احداث مطارده الارهابين يوم الخميس – بالصور

وردنا مايلي مهوب وردنا الا شايفه بعيوني الله يحفظكم

هذا ماشفته بام عيني في مظاربنا

تقلوون الصور مخيسه مهيب صافيه باقول لكم معصي والله احمدوا ربكم اني صورتها صورت المهبل يوم انهم يكسرون عند المملكه وكسروا كميرتي هالعساكر لا بارك الله فيهم تبوني الحين اروح اطلع الكميره الجديده والله ماطرااااااااااااااااااااالي الله يحفظنا واياكم هالتصوير تراه من الجوال يعني لاتشرهون
وهالطيار الله يهدينا وياه مالقى يحوم الا فوق بيتنا من قبل الفجر بساعه الا ربع والدنيا مولعه طلق نيران وحوسه الله يكفينا الشر
بيقول لكم القصه روايه عن اخيه حفظه الله ورعاه

كنت احوم في شارع التحليه تالي الليل توني طالع متسحر ماشوف الدرب ماغير التلمس الخط من الدوخه الا اخوي يزهم علي فلان ( مانيب قايلن اسمي اخاف انفظح عند السلطات ) قلت هلا قال وينك فيه قلت احوم في شارع التحليه قال لاتجي مظاربنا قلت خير انشالله عسى ماشر قال ابد هناك شرذمه حلوه هالكلمه من القوم يطاردونهم الحكومه ويوجد هناك طلق نيران ودخاخين تقول تسنه مصري يدخن سيجار قلت الله يكفينا الشر قلت وينه فيه قال نعنبوا شيطانك عند بيتنا قلت وووووووووووووووووووووجع اهلي وينهم فيه قال هذولي هم عندي وامي شوي وتصيح تقول ياوليدي تعال ومرتن تهون تقول لاتجي وانا والله خفت الا شوي يعني مهوب واجد وعاد معي حوطي في الموتر قال يالله مشينا نروح ننظار التشجيع قلت الله يعمي قلبك مهوب تشجيع ذا اكود قال مهوب ناس متجمعه قلت الا قال خلاص نروح نشوفهم قلت شورك وهدايه الله واروح الا وش اشووووووووووووووووف الاشاره اللي عند بيتنا اللي ان كثرت السيارات اللي واقفه عندها مايتعدون خمس سيارات وواحد يقطع الاشاره الا وش اشوف عااااااااااالم منكبه تقول ماصوره ماء منكسره ودوريات وشي يروع القلب مالكم في الحتسي اللي ماله لازم وشو عقبه الله يصلحك

طبعا الاحداث في شارع البلد الامين ( شارع العشرين ) عند مسجد على نفس الشارع واشوف الشارع محاصر من اوله الا اخره واطلع من عند نفق السويدي الا ياااااااربيه وتوافيني سيارات قوات الطوارئ يجي اربع باصات امهات 50 راكب كلها مليانه وثلاث تريلات مدري وش حاطين فيهن ويجي حول درزن اسعافات غير البرابيس اللي مدري وشهن والدفاع المدني والله شوفه عيني كل اجهزه الدوله مشغلينها حتى البلديه جاليسن يشتغلون في الموقع ماغير يخمون هالقمايم الله يركمكم
والا الحين الساعه 7.30 الصبح والهليكوبتر تحوم فوق راسي الظاهر اني بانقز واجيب الرشاش واقول بها انا صجونا ماخلونا نرقد حسبي الله على شيطانهم هالارهابيه