الدنيا صغيره
في المطار .. امشي واختي وولدينها الصغار وراي … وفجأة إلتفت على
غزال تركي شقردي أشقر
عيني جت في عينه… طيرت عيوني وطير عيونه … ابتسمت وابتسم
… ضحكت وإلتفت يضحك
مع الجهه الثانيه … ماشلت عيني من عليه انتظره يرد الروح اللي سلبها
ماكمل دقيقه الا وهو ملتفت يرد الروح بابتسامه .. وعيني كانت
في عينه .. استحى وإلتفت مناك ثاني مره …
كمختني أختي بشنطتها وقالت وجع ياقليل الأدب … قلت لها وشفيك ؟؟
قالت وش تناظر فيها انت ووجهك .. قلت منهي ؟؟
قالت لااا وجايزن لها بعد توزع ابتسامات … قلت اها بس لايكثر.. تراك ظلمتي قلبينن في الهوى ذاب مرساها … وإلتفت أدور الغزال … عينه في عيني ما تعداها ..
كمختني مره ثانيه .. أححح إلتفت وقلت خييير قالت لا تناظرها … قلت منهي ؟؟
قالت هذيك قلت انا ادقق في الجوازت حقتكم واناظر الساعه اللي وراها لا تتأخرون
الزبده اننا تبادلنا المسنجرات … ههههههههههههههههههه
دخلت المسنجر ودار بيننا حوار ساخن (بالانجليزي طبعا)1 :
لورين: هاي
@/@: هاي
لورين: كيفك
@/@: والله بخير الله يسلمس
لورين: مين البنت اللي معاك في المطار؟ زوجتك؟
@/@: لا لا اختي
لورين: كانت زعلانه منك
@/@: ماعليس منها يابنت الحلال
لورين:انا شفتها في اسطنبول مع واحد ثاني
@/@: ايه زوجها مستقبلها هناك
لورين: هم ساكنين عندنا
@/@:الله الله
لورين: بيتكلمو تركي
@/@: الله الله
لورين: وانتا بتتكلم تركي
@/@: يفتح الله
لورين : بتجي عندنا في اسطنبول
@/@: اييييييييه دايم أجي
لورين : كويس يعني بنشوفك
@/@: لالا صعبه
لورين : ليه
@/@ : ما أكلم بنات
لورين : ما فهمت
@/@: خلاص الوعد تقسيم
لورين: هههههههههههههههه
@/@: وشفيس
لورين: تعرف تقسيم كمان
@/@: كيف بشوفك
لورين: اعطيك موبايلي
@/@: صدز انك ماتستحين .. هاتيه
لورين : 9999999
@/@: خلاص احتريني بكلمك هاليومين
لورين : اوكي
@/@: باي
لورين : بيباي
بعد يومين او ثلاثه قلت خل أدق على هالتركيه نسلم عليها ونشوف وش اخبارها
دقيت وردت علي وحده تتكلم عربي … قفلت من الروعه
دقيت ثاني مره ردت نفس البنت ؟؟ انا سكت … وهي تقول تكلم يا وقح يا حيوان
قلت بس عرفتني خل نسلم … قلت هلا انا خالد …تفاجأت البنت و قلبتها انجليزي
ضحكت قلت ما يميدك خلاص انكفشتي هههههههههههههههههه
قالت اسمع انا سعوديه واسفه اني كذبت عليك
قلت لا ابد بس ليش كذا … قالت لأني طالبه عند اختك وما أبيك تدري منعا للاحراج
قلت اوكي لا تعلمينها وماراح تدري قالت لا علمتها في الطياره كل شيئ
قلت وجع امداك تفضحينا … قالت ايه انا ما أخبي على أبلتي شيئ
وما امداها تكمل كلمتها الا واختي لاقطتن السماعه منها وطابتن في سلسبيل بطني
وانت وانت وانت وانت … وشلون بس قدرت تعطيها مسنجرك
قلت يوم وديتي دحيم لدورة المياه رحت وقلت لها .. ياكشملر(مساء الخير بالتركي)1
وعطيتها الورقه وخذتها … قالت اختي هذي حجازيه وامها وجدتها وخوالها اتراك
ومن أحسن طالباتي خلقا واخلاقا وكانت عند ابوها السعودي زياره في الرياض
وانا ما أسمح لك انك تخرب اخلاقها
قلت اصلا انا ما اكلم بنات اصلا … هي اللي عطتني رقمها
طرااااااخ في وجهي … من عقب هالموقف حسيت ان الدنيا صغيره من جد
مها تنحاش او تتهرب من شخص ترجع بك الدنيا عليه
انحشت من اختي في المطار ولفت الدنيا لين طيحتني فيها ثاني مره
نحسس
….
وتوتا توتا خلصت الحدوته ولاتركب الا لكزس تيوتا ومعاك فيها أحلى بنوته
منقول — ايه هين ههههههههههههههههه
