السلام عليكم ورحمة الله وبركاته
كووولّي سنّه وإنتوووا طيبن
والله يتقبّل منا ومنكم صالح الأعمال <– بدري .. تو الناس
وشلونكم عساكم مرتاحين وتزقحون
الحمدلله انا بخير جعلكم بخير <– على تبن محّد كلمك
في هالرساله بناخذكم في رحلة كوكتيليه .. يعني فيه كذا مقطع على كذا صورهـ على حبة تصميم بدون مخلل وكثّر شطه هع هع
بأبدأ معكم هالرسالة بهالتصميم
التصميم هذا سويته قبل ثلاث شهور تقريباً .. يعني يعتبر من قديمي الجديد <– وش عندهـ الساهر للأبد خخخخخ <– افرح يالساهر سويّنا لك دعاية انت وراسك
معلومات التصميم
الصور : 5 صور
الفرش : فرشاة وحدهـ ( الطيور البعيدهـ )
الفلاتر : فلتر واحد ( البلر )
الباترن : باترن واحد ( الخطوط العصلا على التصميم )
مدة العمل : تقريباً ساعتين ونص
] الصور المستخدمه [
صورة الرجال من تصوير المبدع زلزال الوله وباقي الصور مدري من مصورها ولا كان قلت اساميهم
[ الـتـصـمـيـم ]
وسلامتكم
هذولي شلّة ناس <– وشلون تجي 
.. المهم هالناس بيسوون زي ريزدنت ايفل <– يقولها وهو طاقته ام الركب .. وعلى فكرهـ ترى ريزدنت ايفل ان كاني منيب واهم ذوليك اللي يمصون الدمّان في البلاي ستيشن يمآآآآي <– يآي
شوفوا صورهم الله لا يعافيهم ولا يبلانا
—
يقولون انهم دمجوا الاتصالات مع وشسمهم المواشي .. وغدوا تسذا
شوفوا الكراعين بس هههههههههههههه
—
هههههههههههههههههههه اما هالصورهـ شي شي
يا عزتي له ينرحم
وشكله يرافس وهو نايم لاحظوا رجله كانت تتحرك قبل التصوير <– بسم الله علي صاير فطين هاليومين
—
اللاب توبات بعد برهة من الزمن <– فاهم برهة غلط خخخخخخخ
الله يعين اللاب توب اللي بيجي تحتك يا نايف .. انا وش حليلي وزني خمسين كيلو لو اقعد اطامر عليه ما جاهـ شي .. بس انت ماشاء الله عليك لو تهوّّب عليه بس انخفس هههههههههههههه
على طاري الخمسين كيلو اخواني جتهم فترة ينادوني ابو كاس .. يقولون وزنك وزن كيس رز 
.. و واحد منهم يقول السنة الجاية ان ما زوّّدت وزنك بنخليك زكاة فطر 
مالهم حق مالهم حق 🙁
—
من فيذا وفيذاك
يلعن شيطانه ذا الطير مدري وش اسمه بس يعض الراس على طول خخخخخخ .. حتى نظرته تروّع اهههب يا وجهه
نيقي للمقاطع وما أدراك مالمقاطع <– كيف التشويق خخخخخ
هذا واد صغنون شحليلووو .. قاعد على جسر مدري وشو في ملاهي .. وكان فاغراً فاهـ ( مفهي ) 
كما هي عادة شبابنا الحلوين .. وفجأهـ صار له شي خلاهـ يتحسف يفتح فمه
—
هالمقطع هو موضوع الغلاف خخخخخ فيه واحد سلقلق ابن اللذينا جغم له قوطي موية صحة كبيرهـ بسرررعه 
.. حلقه الظاهر بوصة ونص على هالسرعه
—
قد سمعتوا هالكلمة ( مطفي النور ) هذا واحد يلعن ابليسه النور مقطوع عنه مرهـ موب مطفيه وبس
جعلي ما اجي مكان هالعالم اللي قشّهم
بكذا خلصنا ابشركم
العذر والسموحه منكم جميع على هالمصالة المستفحله في هالرساله
واتمنى ان شاء الله وسعّت خواطركم ووّنستكم ولو بشيء بسيط على الأقل نرسم ابتسامه خفيفه بس .. يالله 
عاد ابتسموا عشاني ابتسموووا يالله <– بينجلد
تحيّه خاصة لإخواننا اللي يقبعون الآن خلف مكاتبهم وفي دواماتهم وطايحين بهالقروبات والمنتديات وساحبين على الشغل وخصوصاً اللي يشتغلون في الراجحي <– يقولها ويناظر ولد عمه ههههههههههههههههه
باقة ورد ريحتها حلوهـ اهديها لكل من يقرا رسالتي وأودعكم على أمل اللقاء بكم برساله ثانيه <– كنّي اشوف ابو نواف يقول لا اشوف وجهك مرتن ثانيه خخخخخخخ
