السلام عليكم و رحمة الله و بركاته اليوم بحدثكم عن ميزة قياس نبضات القلب على جهاز السامسونج جالكسي S5 ،، في البداية من الملاحظ أن الميزة ليست خاصة للجالكسي S5 لأنك تقدر تلاقيها في باقي الهواتف المحمولة بالسوق من خلال إنك تحمل تطبيق خاص بقياس نبضات القلب و تقدر تقس نبضات القلب على باقي الأجهزة من خلال إنك تحط أصبعك على الكاميرا و بيشتغل الفلاش و بيبدأ الجهاز بقياس نبضات قلبك و المفاجئ في الموضوع إن بعد تجربتنا الموجودة في الفيديو أدناه لاحظنا إن النتائج اللي شفناها على الآيفون 5S (الجهاز اللي جربنا فيه الميزة من خلال تطبيق) جداً قريبة للنتيجة اللي طلعنا فيها على الجالكسي S5 ؟
لكن من الملاحظ إن النتائج ممكن تختلف على حسب التطبيق و جودة التطبيق و ممكن أحياناً تلاقي النتيجة قريبة للجالكسي S5 و أحياناً لا فالموضوع يعتمد بشكل أساسي على التطبيق أكثر من الجهاز نفسه لكن للمعلومية الميزة على الجالكسي S5 موب مثالية و ممكن أحياناً تعطيك نتيجة غير دقيقة عن نبضات قلبك الحقيقية و نفس الكلام لباقي التطبيقات على الأجهزة ؟؟ فعشان كذا إذا كنت تبغا تحسب نبضات قلبك بشكل صحيح فإشتري جهاز خاص بقياس نبضات القلب ولا تعتمد على أي هاتف محمول إذا كنت تبغا تطلع بنتيجة دقيقة جداً .
