TwitLamp
ما مليت وأنت تصفح تويتر تغريدة وراء تغريدة ؟ 🙂 ماودك تجدد شوي؟ تتصفح تويتر بطريقة فعّالة أكثر وممتعة أكثر؟ خصوصاً لو كنت تحب الميديا بشكل عام (الصور والفيديو والصوت)… اذا كنت من هالنوع، معي لك موقع(ن) بيجوز لك ان شاء الله.
موقع ببساطة: يعرض لك التايم لاين بطريقة لطيفة وسريعة، يفلتر لك التغريدات اللي فيها صور ويحطها بمكان، والفيديو ويحطه بمكان، والصوت ويحطه بمكان، ونفس الشيء للروابط والهاشتاقات والتغريدات النصية (اللي مابه شيء يعني زلط ملط). جب كاس الشاهي وروّق على ام تويتر، الصباح والا المغرب والا اي وقت يناسبك أنت وجوّك.
والأجمل من هذا، أنك تقدر تبحث في تويتر وتحصّل النتايج مفلترة لك بنفس الطريقة! وتقدر تدخل ملفك وتشوف تغريداتك بنفس الطريقة، أو تدخل ملف أي يوزر وتتصفح تغريداته بنفس الطريقة أو تشوف المنشن حقك… وكل تغريدة تقدر تستخدم فيها كامل الخيارات: الرد، اضافة للمفضلة، ريتويت، تشوف الردود على التغريدة… وتحذف تغريدتك، وغيرها من الخيارات. وتقدر أيضا تكتب تغريدة جديدة. يعني باختصار، اذا ناسب الموقع مزاجك فأنت بتنسى موقع تويتر وتطبيقات تويتر.
هذي صورة سريعة من واجهة الموقع بعد ما تسجل دخولك، وهذا التايم لاين حقي (يالله سترك لووول) TwitLamp
واللي ودي ابشركم فيه، وأظنكم بتفرحون فيه إن شاء الله… ان هذا المشروع سعودي 🙂 ومحاكيكم من مؤسسي المشروع، وياارب يكتب له التوفيق والسداد. ودامني هنا لابد أن أشكر صاحب الفضل الأول بعد الله سبحانه وتعالى واللي كان وراء هذي الفكرة وتطورها ووصلها لهذا الشكل.. ابو نواف سعد الخضيري الله يدخله الجنة قولوا آمين..
وشكراً، مع السلامة.
TwitLamp
تركي التويجري
Twitter: @TurkiAlTwijri
جميل جدا وخاصة انه يفلتر تويتر بطريقة حلوه تحببك أكثر فيه لكن حاولت أعدله للعربية وماقدرت واتمنى منكم دعم الموقع باللغة العربية مع جزيل الشكر لإبداعكم
لا هنتو ويعطيكم العافيه
الله يعطيكم العافية بصراحة الفكرة رهيبة جدا ولكن لو يصير لكم تطبيق للجوالات خصوصا على انظمة iOS & ANDROID بتطلع فكرة خوووورافية
السلام عليكم اخوي الفكرة حلوة و الموقع جدا رائع. لكن لدي إضافة و هي .. التحديث
تسلم يمينك يا مبدع وفعلاً تركت التويتر من أسلوب عرضه المميت – ألف شكر لك 🙂