السلام عليكم ورحمة الله وبركاته
يسرني تقديم مجموعة مختارة من قصائدي , راجية من الله تعالى أن يجعلها حجة ليّ لا عليّ
وأن يوفقنا وإياكم لخدمة ديننا ووطننا وأمتنا وأن يهدينا جميعاً لكل خير.
نصرة التوحيد
|
ارْكِــبِي يا خيل رب العالمين
|
واسرجي صهوتك للنصر المبين
|
|
نُـصْرَة التوحيد جات حشودهم
|
من شمال أُمة محمد واليمين
|
|
صامدين وصاملين وعزمهم
|
كالصوارم بالملاحم ما تلين
|
|
وحاملين أرواحهم بكفوفهم
|
في سَبِـيلِ اللي لوجهه طايعين
|
|
يا شَـهَـادَهْ يا نَـصـر مَـطْـلُوبهُم
|
ويا نِـعِم والله بهَاك الحُسْـنَـيَـين
|
|
وما حلا يوم الوغَىَ زِرفَالهم
|
عِقْب ما صَـلّوا ولله مـقْـبلين
|
|
كالأُسود الكاسره لا زمجرت
|
زحفهم للذود عن هاك العَـرين
|
|
وقامت الهيجا وثار (إ)عسامها
|
وكل مسلم مرخص(ن) دَمّ الوتين
|
|
واحْـتمَىَ صوت الفِـشَـقْ وجموعهم
|
كَــبَّــرَت لله وبــالله تِــسْــتــعين
|
|
والعِـدا هذا قتيل وذا جريح
|
وذا غَـنِـيمَـه والبقيّه مُـدبرين
|
|
وجَـحفل الإسلام راياته عَـلَـتْ
|
وانتصر من فضل خَـير الناصرين
|
يالله وداعتك
( مرثيتي في والدي – رحمه الله تعالى – )
|
يالله وداعاتك شيخ(ن) ما مشـا للحـرام
|
يومـه تيقـن رحيلـه والمنيـه دنــت
|
|
ولا باقي إلا إنّي استرجـع وارد السـلام
|
واقبل اقدامه اللـي فـي سبيلـك عنـت
|
|
واوادعه والعيـون (ا)دموعهنـه سجـام
|
والقلب كن السيوف الحدب فيه (ا)طعنـت
|
|
واحمدك ربي على حسن القضـا والختـام
|
ونطق الشهاده ونفس(ن) بالرحيم (ا)طمنت
|
|
وادري المفارق من الله والنياحـه حـرام
|
وأدري إن كل(ن) يلاقي ما يدينـه جنـت
|
|
ولا لي سوى الله له ألجأ يوم غطى الظلام
|
دنياي من عقب بدر(ن) كم بنـوره هنـت
|
|
وا ابوي أنا ابوي واللي له تخضـع الأنـام
|
ما شفت مثل الخصال اللي لذكـره بنـت
|
|
قضى بطاعة عظيم الشأن تسعيـن عـام
|
ونفسه بما قد قضى الرحمن قـد أيقنـت
|
|
نفس(ن) شريفه عفيفه طاهـره كالغمـام
|
مشت بدرب التُقى والخيـر حتـى فنـت
|
|
فلله دره ولــد غــلاب ذاك الهـمـام
|
اللي ترفع عـن الـزلات حتـى اذعنـت
|
|
ابكي وتبكي معـي فقـده صـلاة القيـام
|
ويبكي مكان(ن) سجد به للكريـم وقنـت
|
|
وتبكي المصاحف تلاواته ويبكي الصيـام
|
وتبكيه ذيك الجموع اللـي دعـا وأمنـت
|
|
وتبكي السما معرج أعماله وسبق الزحـام
|
لروض المساجد وهام(ن) للإلـه انحنـت
|
|
والرحم يبكيه وصله في زمـان الخصـام
|
وتبكيـه مدّاتـه اللـي للفقيـر أحسنـت
|
|
فيا رب يا رب يا مـن مـا لغيـرك دوام
|
أسألك رحمتك تجعـل بالحبيـب اعتنـت
|
|
وافسح بقبره وشفـع بـه رفيـع المقـام
|
ويمّن كتابه بكف(ن) كـم لوجهـك ثنـت
|
|
ورحمتك بضلوعي اللي من فراقه حطـام
|
وكبد(ن) تفتت وروح(ن) من وداعه ضنت
|
|
واجعل لنا تحت ظلك يا مشافـي السقـام
|
جمعا بيوم الوجيه لنـور وجهـك عنـت
|
|
وصلاة ربي على المرسـل بخيـر الكـلام
|
ما حن قلب الخلوج لضيرهـا و(ا)حزنـت
|
يعين الله
|
يعين الله علـى وقـت(ن) تحاذفني مقاديـره
|
يصَرّفها عظيم الشان وامشي له على الطاعه
|
|
وألا يالله تعين اللي أُبْتُلِي بالحزن والحيـره
|
نهاره ضيق وإن جا الليل فيه العيـن دَمَّاعـه
|
|
يطـاولني عـذاب(ن) لا بغيـت أدرَاه واديـره
|
جرحني ثم ذبحني ثم حفر لـي قبـر بذراعـه
|
|
وإذا قلت اقبل (إ)ركـاب السعـد والا تباشيره
|
خدعني عاصف امواجه وقَفّى يبعِـد (إ)شراعه
|
|
فـ ألا ليت الهموم (إ)لها عـن الميـراد تصديـره
|
وألا ليت السعد يشرى وله بالسـوق بياعـه
|
|
وألا يالله عسى وقت(ن) بقى تكتب به الخيـره
|
وعساك إ)تطيب ياقلب(ن) سموم الوقت قد لاعِه
|
|
وعسى درب(ن) مشيناه وتعبنا من مشاويـره
|
توالي الوقت نلقا بِـه سعادتنـا ولـو (ساعـه)
|
يشرفني دعوة الجميع لزيارة حسابي على تويتر
