بلوتوث + صور : تهريب الحدود × القبلة وين؟؟

بسم الله الرحمن الرحيم
السلام عليكم ورحمة الله وبركاته
حيا الله أعضاء شبكة
أبو نواف
؛؛؛
كل عام وأنتم بخير مقدما
واليوم موضوعي شوي طويل عن العادة
معنا اليوم 9 ملفات بلوتوث وصوت تسحيب واحد
وفيه معنا هالمرة 4 مشاركات من الأعضاء حبوا إنهم يشاركون معكم
وسعوا صدوركم علينا

[ بلوتوث ]

-1-
تكفى يا سلطان لا تتحمس مرة ثانية

تحميل

-2-
شيبان فلوها بالمجلس
هز وسط ونط يا بط

تحميل

-3-
ماهو ذنب هذا الطفل
اللي تركوهـ أهله ؟؟!!! الله يعافيهم ولا يبلانا

تحميل

-4-
تسمع بالتحشيش
لكن هالمرة تشوفه

تحميل

-5-
الاستراحة وفيها شباب ومعهم بلايستيشن
اتحدى ما يصير فيه مثل كذا

تحميل

-6-
دحة بشكل جديد
لو يشوفها شايب كان مسجرهم بالعقال .. قاموا يخربونها

تحميل

-7-
التهريب على الحدود
والحرس ما عندهم يمه أرحميني يا توقف وتستلم
أو تروح ملح وذاب

تحميل

-8-
درعم عليهم وأعدمهم .. هذا والرصيف وش كبرهـ
أجل وشلون لو بدون كل هالأنوار والتحذيرات

تحميل

-9-
الطفل يولد على الفطرة
وهذا سمع الصوت وتحسون أنه هادي الولد

تحميل

[ صوت ]
هذا واحد من أخويا مؤذن المسجد
هبل فيه وجرجرهـ بالكلام بس يعجبك المؤذن ماعندهـ لعب
بالأخير شكله يبي يآكلها كفوف

تحميل

[ صور ]

مشاركة رقم ( 1 ) من : سوسو
يعني معقوله معرس على أربع حريم هو وهالخواتم
أو علشان يسمونه ملك الخواتم يعني <<<< الله من البلاوي اللي يعتقد فيهن بهالخواتم هالسواق

مشاركة رقم ( 2 ) من : صوت الماء
السؤال اللي يطرح نفسه هالحين
نصلي شرق أو نصلي غرب

meme : مشاركة رقم ( 3 ) من
المكان : شارع أم القرى بمكة
الله العالم اننا بعد ما يخلص رمضان نبي نفتح محل جنبهم
ونسميه :- أخويا فطرنا

وش رايكم باعلانات الشحاذة والترقيم

أو هذا اللي ما تدري وش المواصفات اللي يبي
ومسهل عليكم الخيارات

تبون دجاج محمد
أو تبون دجاج مساعد <<< أسمع به ولا شفته

مشاركة رقم ( 4 ) من : فاطمة
شافت البيت اللي قبل فترة نزل هنا بدون سور
وقالت حتى بحارتنا فيه واحد مسوي نفس الفكرة

وأنا أشوف الصورة قاعد أشم ريحة أسمي
مكتوب بالورد وهـ بثثثث

لكن ما أقول الا الله يجيب الدراسة على خير
وتركد هالأفكار المحششة .. أجل قاطعين وردة علشاني
وش ذنب الوردة هالحين يوم انها تموت والسبة أنا

مشاركة رقم ( 4 ) من : طلال
متعوب على الترجمة والحروف الناقصة
خرب مزاج الخطاط وخرب عليهم الاسم

وهذا اللي يبي يسبب انحراف للشباب
يقول ما عندي الا يوتيوب ومسنجر وشتشته بس
واهم شي حرف الياء بالمقهى ههههه

الظاهر انهن واقفات يتفرجن لهن على
حادث عند الاشارة او شي من هالكلام .. لأن حمى الشرافة وصلت للطيور بعد

عاد انت بكيفك
ودك تمشي أو ودك توقف حاطين لك اللي تبي

بعارين مصيرهن بالليل بوسط قاعة افراح ومذبوحات لعرس
والظاهر انهن عرفن السالفة ونطن من الدينا اللي قدام
هالسالفة صارت بين مخرج 15 و 14 بالدائري بالرياض

شكل الخطاط مصروف له بس ست وعشرين حرف
وناسي انه فيه حرف ص بحروف الهجاء
ويسوي لكم كل شي من أحذية وشنط وكل ابو شي

هذي ترقيييييييع
قصوا الحديد وطارت الكتابة وكملها ترقيع بالبخاخ
أهم شي الدعاية للبطاطس

