تقرير مصور : فندق سوفيتيل الخبر‎

سميحه المليحه

13 سنة ago

السلام عليكم
اليوم جايبتلكم تقرير لفندق بالخبر .. من اليوم الوطني وأنا مصورته وتوني أنفص أنزله
مدري وش جايني صايره مشغوله على غير سنع يالله لاتشغلنا الا بطاعتك
سمّو بالله
،

فندق سوفيتيل الخبر Sofitel Al_Khobar

يبعد هذا الفندق العصري 7 دقائق سيراً على الأقدام من مركز مدينة الخبر، ويضم مصاعد بانورامية وسبا من الدرجة الرفيعة ومرافق تناول الطعام، كما يتميز بطلّة شاملة على الخليج ومدينة الخبر. تضم غرف الضيوف في فندق سوفيتيل الخبر ذي المستوى 5 نجوم المفروشات الحديثة مع اللمسات العربية، ويوجد بهذه الغرف أيضا أرضية خشبية، ومساحة للجلوس بها تليفزيون بشاشة مسطحة، وحمام خاص به وسائل راحة ممتازة.

يمكن للنزلاء ممارسة التمارين في صالة الألعاب الرياضية المتوافر بها معدات تمارين القلب، أو الاسترخاء في حوض الاستحمام الساخن أو الحمام التقليدي. يحتوي فندق سوفيتيل أيضا على مجموعة من علاجات الاسترخاء في السبا، بما في ذلك تدليك لكامل الجسم، وعلاجات الوجه والأظافر.

يضم فندق سوفيتيل مطعم أنيق يقدم المأكولات الغنية ويوفر مناظر بانورامية للخليج، كما يتم تقديم المشروبات المنعشة في البار العصري الموجود باللوبي، ويمكن أيضا الاستمتاع بالمشروبات في التراس الواسع.

تشمل المرافق المفيدة في فندق سوفيتيل خدمة توصيل المطار المكوكية، وخدمة الواي فاي المجانية، ومواقف خاصة ومجانية للسيارات.

المصدر : Booking
،

نجي لتقيمي للفندق ..

النظافة : 10/10 كل شي يلق لق وريحة تفتح النفس يحس الواحد انه أول من سكن بهالغرفه
الجودة : 10/10 أنا رحت له مرتين وبينهم 7 شهور تقريبا .. ما أشوف ان فيه شي مكروف أو منعدم .. للحين الجودة سليمة الى أن يشاء الله
الديكور : شي جميييل مرتب وألوان رايقه ومافيه قحشه أثاث تقل كني داخله عرس
السعر : امممم غالي كفلوس << لا ياشيخه بس كأسعار فنادق وكذا أشوفه مناسب مرره يكفي انه ماانكرف ويعتبر أفضل الفنادق في الخبر ..

اللي يميز الفندق اطلالته ع البحر بس اصبرووو لا تتدرعمون وتتخيلونه زي ما تخيلته وتحطمت هو صح الدريشه ع البحر على طول .. بس يعني بينكم شي فاضي وماينراح لبحرها رجليه من الفندق ع طول :/
لكن المقصود هنا الاطلاله بس

الفطور متنوع .. وعلى حسب ماسمعت وقريت .. انه أفضل بوفيه فطور في الخبر ! وعلى ذمة اللي قاله
لكن الجد انه لذيذ ومن كل نوع وصنف
اللي يقهر فيه .. اذا صار زحمه وكل العالم (السعوديين) نازلين 11 الا ربع قبل لايقفل عشان يفطرون ماتلقى أحد يلقيك وجه عاد أنا من الناس اللي ما أقدر أجلس ع فطور بدون شاهي واذا ناديتهم أبد كني أكلم جدار مره مرتين ثلاث وكلن يسلك لك صوتي أنبح وأنا أنادي فيهم وكان الجدار يسمع فهم يسمعون اخر شي قمت خذت ترمس الشاهي وحطيته ع طاولتنا في أمهم خير ياخذونه مني عاد أحسن محد قالهم يسفهوني
،