السلام عليكم ورحمة الله وبركاته
اليوم بسولف لكم عن الجن بسم الله الرحمن الرحيم بقولكم سالفه صارت لي و احد اعضاء القروب شاهد بصدق حدوثها
بس قبل لا أقول السالفه .. بدخلكم جو مع الجن
السمكه الجنية
شوهدت هذه السمكه اكثر من مره وقيل بأنها تختفي حين ملاحقتها للامساك بها (جنيه) ويقال بأنها تلتهم
أي شيئ وكل شيئ
وواضح من الصوره بسم الله أنها ناويه شر
شكلها يخوف وما نقصها الا طاقيه ونظاره سوداء 
وهذه المجموعه من الفتيات شوهدو اكثر من مره بسم الله علينا في احد المدارس … وفي يوم من الايام استطاع احد التلاميذ إلتقاط صوره لهم
اجل جن اجل … ليتهم يطلعون لنا لو مره
جنهم وش حليله .. يتمكيج وأشقر وبناطيل موب مثل جننا
قزمان واذان طوال ولونهم احمر واخضر ومانشوفهم الا قطاوه
هالدبيبه مسكون بالجن … مسيكين … وحالته مستعصيه
وقد اشتهر في انحاء العالم كله بأنه مسكون بأكثر من جان
شكلهم لاقين كنبات جوا
وهذا من أشهر المباني في الولايات المتحده الامريكيه
والذي عرف بأنه مسكون بزعماء الجان .. ولا أحد يستطيع
اخراجهم منه او الاعتداء عليهم او على المبنى
الحين هالملقف وش مقعدهم فيذا … ليت بجني والله يمسك واحد منهم ويلعب معه فتحي ياورده سكري ياورده
رسم تم رسمه من قبل المباحث الفيدراليه
الف بي اي
بعد ان تم وصفه من قبل احد الناجين من جريمة قتل شنيعة حصلت في احدى المنازل
وأترككم مع بعض الرسومات التي قيدت ضد مجهول ولم يتم التعرف على الفاعل … وسط ذهول تام من قبل الاف بي اي
وهذه صوره لأحد السحره والذين لهم اتصال كامل بالجن
قله كل تبن كانك ولد ابوك انت وياه
والله ان يقلبك قطو 
هذا من اللي قالو له كل تبن
كان أطخم وشعره اصفر وعيونه زرقاء ولحيته برتقاليه
جريمة قتل
الكثير منا يتسائل ؟؟ هل يمكن إلتقاط صوره للجن
والاجابه
لايمكن رؤيتهم الا بعد تحميض الصور
والدليل هالحمار اللي مكشر في الصوره وماشاف الجني اللي قدامه … انا ما خفت الا من السيف حقه 
صور حقيقيه
القصه اللي صارت لي بكل اختصار وأمانه
انا من الناس اللي تحب المشي في الليل .. والتمتع بالهدوء في شوراع المدينه .. زي الفرزدق بالضبط
وانا اتمشى دق علي الجوال ورديت … طبعا واحد من أعضاء القروب …. جلسنا نسولف
سألني ؟ قال وش أخر نكته ؟
والله ما أنسى هالنكته لين اموت
قلت له :- فيه محشش جالس في غرفته قدام الستاره ليش؟
قال لي :- ليش ؟
قلت له :- انت قل ليش ؟ خمن ؟ فكر ؟
قال لي :- ما ادري والله ؟
قلت له :- يحتري المسرحية تبدأ
———-
أول ما قلتها … سمعت ضحكه قويه مره مختلطه بصراخ وتصفير .. أذني صفرت من قوتها( بسم الله ) وحسيت بالهواء جنب اذني
اللي معي في التليفون … يقول الو الو الو
وانا اقول معك .. وهو يسألني من هذا اللي يضحك ؟
قلت والله مدري ما عندي احد انا في الحاره ولحالي
الولد من الخوف تغير صوته وقال هذا مو أدمي هذا مو أدمي
أتحدى اذا أدمي …
هو كملها بس ,,, ماتشوف الا الغبار في شارعنا
ركض على البيت … كانت الساعه 3 الفجر
رحت للفراش وتلحفت وما بقى آية ما قريتها لين نمت
اليوم الثاني عادي نسيت ومشى الوضع طبيعي
وهالسالفه يشهد بها هالرجال والله
والى الحين كل ما تذكرت الصوت قعدت أسمي باسم الله
اتمنى اني ما كنت ثقيل عليكم
ولو كنت ثقيل عليكم محد قالكم تشيلوني والمعذره والسموحه
من ابونواف وكل الربع على القطاعه عن القروب
والسبب مافيه وقت والله
وكثرة مشاغل الحياة
اخوكم….ابووليد