مشاركة رقم ( 5 ) من : يركدون <<< أطلع برا بس تستهبل علشان انه انت اللي مصورها
هذي وأنا بطريق الهدا بين الطائف ومكة
ما فيه مكان اساسا تقدر تحط فيه ذكريات لك
حتى باب السواق ما سلم من البخاخ

أقول أطلع لي اذا كنت قوي
من اللي فيكم قال يالثور

هذي اللي يقولون عنها تعبئة يدوية
وأحسن من شغل المكائن

الدفاع المدني بالباكستان
أهم شي عندهم الزينة حقت الوايت وبكيف الدنيا لو تحترق

السلسة أكبر وأغلى من السيارة نفسها
علشان راعي السيارة يغري الحرامي ويسرق السلسلة ويترك راس المال

اللي مسوي هالكيك شكله مدرس فنية ورسم
ما خلى شي من الألوان ما حطه

زورو بالشكلاطه
بس ابن اللذينا حتى وهو ملطسن وجهه طالع مرتب

ما ودنا بالتعصب
بس على اليمين بقالة اتحاد واليسار هلال أجل اللي بالوسط شكلها النصر

ركزوا شوي مع هذا
اللي ما تدرون هو رايح أو جاي

نجي هاللحين للحسة المخ
المحشش رسم الفضاء الخارجي على زر ( space ) وعطاكم المعنى الثاني له

وأتحداكم تعرفون هذي دوائر كاملة او حلزونية << ما داخ وهو يشوف الصورة

سيارات الشرطة بالمدن يصيرن عاديات
طيب لا صارت الشرطة بوسط قرية كلها مزارع وفلاليح وشلون يخالفون راعي المزرعة
لازم يدخلون عليه بنفس السيارة وإلا ما يمشي الوضع

أشك ان راعي هالمزرعة كانوا يدلعونه يوم انه صغير
برسام الموناليزا التقليد

لاتتحرش براعي هالسيارة
وإلا ترى يبي يفك عليك القير ويخليك من صيد أمس

من قوة الحر والشمس
ضيعوا مكان النهر وطبوا بأقرب ماء علشان يبربسون

وشلون دخلت هذي هنا
وليش قاعدين يشيلون البصمات
أحس ان هالسيارة لعبة ويضحكون عليهم

طيب راعي هالسيارة تتوقعون نزل
وهو ما شرب نص الماء اللي بهالمجرى
والله يا عليهم سيارات صغار ما ادري وشلون يركب بهن شخصين

مزحوا معه اخوياهـ
ولقوهـ من بكرى بقسم الحروق الدور الخامس غرفة رقم ستة

كرسي
يصلح تحطه باب او تقعد عليه

قبل شوي سلسلة أغلى من السيارة
طيب هالبوري هذا أعلى من السيكل وراعيه بعد

إيه هين لو يلتفت عليك كان صرت من صيد أمس
لاتفوتكم النظرة الخشنة بس

والله يا بعض المقاولين
انهم ماهم بعيدين عن هالحركات

وش عندهم صافين سرا عند الصرافة
اتوقع يتحرون البنك يفتح يبي يصرفون دراهمهم

على فكرة تراهـ ما خاف هالبزر
وما نزل الشعيب من تحت وسالت الأودية

وش هالمدمن نتنته ذا
كم له ما تحرك من مكانه قدام هالجهاز

عندما يحشش الكهربائي
ويشرب قارورة كاملة ولا يدري وين يوديها
يخليها توصيلة كهرباء

أحسن حل للبزر اذا ودك
تخليه يتعلق بين السماء والأرض

اذا جيت تداوم لازم تخلص بالعمل
حتى لو حطوك غصبن عليك .. لاتكشر وطقها ابتسامة

هذا ماهو بس صاير عليه حادث
شكله بعد منفجر فيه لغم ولا همه

مستعجلين اللي راكبين الباص .. فـ وش سووا؟؟
استأجروا هيلكوبتر تشيلهم <<< طيب ليش ما ركبوا الهيلكوبتر اريح <<< لا عمرك تفكر

وين يبي هذا
وين الاحساس اللي بجلدهـ؟ .. إلا طيب ليش طاب وهو لابسن كنادر؟

ياكلون اثنينهم مع بعض
أو واحد منهم مشفوح طاب على الثاني

ابو الشباب يدور شبكة علشان يكلم
وشكله احترق من الاسلاك

التقليد مشكلة
لا بالعربي تعرف تقرأ
ولا بالانجليزي ينكتب لك صح

ونشوفكم على خير بعد العيد
واللي يبي ياكل معنا قرصان الساعة سبع الصبح يجي ومعه ماعونه
بوسط حارتنا قدام المسجد ويرفع ثوبه عن البزارين اللي شققوا ثيابنا بالطرطعان كل سنة
ونشوفكم على خير إن شاء الله
مع السلامة