… بعضك كثيره شوي منه كفانـيـ … غيرك كثيره لو عطاني شويا … ‎( بارك حياه جدهـ )‎‎

يسعـد لي هالمسااااااااء
يا هلا
ويا غلا …

أتمنى أن الجـميع بألف ألف صحـه وعاااااااااااااااااااافيهـ …
اليوم راح نتكلم عن أوتيل بجـده … وياااااااااا عيني ع جـده <<< من عـشاقها …

نبدا ؟
يالله ؟
هيااااااااااااااااااااااا بنا

/

الفندق اسمه بارك حـيااااااااهـ …

الفندق هذا مسكت عـليه مسكهـ
بما أنه ع البحـر .. وانا رجـاااالن احـب البحـر … قلت اجـل ما بدهااااااااااش
كان حـجـزي في الأوتيل عن طريق موقعـهم ع النت … من هونـــ ،،،

طبعا مثل ما اقول داااااااااااااااااااايم … الأسعـار تختلف حسب متى تبي تسير عليهم … يعني واحدن مسير السبت مهوب مثل واحـد قالط عليهم الخميس … الدراهم عمبتفرق طال عمرك .. لذلك كلمهم او شيك من النت متى ناوي … وبتشوف السعـر ..

نوكملـ …
مدخـل الأوتيل من برى … مدري كيف ما عـجـبني …

مدري بس حـسيت المفروض يكون أفضل من كـيذا …
أول ما دخـلت اللوبي … تشوف هالشي ..

هذه صالتهم … ويا ويلاااااااااه يا ذاك الشراب ( جـورب ) .. واديلوه <<<

المهم وصلت للريسبشن .. وعـطيته الحـجز وكل شي … قالي أنت حـاجز ع البحر ؟ … قلت طاقن مشوار من الرياض عشان اشوف خيول السيي سي اللي برى مثلا ؟ … المهم يوم شاف أني بديت شسمه .. قال الغرف اللي ع البحر حاليا كلها مليانه .. ما فيه ..

ايوووووووووه … انا احب كيذا في الأوتيلات .. احب مبدأ الاستقعااااااااد .. دام معـك حـق .. انبرش عليهم

نصيحـه .. نصيحـه .. نصيحـه .. لما تروح أوتيل .. ويصير لك أي مشكله في الاستقبال من ناحيه الغـرف .. مثلا ما اعطوك اللي تبي .. او ما اعـجـبتك … لا تناقش أبد موظف الاستقبال … قل له بس ( ناد لي مشرف الفتره ) … بس كيذا .. وغالبا المشرف يجلس في الغرفه اللي ورا … المشرف هذا يسكنك لو تبي في أوتيل ثاني ع حساب هالأوتيل .. بس اهم شي لا تسكت عن حقك

المهم بدون اي تفاهم قلت اقول اديني مشرفك … جا المشرف وهيك .. قلت له انا حاجز ع البحر وقال ما فيه ع البحر … قال اي والله .. قلت امشي مثلا ؟ .. ادق ع راعي التكسي الي جابني واقول له ارجع رجعني المطار ؟ .. اكلم الخطوط واشوف اقرب رحله راجعه للرياض ؟ …

مالي شغـل فيك .. حـجزي قدامك .. وفي هالأمور في الأوتيلات اذا ما حصل لك يعـمل لك أب قريد .. يعني ترقيه للغرفه اللي اكبر من غير ما تدفع ريال …

المهم قال انتظر شوي … دخل شوي ورجع .. وقال دبرت لك غرفه ع البحر … ( خلقها لي ما شاء الله ) … قال بس فيها مشكله ان السريرين مفصله وانت تبي كنج .. فراح نلصقهم جنب بعض .. قلت اممممممممم يالله نعـديها لكم هالمره … والا لوني مصحح خليت واحدن منكم ينقز لسليب هاي يجيب مرتبه كنج <<< يالليل الاستقعـاد

ع فكـره … الغرفه اللي عطاني اياها … خبرني احـد موظفينه بعـدين ان المدير مسوي عليها بلوك .. لأنه ممكن بيسكن فيها احـد معارفه بالليل

