنيلة سماوية تعال حطلي الرقم
هو اذا قرأ كلمه فنيله بيغسل يديه اصلا ,,, بس والله ما طاوعتني نفسي
البنت ضعيفه مالها ذنب وبعدين دبا والله ان طبت في بطنه ان يفقد
انا وخويي على الدائري الشمالي
يا جماعه ربي بلاني بواحد يقدر شي اسمه بلوتوث
والله العظيم انه يسوي سيرش وحنا على الدائري نمشي 140
هو يقرأ رسالتي وفيك خير كل تسذاب عندي الأدلة
7
7
ابو الشباب على الدائري
شفتها وشافتني عند الأشارة
مره من المرات كنت واقف عند الأشارة ما عندي من الشيطان طريق
يعني وش اسوي جالس اقلب اذاني واناظر يمين ويسار لا تقولون بلا لقافه وش اسوي يعني 
تبوني افتح الشباك يجي الكناريات توقف على يدي اقول اها بس .. صريم صكك درايشك والمكيف على 4
وقزقز في هالعالم وبس الين الله يفرجها وتفتح الأشاره
الزبدة
ما دريت الا والله ويجيني بلوتوث وانا عند الأشارة اناظر يمين ويسار
قدامي عمال مقاولات في ددسن ووراي شايب معه هايلوكس ومطلع يده مع الدريشه بيسحب اريل الرادو مهوب فاضي لي
وواحد على يميني يسولف هو مرته
وعلى يساري امريكيه مع السواق ما فيه الا هي بس
واستقبل الرساله
أمريكيه تحبني
مرسلة لي رساله إعجاب
7
7
7
آآآآآآآبو الي انتي علجته يا علجة
عاد انا والله مدري هي ولا لا بس ما فيه غيرها
الفقرة الأخيرة : إستراحة مع بلوتوثات
للأستفادة من هذه الفقره يلزمك تحميل ريل بلاير 10 ولا نزلها وانقلها لجهازك البلوتوثي
هو يشغل هالنوع من الملفات وكل الملفات الصوتيه والفيديويه يعني حملوه للمستقبل 
إظغط على صوره البرنامج ويوديك لموقع التحميل
واحد
الحادث الي في النفود هذا هو للي ما شافه
والحين الحمد لله كل الناس عندهم رساله الحادث
عاد عشاني تكفون لا عاد ترسلونها ترا حامت كبودنا منها
اغتثينا بها 
اثنين
الشايب المهستر
شايب مصصصصرقع 
وجدييييييييييييييد
والله لا يفوتكم
ثلاثة
حراج على تيس
هذا يا طويلين العمر واحد مهوب صاحي من جد
استغلو شبهه بالتيس وجابوه يحرجون عليه
لا يفوتكم مقطه مصررررررررقع
ثلاثة
موظف حكومة
هذي البطاله المقنعة الي يقولون عنها
تبون تعرفونها,,,, شوفو المقطع
وسلام عليكم ….
