كان عندي اعتقاد ان الرجل الخارق هو الباكستاني ..لدرجة اني اعتقد ان اقوى رجل في العالم هو الباكستاني لأنه مايقول لأ .. أي شي تطلبه منه يقولك حاضر .. تتعجب وانت تشوف ابو بكس اذا جاك شايل ثلاجة على ظهره وبيده دبة غاز وبيده الثانية غسالة ومطلعها للدور الثاني وهو يركض .. تقول يابو بكس عندي عمارة ابيك تضبط السباكة لها .. يقول مافيه مشكلة … تقول له عندي سيارتي تفتف يقوم يضبطها لك .. تقول له عندي سفينة مبنشرة يرقع لك اياها ماعنده اي مشكلة..
المهم وانا قاعد احوس بالنت واهجول بين هالمواقع وتويتر وغيره طحت على مجموعة من الصور، يمكنها قديمة او بعضكم شافها من قبل، المهم ان الناس اللي في الصور تجاوز حدود المعقول، وتحدوا قوانين الطبيعة والجاذبية والفيزياء، وندرس في الثانوي وحالتنا حالة والمادة والتوازن … الخ ويجيك واحد من هذولا ويركب له ستمية شغلة فوق بعض ويمشي على سيكل والا دباب ولاتطيح.. اللي يقهرني انها ماتطيح ..
قل هذا حاط شبك حديد ومزبن عمره، طيب اللي تحت ذا وش حاط؟
هذا شايل غابلة كاملة بالناس اللي فيها، شف اللي فوق على اليمين ينادي اللي على اليسار من كبر حجم الحمولة ههههههههه
اللي ورا موب كنه الفيصلية؟ <<< هذا اكبر همك 🙁
ياحلاة لو يطيح هالبيض عشان يتأدب مايحمله كذا مره ثانية <<< وراك متحمس تحسسني ان البيض لك
هذا راكب والا يمشي والا فوتوشوب؟!!
اول ماشفتهم احسبه نوع من الورود!!
لاحظ فيه واحد ثاني لاحقه باربع ثانيات
وانا اقول وين حاويات القمامة اختفت من الشوارع اثرهم يزرفونها
اخسن