/

بعـد ما عطاني كرت الغرفه .. قلت وخـروا بس … مير اني زعلان .. ولا ابي أحـد ياخذ شنطتي يوديها الغرفه … مع أنه بداخلي اقول يارب يارب يارب يصمل ويقول لالالا بشيل الشنطه .. اول ما قلت له بسحب شنطتي بنفسي قال اوكي سير .. بغـيت أسطره …
… بس ماش

الأوتيل تقريبا 3 أدوار .. جاي ع شكل شاليها ممتده …
بعـد ما سفهت اللي يشيل الشناط .. ( سفهت = أي سحبة عليه وسويت نفسي ميت ) …

الصوره مو صافيه لأني ضايق وكيذا …
دخلت الأصنصير .. وش هالفشيله بس .. فندق 5 نجوم أعلى دور فيه رقم 3 ..
المهم درعمت للغـرفه … وهذا الممر ..

مدري مين هاللي مشخـمط ع جـدرانهم <<< تسمع بالديكور
ما قلت وقتها الا وين قلم الخط .. اشاركهم وكيذا

عـاد بما أني ضايق … وجالس اسحـب شنطتي لحالي … ولا احـد عندي .. ولا احـد معي … قلت عناااااااااااااااااااااد عناد … الا اصور انبطاحـيه … وانا اللي اشوت شنطتي بعـيد … وشسمهـ ..

ادري مو صافيه … لأني ضايق .. وش اسوي انا اذا ضقت اشوش <<< خف علينا يالرسيفر

أكملت ما اقدمت عليه من الدرعمه …
بالله دقيقه
معـليش بشطح شوي … مسكت ولا راح اردها …
فيه ناس ما شاء الله عليهم يكتبون تقارير سياحـيه عن الأوتيلات … ع العـين والراس … بس ماتوا اللي يكتبون ..

( اليوم كانت رحلة جميله ، عن ذاك الفندق الرائع الذي يوجد في جدة ، ذهبنا برفقة العائلة ، الغرف جميله وواسعه .. انظروا الى هذا السرير ( صوره سرير ) … بعد ما جلسنا قليلا في الغرفه .. خرجنا لغرض التمشيه في مرافق الفندق .. ( صوره مزهريه في الممر) … انصحكم في زياره الفندق .. والسلام عليكم ورحمه الله وبركاته)

بعد خمس دقايق …

up up up up up .. معقوله اكثر من عشرين قراءه ولا احد رد ؟
للرفع للفائده
ليش نايمين ؟

ثم يجي واحـد داخل غلط للموضوع …
مشكورررررررررررررررررررررررررررررررررررر

الله يعطيك العافيه
شكرا لك
بأنتظار جـديدك
ان الصمت في حرم الجمال جمال <<<< ههههههههههههههه تقهرني هالجمله

/

المهم وصلت الغـرفه …

هذا مدخـل
اول ما تدخـل تكون دوره المياه ( اعـزكم الله ) … ع اليمين .. وباقي الشسمه قدام …

طيب وش رايكم ناخـذ لفه في الغـرفهـ
نشوف هينا …

تخـتـي
طبعا مثل ما هو واضح .. لصقوا السريرين مع بعـض ..
وبرضو نشوف هينا ..

السرير فيه نقشات حـلوه
وبرضو مريحـ … وبرضو فيه مخـدااااااااااات كثيرااااااااااااات
من هنا زاويه تااااااااانيهـ ،،،

دوره المياه مع الشور والعيال ذوي … مفتوحـين ع الغـرفه .. شوف

ابد وانت تتحـمم .. ما راح يفوتك شي

تعـطي مساااااااااااحـه للغرفهـ
طيب خـلونا نروح نشوف ملحقات دوره المياه ..

ترتيب واناره راااااااائعـهـ
كما ذكرت آآآنفا .. ( يعني قبل شوي ) …

أن الغـرفه تفتح ع الشسمه … بوص حـضرتكـ ،،،

قلت لك ما راح يفوتك شي
وبرضو ..

