الأعزاء
في هذا الصرح الرائع
أحب بداية أن أتقدم بجزيل الشكر والتقدير
لكل من أبدى تعليقه وإعجابه على إحساس الضوء
وكم اعتز بمتابعتكم وملاحظاتكم واهتمامكم
..
الله يــــا الأيام
..
..
..
..
الله يا الأيام
ما فيها يعني كلام
ختامها دمعه
هذا آخر الأحلام
حسافه والله حرام
لمتنا والجمعه
البيت ذاك البيت
وسكته سهله
أموت لا مريت
من شوقي لأهله
الله يـ الايام
هالبيت وش زينه
وش زينها سنينه
كنا تحت سقفه
نسهر ولا نغفى
وجونا صافي
وقلوبنا أصفى
الله يــ الأيام
على الوفا ببقى
لوطالت الفرقا
أذكر سوالفهم
وأحلى وصايفهم
وأحسهم حولي
سامع سوالفهم
الله يــ الأيام
شعر ..عبدالله ابو راس
..
..
..
..
تــعــلــمـــت
..
..
..
تعلمت .. أحبس الدمعة .. وأدور للبكاء أوقات
وأكون بعـيـد في حـالي .. و تنزل كل دمعـاتي
أساطير الوفاء كانت من الماضي وهي حكايات
كبرت .. وصرت أكذبها .. كثّر خـير طـعـناتي
أنا ما بي بهدنـيــا .. بعد هالمرحلة .. رغــبـات
عسى الله بس .. يكفيني هوى نفسي ..وغلطاتي
كسرت بداخلي أشياء..تعيش الماضي إللي فات
ومـريت .. التعب كـلـه .. ولا حصلت راحـاتي
كنت أحلم .. ومن حقي مثل غيري ولي غايات
ولكن حـالتي تقسى .. على أبـســط خــيــالاتي
ولو تنكرني العالم ..شعوري ما عرف حسرات
أنا متعـود النكران .. كــثــير أنـكــرت أنا ذاتـي
شعر .. أحمد
..
..
..
انــتــظــرتــك
..
..
انتظرتك ليل في عيون السهر
انتظرتك شوق ما يقوى الصبر
يا ضياع العمر باسبابك
كل شي غاب في اغيابك
حتى فرحي عيّا في دربك يمر
خذاك الوقت والا الدنيا ماخذتك
وينك فيه… انا لي مدة ما شفتك
سألت الشوق عن دارك
وجاوبني دفى الاحساس
انا مدري وش اخبارك
وش مسوي مع هالناس
غريبة… منت… لي ولهان
والا طبعك النسيان
يمر الشارع لبيتك
ولا أدري إلا وانا عنــد الباب
واقول اني أنا جيتك
ولا اذكر عن بالي خيالك غاب
حبيبي ياغلاة عيني تعال
وضوي سنيني
انا حبك يكفيني
وغيابك لي بلا اسباب
شعر .. خالد البذال
..
..
..
..
إبراهيم التميمي
..
تسلم يدينك صور تنطق الاف الكلمات وكلمات تحمل صور جميل جدا ما قدمت مزج جميل بين حرف وصوره ابداع كما عودتنا اخي دمت متميزا تحيه وشكر اخي على جمال ما قدمت اختك وردة بريدة
اخى الفاضل جزاك الله خير الصور روعه والكلام اروع يدل على جهد وذوق رفيع فشكر لك
بصرااااااحه روووووووووعه8) يطيك العااافيه—-
والله عجزت اكتب شيء حلو امدح فيه رسالتك ما اقول غير الله يوفقك وإلى الامام
مبدع دائما .. صور أكثر من رائعة وكلمات جميلة .. فغلا للإبدع أهله ….:)
ألف شكر أخي ابراهيم على احساسك النقي والرائع صور في قمة الدقة وسلمت يداك تقبل تحياتي
نزلت دمعتي بجد شكرا عدفا الإحساس بجد شكرا يامبدع
الله يعطيك الف عاااااااافية على هذة الصور الجميلة السراحة انك شوقتني لمنزلنا القديم ايام طويناها باقي اليوم ذكرها لازم امر ديرت اجدادي الشماسية واسير على بيتنا القديم
والله يعطيك العافيه …(على الموضوع الأكثر من رائـــــــــع) …والله يبيض وجهك …وعطيك العافيه مرة ثانية… ولاهنـــــت:)
ماشاء الله ابداعات رااائعه ابتسمت بها عدستك بالتوفيق اخ ابراهيم
تسلم يااخ ابراهيم على هذا الابداعه احساس مرهف بين الماضي والطبيعه الى الامام وننتظر منك الاجمل
ررررررررائع أخي الكريم ويعطيك العافيه على إحساسك الجميل
مشاءالله الصور اكثر من رائعه يعطيك العافيه وننتظر المزيد من الابداع وشكرا
ماشاءالله عليك راائع الى الامام
قمه بالابداع اخ ابراهيم تسلم ايديك وبانتظار جديدك
ما شاء الله إبداع في قمة الروعهــ الله يوفقك وإلى الامام…. تحياتيـ
تسلم يمناك لاعدمناك روعه على الصور والابيات الجميله تقبل مروري اخوك الملتهي بغيره
اشكرك جزيل الشكر والله يوفقك في كل شيء
تسلم يااخ ابراهيم على هذا الابداعه
صور رئعه واجمل من رئعه موضوع جميل وطرح اجمل
تسلم اخوي على هالابداع الجميل الصراحة كفيت ووفيت
ابداع الله يعطيك العافيه
بسلم يمينك حقيقه اعجبني طرحك واعجبتني الكلمات جداً اخسها بسيطه وصادقة
صج الصور .. تعبر على الكلمات الله يعطيك الف عافيه ^_^
ابكيتني ,,,,,,,,,,,,,,,,,
ابدآآآآآآآآآآآع بقووه
احساس رائع وصور جميله ابدعت في اختيارك
الله يجزايك يا أخوي إبراهيم بكيتني وصحيت المواجع وهي نايمه الله يـ الايام هالبيت وش زينه وش زينها سنينه كنا تحت سقفه نسهر ولا نغفى وجونا صافي وقلوبنا أصفى لا إله إلا الله ويغفرلهم ولأيامهم تحياتي لك
مبدع دائما وننتظر المزيد