سفر و سياحة

15 يوم بين النمسا والمانيا – بالتفصيل‎

بسم الله الرحمن الرحيم
ابدخل في الموضوع على طول صراحه ماعرف اعبر وابدا
هذي تفاصيل رحلتي لـ النمسا والمانيا لمده 15 يوم

* تاريخ الرحلة:
11/9/2012 الى تاريخ 26/09/2012 .. مدة الاقامة 15 يوم

* عدد المسافرين:
شخصين ( انا والمدام).

* الخطوط الناقلة:

الخطوط الجوية القطرية بتكلفة اجمالية قدرها 5498 ريال(2749 للشخص)
خط الرحلة كان: (الرياض – الدوحة – ميونخ) (ميونيخ – الدوحة – الرياض)

** مستلزمات الرحله **
* فيزا الشنغن من السفاره الالمانيه 800 ريال للشخص
+
التأمين الطبي 100 ريال للشخص
المجموع 1800 للشخصين
(تقدر تخلص الفيزا بنفسك وتوفر لك مبلغ طيب اذا ودك)

* رخصه قياده دوليه 150 ريال (من اي مكتب سياحي)

* تحويل ريال الى يورو :
تحويل 12340 ريال
الى
2500 يورو

* بطاقه فيزا او ماستر كارد بارزه الارقام زي كذا

علشان شركات إيجار السيارات ماتقبل البطاقات الالكترونيه

* الافياش في اوروبا هذا شكلها


* استئجار السيارة:


عن طريق شركة افيس لمدة 15 يوم بتكلفة اجمالية قدرها 7228 ريال.. شامله 2313 قيمه التأمين الشامل.
(ايجار السياره 4915 + قيمه التأمين2313 =7228)
الاستلام من مطار ميونخ و التسليم في مطار ميونيخ
نوع السيارة: بي ام دبليو 320 (بوكس) فل كامل.. مكينة ديزل .. قير اتوماتيك

الاستئجار تم عن طريق موقع

* عدد الليالي في كل مدينة والشقق والفنادق المختارة:

1- Exklusive Appartements
(النمسا)
في قريه كابرون تبعد عن زيلامسي 7كم
6 ليالي بقيمه2826 ريال
رابط الموقع الرسمي للشقق
booking .com

راعي الشقه رجال خدووووم وطيب جداً انصحكم بالسكن عنده
وموقع الشقق في كابرون ممتاز جداً
كل شي متوفر في الشقه من عده المطبخ الى راوتر الانترنت في الشقه وتلفزيون فيه قنوات عربيه واجد
كان حجزي عن طريق موقع Booking
مميزاته:
صراحه كل شي فيها كان مميز
السلبيات:
مافيها سلبيات ابد

————————————————————–

2- Haus Luna & Luna Mia Apartments
(المانيا)
في شوانغو Schwangauمنطقه ريفيه
تبعد عن قارمش Garmisch-Partenkirchen
61كم

3 ليالي بقيمه 1260 ريال
الموقع الرسمي للشقه
Luna Mia – Booking
Luna Haus – Booking

الحجز كان في Haus Luna لكن كان فيه صيانه وعملو لنا اب قريد لشقه اكبر في Luna Mia
صراحه الشقق فخامتها فخامة 5 نجوم ومتوفر فيها كل شي
تمنيت اني اسكن فيها اكثر من 3 ليالي مكان الشقه يفتح النفس ويوسع الصدر
(( انا حجزت عن طريق موقعهم وطلبو مني احول لهم نص المبلغ حواله والباقي كاش اذا وصلت.. وفعلا حولت لهم نص المبلغ ووصل لهم بعد 5 ايام من التحويل والباقي عطيتهم كاش ))

مميزاته:
فخامته صراحه
السلبيات:
الانترنت اشارته ضعيفه في الشقه

————————————————————–

3- hotel heiligenstein
(المانيا)
في بادن بادن Baden-Baden في الغابات السوداء
يبعد عن سنتر بادن بادن 10 كم
الفندق بين مزارع عنب
4 ليالي بقيمه 3110 –شامل فطور
المواقف مجانيه
الموقع الرسمي للفندق
Booking.com

مميزاته:
موقعه حلو
الخدمه ممتازه
المواقف مجانيه

السلبيات:
خيارات الفطور قليله
الانترنت ضعيف اشارته وبفلوس بعد
ضيق مساحه الغرف
————————————————————–

4- Mövenpick Hotel München-Airport
بجوار مطار ميونخ يبعد عن المطار 5 دقايق
ليلتين بقيمه 2370 ريال بدون فطور + قيمه الموقف لمد يومين
طبعاً غالي بسبب مهرجان البيره ذاك الوقت في ميونخ

مميزاته:
القرب من المطار
المنطقه اللي حوله فيها سوبرماركت ومحطه بنزين قريبه من الفندق
علشان تعبي وانت رايح للمطار:)

السلبيات:
صراحه ماشفت شي يعيب الفندق
تكلفه الرحله الاجماليه 36582 ريال
شامله كل شي

**ملاحظه**

من افضل المواقع للبحث عن الشقق

Homeaway
————————————————————–

** صور من الرحله**

هذي بعض الصور من الرحله

باقي الصور لها لينك تحت مع شرح لكل صوره

لعرض باقي الصور اضغط هنا

Twitter: https://twitter.com/mosaadona

مقالات ذات صلة

‫8 تعليقات

  1. ما شاء الله تبارك الله على الطبيعة امنيتي اني أسافر النمسا بس طفرة يا حبيبي لا وظيفة ولا فلووس

  2. السفر الى هذه الأماكن الرااائعه شئ جميل ويرد الروووح,لكن اللي ماعنده فلوس يقعد في بيته احسن له ويتفرج على هالمناظر من خلال قروب ابو نواف ههههههه

  3. 🙁 قروب ابونواف جاب لي عقده نفسيه كل مانزل احد موضوع عن رحله تجيني كآبه ..مالت على حظي وزوجي اذا اخذ فيني فره على ابها يعتبر نفسه سوى انجاز ومشاني ومحد قدي ههههههه الله يرزقنا بس

  4. ياسلام صور ترد الروح ماشاء الله العام الماضي رحت النمسا وسويسرا ، لكن بتكلفه اقل من تكلفتك اخي

  5. شباب ايش وضع النقاب في هذه الدول .. لاني بصراحه ناوي اروح ان شاء الله لـ قضاء شهر العسل .. وانا عن نفسي اذا حصل موقف او شيء علشان موضوع النقاب .. بتلاقط معاهم واخاف يمردغوني قدام المره .. تكفون يارجال امنعونا من الشرهه وقولو لي اروح ولا لا

  6. ابي٨ايام للنمساء مع يومين روحه ورجعه لشخصين وطفلين ابي شي حلو ورخيص ابي برنامج وكيف الحجز تكفون يالنشماء ومتئ احسن وقت نسافر فيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى