قصائد من لقائي في برنامج صباح السعودية + بعض الأبيات المتفرقة


أعزائي قروب ابو نواف
تشرفت يوم السبت الماضي 16/7/1432هـ ان أكون
ضيفا على برنامج صباح السعوديه
وقد شاركت بهذه القصائد المتواضعه
امل ان تنال شي من رضاكم

 
قصيده
تساومني على الذكرى وانا قلبي غدا تذكار
وشال من الهموم أكثر من اللي شالت أوراقي
 
 

 
قصيده
كانت تقول أيامنا كلها عيد
واليوم راح العيد ماعاديتني
 
 
 
قصيده
ياصاحبي كان القصايد شفك
حاك الضمير اللي صدق لك حاكه
 
 
 
 
ولكم بعض أبياتي المتفرقة
 
يامشرق الحب مدري مشـرق احزانـي
ليتك علـى مهجتـي تعطـف وتترفـق

  منك انت جرحي شكى من جرحي الثاني
والدمع اكنـه ولا ادري كيـف  يتدفـق

  الحب جابك مثـل مـا الحـب ودانـي
ابقى لوحدي ولا اعاشـر لـي  مطفـق

  اخترت بعـدك ولـو انـوح و  اعانـي
وقررت اودع واقـول مجـار وموفـق
 


  مابين ضحكات الشفاه وبين ضيقات  الصـدور
ماهانت الدمعه ولـو هانـت علـي  اخفيته

  والضيقه اللي فالحشـا دفنتهـا دفـن القبـور
قدام لا افـرح عاذلـي واصبـح اردد  ليته

  اخترت مر الصبر عن بعض الدعاوي والامور
اصبر على الضيقه واذا حان الوعـد داويته
 


 
  ايام قطف الغلا من ليـن عذوقـه
كم كنت اغني واناديها بعد روحي

  قامت تغلى وقلبي مات بحروقـه
قالت بروّح وقلت الها بعد روحي
 


 
  ياسبة العشق مدري سبة  جروحـي
يابلسم الـروح مـدري يـا معنيهـ

  كم كنت اردد هواك وكنت ماتوحـي
وانظـم بيوتـي ولا تفهـم معانيه

  واقول روحي ورحت ولا نفع نوحي
وان اقصد انك بروحي ساكن  فيه
 


 
يامطـول الغيبـات بالله وش  جبـت
جـايٍ تورينـي وش اللـي  كتبتـه

ابشرك من عقب حزني لكـم  طبـت
وكل ماكتبته قبـل هجـرك  شطبتـه

لا لا تعجـب وان سألـت وتعجبـت
بقـول لـك شـي بقـى  ماحسبتـه

ان غبت والا جيت وان جيت ثم غبت
ماعاد تفـرق دامـك اللـي  طلبتـه
 


كل شيً في حياتي ضاع مني
عقب ودعته وانا قلبي يحبـه

  ثم سلهم بالنواعيس  ورمنـي
قلت يامر الفراق بدون سبـه

  مايفيد اللي شكا كثر التمنـي
والمولع ماعرفنا ويش طبـه
 


لاتسأليني عن سبب ذيك الاحزان
كلي حزن لو اسطنعت السعـاده

  اقول زان الوقت لو كان  مازان
كن الفرح فرصه والاحزان عاده

  اقضي اوقاتي طواريـق واوزان
وانظم بيوتٍ تستحـق  الإشـاده

  وان كان حزني مايقدر بميـزان
حنا نمـوت ولا تمـوت الإراده
 


لزياره صفحتي على الفيس بوك
اضغط هنا
 
وللتواصل على الايميل
اضغط هنا
 
اخوكم عبدالله العصيمي


تابعوا جديد شبكة أبونواف على فيس بوك وتويتر

   


تعليقات 11

  1. صح لساااااانك يا عبدالله والله أعجبتني وتفاجأت بوجود شاعر مثلك في الساحة ولم أستمع له من قبل غثونا أنصاف الشعراء إللي رازين وجيههم كل يوم في القنوات على الرايحه والجايه اعجبتني قصيدة الراك وأتمنى لك مستقبل مشرق ومن إبداع إلى إبداع

  2. ماشاء الله قصائد رووعه ولقائك راقي ومتميز اتمنى لك مزيد من التألق

  3. السلام عليكم ورحمة الله قصائد رائعة وكلها معاني ومفراداة جميلة وابداع ،، .. وتم حفظها ونقلها لموقعي .. اعجبتني جدا .. شكرا لك .. عبدالله الدوسري

  4. أسعد الله بطناً أنجبتك كما أسعدت الخاطر / وأثلجت القلب صح نبضك .. شاعرنا ودام إحاسك أبدعت أستاذي وبالغت في الإبداع‏ قصيده يعجز لساني عن وصف روعتها‏ يعطيك ألف عافيه‏ ودي وأحترامي‏ نــــــــونـــــــــــي

  5. :مبدع ماشاء الله:o القصائد روووعة وكل وحدة احلى من الثانية بإنتظار جديدك شاعرنا:D اختك فروحة من عمان:$

  6. استمر والى الأمام.. بكتب لك من شعري بيت على الطاير .. صح لسانك ياشاعر الساحه خل صدرك وسيع لو الزمن بك جاير .. تعيش دنياك كلها على راحه فهد الهلولي…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

قصائد من لقائي في برنامج صباح السعودية + بعض الأبيات المتفرقة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول