.. بسم الله الرحمن الرحيم ..
.. السلام عليكم ورحمة الله وبركاته ..
مساكم و صباحكم هنآء وسعآدة يارب 
كنت وعدتكم من قبل بـ تقرير لـ فندق انبيرا تقسيم ( استنبول – تركيا ) 
تاريخ الاقامة من : 3 الى 13 نوفمبر 2011
الغرفة العادية بسعر 104 يورو ( 540 ريال سعودي ) الليلة لشخصين مع بوفيه الفطور .
الغرفة الثلاثية بسعر 130 يورو (676 ريال سعودي ) الليلة لثلاث اشخاص مع بوفيه الفطور .
.. سبب اختيارنا للفندق ..
موقعه ممتاز في منطقة تقسيم 
الفندق 4 نجوم خدماته وسعره مناسب جدا مقارنة مع فنادق المنطقة اللي بجنبه من فئة 4 نجوم
ومقابل الفندق وقريب منه : مطاعم
باختصار وجوده في منطقة تقسيم يعني قريب لكل شيء ويسهل الوصول منه لأي مكان وفي أي وقت
.. تقييمي للفندق ..
نظيف جداا جداا 
موظفين الريسبشن خدومين وبدّلنا غرفنا وياهم أكثر من مرة وكانوا متعاونين ويانا 
يعيبه فقط الصوت اذا فتحت الشباك او البلكون في الغرف المطلة على الشارع
الانترنت وايرلس مجاني في جميع الغرف 
القنوات العربية ( MBC , الجزيرة ) انترناشيونال 
موقع الفندق هنـــــــــــا
لمشاهدة الفندق بصور شبه حقيقية هنــــــــــا
نبتدي في التقرير المصّور واتمنى يعجبكم وتستفيدون من تجربتنا للفندق 
صورة ليلية .. للأسف كل الصور اللي عندي ماتخدم لكن البركة في الموجود 
هذا الفندق من ميدان تقسيم .. اللي عليه قلب صغير اورنج ..
وهنا من باداية شارع الإستقلال .. 
مدخل الفندق و بشكل عام اللوبي صغير بس مرتب 
صورة عكسية من نفس المكان اللي فوق
المطعم اللي فيه بوفيه الفطور 
المصعد و اللي على اليمين شاشة تتش لتصفح النت
المصعد لازم تستخدمون بطاقات الغرف حتى يشتغل وياكم في الصعود للغرف ..
اما النزول من الغرف للوبي فقط ممكن بدون بطاقة غير كذا مايتحرك وياكم 
غرف الفندق اللي جربنا وسكنا فيها أصنفها إلى 4 أنواع
ستاندرد صغيرة
لكن للأسف ماعندي صورة للغرفة العائلية ولكنها بتخدم العوائل كثير خصوصا ان الاسرة كبير والغرفة بعد .
بأضيف لكم صور كل نوع من هالغرف ماعدا العائلية 
الغرف الكنكتد ارقامها تنتهي بـ ( 15 – 16 ) مطلة على الميدان 
الغرف الثلاثية او العائلية تنتهي بـ ( 17 ) مطلة على الميدان 
الغرف الديلوكس تنتهي بـ ( 14 – 18 ) ومنها ستايلين مختلفين 
الغرف العادية الكبيرة وفيها بلكون صغير ( رقم 15 ) 
وهذه اطلالة الغرفة
الكنيسة 
هالصورة تقريبا الساعة 1 ونص في الليل
وهذي الغرف الصغيرة مع شباك وإطلالة جانبية والأدوار العلوية تشوفون منها البسفور
طبعا هالاطلالة 
وهذي الاطلالة الحقيقية 
الغرفة الديلوكس ( 14 ) 
أول ماتدخل الغرفة ممر طويل ومقابل باب دورة المياه وانت بكرامة 
وهذا الممر اللي تدخلون منه 
الغرفة الديلوكس ( 18 )
هذا باب دورة المياه وانتم بكرامه
وكل غرفة طبعا موجود فيها هالاشياء
والاتصال من غرفة لغرفة برقم الغرفة بس 
السلة الصغيرة هذي أشياء مجانية في الحمام تلاقونها
والسلة الصغيرة كل علبة بـ 5 ليرة وتلاقونها في الغرفة 
بوفيه الفطور يبدأ من 7 الى 10 
ولأول مرة في هالرحلة أنزل بوفيه الفطور أكثر من مرة 
الصور من عدة مرات لان أوقات يكون زحمة وما أقدر أصوّر 
وبتلاقون فيها مرة البوفيه ممتلي ومرات ماباقي شيء طبعا لاني اوقات انزل على آخر ربع ساعه 
العصيرات الطازجة الكوب بـ 8 ليرة 
الاومليت بـ 6 ليرة
وهذي صور متفرقة من فطورنا 
تراس الفندق او الكوفي شوب صغير بس حلو و قلت خليني اصوره واكمل فيه التقرير
هذا مدخله من اللوبي
وهذا مدخله من الشارع ويوم دخلناه طلعنا انا وبنت خالي فوق 
الدور الأرضي
الدور الثاني والا نلاقيه بار 
ومن هالمكان طلعنا من الفندق ومنه للمطار و قلنا قوليه قوليه استنبول 
أتمنى يكون التقرير أعجبكم وان شاء الله تستفيدون منه ومقدما أتمنى لكم اقامة سعيدة ورحلة ممتعه
صديقاتي الاقلاعيات اللي شاركوني رحلتي وطلبني بعضهم هالتقرير شكرا لكم
الشامخة
في حال نقل الموضوع ما أحلل حذف اي حقوق من على الصور او الكلام
وفي الختام أرجو أن يكون لـ أمي الحبيبة نصيب من دعواتكم بالرحمة والمغفرة
وأن يجمعنا بها في الفردوس الأعلى من الجنة وموتى المسلمين أجمعين 
.. تقبلوآ مني أعطر و أعذب تحية ..
noor-elshams
noor-elshams
مدونـــــــــــــــتي