وهنا الطريق المؤدي إلى الررررررررطرطه
عـجـبني قزاز الشور … الجـزء السفلي ثلجي بس
وطبعا عشان تفتح بابهـ …

يعـني لو ما كتـبتوا هالشي عادي تكلم الريسبشن .. ويااااااااااااهو ابي اتحـمم … وتسوي ازعاج وكيذا

عـده الفرك والرطرطهـ
وفيه جـنب درج فيه برررررررضو عـده

تجـوري تحـط دراهمك …

هالشي ع اليسار .. تدخـلها معـك في الشور .. عشانها ع مقاس ظهرك بالضبــــــــــــــــــــــــــــــط … واديلووووووه فرك
المهم بعـد ما خلصنا من الـ

قلت لابد من فحـص الثلاجه … اهم شي الثلاجـه …

لاحـظ القارورتين الخـضر اللي ع اليمين … مو وحـده معـبينها اكثر من الثانيه ؟
مير اني كرهتكم يا بارك حـياه .. لاقينا في لفه

المهم مسكت ع كوووووووفي .. بعـد ما شفت هالشي …

قلت ايووووووووووه
وخاصه ان فيه بريس كوفي
نشوف وش عندهم ؟

ترتيب روعـهـ
بعـدها أحـلى …

تخـليه بس 6 دقايق لين يجـيك كوفي كوفي

/

بعـد ما روقنا الراااااااااااس
قلت بروح للجـيم حـقهم نشوف ايش هـرجـتهـ
الجـيم في هالأوتيل في مبنى ثاني … يعني تطلع برى ويركبونك سياره ميني قولف ويدرعمون بك الى هوناكـ …

هنا بالطريق للجـيم …
اول ما توصل ياخـذون بياناتك ويعـطونك كم منشفه وهيك …

طبعا ما فيه أحـد .. خـذ منشفتك وامش
طيب خـلونا نشوف المسبح

قلت لكم ما فيه احـد ..
طيب خـلونا نروح لزاويه ثانيهـ …

هون تكسب احـلى لياااااااااااقهـ
وبرضوووووووو ما فيه احـد

طبعـا عالزين يطل ع …

الله
بعـد ما خصلنا كم دقايق ليااااااااقيه … ريحـت شوي ..

جـلسات حـول المسبح رايقهـ .. ممكن تطلب كوفي او عصيرات مع الجـرايد … بس برضو ما كان فيه احـد …

/

بعـدها قلت برجع للغـرفه .. عشان موعـد غـروب الشمســ
الأوتيل تحت فيه جـلسات ع البحـر .. تجـــــــــــــنن
شوف

..
مع الجو الرايق .. طالع فوق يمين ويسار … هذه بعـد الغرف والأجـنـحـهـ …
هذه صوره من فوق ..

شوف كيف الجـلسات .. مع الهوا البااااااااارد من البحـر
بعـدها بدا ساعه الغـروب .. وياااااااااااااا محلا الغـروب

قال بصراحه وين عندك مكاني ؟ قلت في عيوني بين تيا وتيا …
يعني لحالي ؟ … قلت لا لا وثاني … حب قديم جيت اشيله وعيا …
والجـلسه هنا …

بعضك كثيره شوي منه كفاني … غيرك كثيره لو عطاني شويا …
اجمع كيانك وأطرحه من كياني … وألقى النتيجه انت واجد عليا …

وهذه برضو كم صورهـ …

لك بالحنايا شوق طبعه اناني … ما يقبل بغيرك حبيب هنيا …
هذا مكانك … قال وشهو مكاني ؟ .. لا ما سمعتك عدها من عند تيا …

راحـت مشت … وعـيوني تتبعـها

/

/

في الخـــتاااااااااااااااااااامـــ …
أتمنى أني وصلت بعـض المعـلومات عن الأوتيل .. أن شاء الله ياااااااااااارب الكل يستفيد منها . .. وجـدا روعه لو تفيد …

/

لـــــــــكـ … انت … مو لغـيركـ ،،،
دمت بود ،،،

تابعوا جديد شبكة أبونواف على فيس بوك وتويتر