بسم الله الرحمن الرحيم
السلام عليكم ورحمة الله وبركاته
حيا الله أعضاء شبكة
أبو نواف
،،،
ما أدري هو خلص الشتاء أو لا لكن أنا فيه نظرية تقول
التنكة تتمدد بالحرارة وتنكمش بالبرودة
طيب !!
واللي يقول لكم انه عندهـ عكس هالتخريفة اللي قبل شوي
عندي باب ببيتنا إذا جاء البرد ما أقدر أصكه وإذا طلع البرد أقدر
قسم بالله لو أسوي فيه اللي أسوي مستحيل ينصك إلا بالمعافر والواسطات وإذا أنصك كود
نتصل على الدفاع المدني يجون يفتحونه ,,, هذا بالبرد بس
لكن ابشركم هالحين اقدر أفتح وأصك على كيفي <<< كل هالمقدمة علشان يقول لكم انه خف البرد شوي
واليوم نبي نبطح لكم … 3 مقاطع فيديو مع شوية صور
_________________________________
[فيديو]
-1-
أول ما ببدأ وأستفتح بهالــ رويــــدا المطرطعة
جايبتن لأبوها حرمة وتبي تزوجوهـ إياهـ
يا ويلها من أمها لو تدري عنه والله أن تمصع أذانها
يالبى قليبتس يا رويدا وياحبيل هاللهجة وهالخشة
دققوا بالثن المكثوووول وهـ بثثثثثث <<< دآآخ مع البنية
ما شاء الله عليها الله يحفظها لوالدينه
-2-
ما اقدر اعلق عليه لأني منقهر وصايرتن لي سالفة قريبة من هالسالفة
-3-
من الفضاوة بالدوام ما عندهـ شغل
قام يحوس ويحوس ويحوس ويفتر القلم لييين ما كسرهـ
وبالاخير اذا سألوهـ يبي يقول ما دريت
_________________________________
[ صُـوَرْ ]
واذا جينا للصور نبي ندخل على طول باللحس والتخيلات
شوفوا هالفاظين هذولا وش لون قاعدين يتخيلون الخشة وشلون تطلع معهم
اما حق كرتون الموز انا من هبالي جبته وجربته وطلع صز نعنبو بليسهم عليهم مخ محشش ما ادري وش لون
ابو الفشيلة اللي كذا
توهق المسكين بس ما ادري وش لون قدر يقوم من الكرسي وما يبس بنطلونه وهو نايم
الصبغ مثل الصمغ <<< واحد جايته انفلونزا
يمسك على الملابس ولا يفك
هالبريتز هذا يخليك تشتهي الكابتشينو حتى لو ما به سكر
بس الصراحة توووحفة
قهوجي راعي حركتات وحتى ما أحد يسرق البيالات ويهج بهن
حاطن صورته عليهن واللي صاز يآخذ بياله
مدرجات من الدرجة الأولى وبالهواء الطلق
وياويل اللي يتحمس وياقف على طول يطب على خشته
قايلن لكم انا بأول الموضوع البرد طلع بس هذا ما صدق
ورايحن يطبخ رجيلاته علشان يتعشى عليهن
عندي احساس ان العمارة جايتن بالعكس
المفروض اللي فوق هو اللي تحت <<< اذا فهمتوا شي افلقون
وهذا يخليك تشري جح من عندهـ بالغصب واذا فيك خير اقطع الاشارة
يصكونك بمخالفة على طول
إلا على طاري الجح وش لون جانا قبل وقته هالايام اشوف العالم يبيعون وهو ما طلع البرد
وش يحسون فيه الاثنين هذولا
كلهم مغطين روسهم وحاطين السماعة فوق اذانهم
احد يشوف وش القصة شكلهم نايمين او عندهم مصيبة
من يقول ما عندنا مواهب وما يظبطون لك الجدار
قسمن مواهب فنية كبيرة وبالالوان بعد
دققوا بالصور زين فيه كلمات تضحك بقوووووة
انا ما ادري هي شنطة المدرسة حقته او رايحن يلعب رياضة
بس الظاهر انها شنطة مدرسة شكلهم الصبح <<< تحلفون انه هو اللي مصورهم على معرفة الوقت
اما لو انها شنطة مدرسة وأنا المدير حقهم
والله ما اخليه يدخل به إلا وأنا مفتش وش اللي بوسطه اخاف انه شايلن نص عفش غرفته
هذا لا قالوا لك صخنا الماء وطار الديك
اللي عندهـ هالسيارة يالله يالله يسوي لها موقف زي تسذا
علشان ما تنسرق همن تجيه جلطة برموشه ويموت
طيب من اللي فالقوهـ ؟؟
آخر شي أتذكرهـ من مواقف الجامعة هالصورتين
أنا ما أدري هو دكتور يتحدى أو طالب مهبلتن فيه الدراسة
وهالصورة تنبيه شديد اللهجة من أعلى
مدير إداري في البيت ويا ويله يا سواد ليله اللي يسوي العكس
يتمحل ما يجيه
مكتوب بكل الاساليب تنبيه و منع و رجاء وشكر
وهالحين وصلنا لآخر شي وهي الوداعية
وعن أذنكم يالله بأروح أهج
_________________________________
وبس انتهينا
أتمنى أني ما أكون طولت عليكم ووسعنا صدركم شوي
