يوم تغديت امس ماكان فيني نوم قلت خل اطلع اتمشى على رجليني شوي الجو كان روعه وخاصه اننا في شهر سته ميلادي!! كانت الساعه 2 !! لبست جاكيت المطر واخذت مظلتي وطلعت.
النهر قريب لبيتنا يعني مهنامشوار انا متعود المشوار الي اقل من عشره كيلو اروح لها مشي !الجو كان مطر خفيف يعني بس رذاذ , وضباب بس مهوب كثير, وانا امشى بزراين كثار يلعبون الي بالسكوتر والي بالسكيتنج وكم واحد قاعد يزين اشكال بالثلج الي كان على الارض!!! واحد كان يرسم على الارض , وبنت صغيره معه شوكلاته وكيك توزع على كل واحد يمر تقول ابذوق الناس من تزيني !! وشياب وعجز قاعدين الي في البلكونه والي جنب باب بيته يسولفون مع بعض ويشروبون شاهي ! وبكل جهه من الشارع تلقالك واحد يجر عربيه وعليها ياورد ولافراوله اوذره وفشار, البياعين كثار ماقدرت اركز من كثر الناس الي يمشون على وش يببيعون !!
ياله قدرت القى مكان جنب النهر مع انه مكان مهوب زين لانه كان جنب شجره جوافه كبيره تغطي على كانت والا كنت اقدر اشوف النهر واضح بس اقدر اشوف القوارب واليخوت الي فيه ! جنبى كان كوفي شوب ومحل اسكريم زين مره لانه يجيب من الفاكهه الي تطلع على جنب النهر ويسوي فيه كل انواع الاسكريم المحل كبير مره بس ماقدرت القى أي كرسي فاضي لانهم قاعدين يسون فيه مسابقات للناس والعاب !!
مادريت الا بمجوعه شحاذين كثار فوق الميه شحاذ اشكالهم مرتبه مهيب حوسه يعني ! استغربت خاصه ان فيه واحد منهم شكله اعرفه !!! قلت السلام عليكم قالو ياهلا قلت مهوب انت ابوهيثم راعي المكتب السياحي وبيتك الابيض الكبير الي في اول شارع بيتنا قال الا !! قلت وش فيك وراك كذا وراه انحاست اموارك !!! وراك تشحذ منهم ذولي ؟ وش جابهم معك؟ وين مرسدسك الكحلي؟؟ وين سواقكم عثمان ماجا معك؟؟؟ اول مره اشوفك يابو هيثم بدون مشلحك !!! قال شوي شوي ياولدي اعلمك وش القصه على هونك !!
اولآ خل اعرفك على الرجال ذا ابوفهد ماعرفته قلت لا !! قال تذكر العماره الرخام الطويله الي في اول الشارع ذا صاحبها, وهذا ابوساره قلت ايه ذا اعرفه ذا مره شفته في محل مجواهرت
يشري ساعه !! وهذا فوزى مدير اعمال صالح ابو مشاري قلت ماعرفه؟ ويأشر لي قال ذاك ابوسكسوكه قلت ايه !! وهذا سعد والي جنبه طلال شريكه السابق !!!
قلت طيب وش القصه وش فيكم وراكم تشحدون قال ذولي كلهم راعين مكاتب سياحه !! وحتي ابوفهد كان نص شركات الطيران مساهم فيها وابوساره هو الي باني على حسابه كم مطار في اوروبا واكيد انك تدري ان كان عندي حول الميه فندق في الشرق وامريكا واوروبا قلت انا ايه اتذكر مره شفت لك مقابله بالجريده يوم تحط حجر الاساس حق فندقك الي في لندن !!
قلت طيب ماعلمتني ليش انتم تشحدون الحين ؟؟؟ قال ياولدي الامور تغيرت الحين الناس مايسافرون ابد برا لشي اسمه سياحه ويشيلون هم ويضيق صدروهم اذا كان لشغل !!! وعشان كذا فلست كل شركاتنا !!
اروح منه وانا ضايق صدري وامر ولا الناس سرا على بوابه ملاهي وكل ابو معه عياله وبناته وزوجته !! امشي شوي ولا على يميني مجمع من عشرين دور كله العاب للشباب من بولنج وبلياردو وهالطقه!! ولا دريت الا بلوحه دعايه كبيره عن مسابقه ازين كبسه للحريم في مجمع بلازا حق المطاعم الي فيه ميتن وخمسين مطعم عالمي !! قلت بحكم اني قريب للحديقه حقت الطيور خل امر شوي اقطع لامي كم زهره بنفسج لانه تحبه ! يوم دخلت الحديقه ولا كلها افواج سياحيه استحيت اقطع شي !!
وقفت وشريت جريده انجليزيه من المكتبه الي بالشارع لان سواقنا الفلبيني زعلان من اهلي من كثر مايقولون ودنا وجبنا وكل يوم مكان مختلف جديد!! قلت خل اجيب له الجريده رضاوه !! وانا امشي قعدت اقرا عناوين الصفحه الاولي ولا الاقتصاد برا طايح!! لنقص عدد سياحنا وان اكبر تجاره مربحه في اوروبا صارت هي بيع الثياب والعبي لان السياح الاجانب يشرونه قبل لا يجون هنا يتمشون !!
وصلت لبيتنا ولا اخواني وخواتي الصغار يتهاوشون يروحون جده ولا الخبر !!! اخوي يقول جده اختي تقول لا مانبيها جده برد ولا نقدر ناخذ راحتنا بالتمشي من الثلج !! قال عاد وش يودينا للخبر قالت هي الخبر ازين فنادقها فخمه وكثيره ورخيصه مره واسواقه كثيره محنب بالشين بسوق بس واحد كل يوم نروح لسوق مختلف !! وبعدين منتب مشتهي ناكل من المنجا والموز الي في مزرعه عمي هناك!!
فتحت التلفزيون ولا برنامج سياحي عن ابها ولا هم يتكلمون عن جمال ليل ابها وتعددالأماكن الي تروح لها وان السياح يطالبون بتمديد الاجازه لان ثلاث اشهر ماتكفيهم يشوفون ولا نص المواقع السياحيه الي في ابها !! ويقولون انهم سوو اتفاقيه ونقلوالبحر لا بها من من دوله افريقه مقابل يعطونهم كم حبه برشومي !! وان الحين فيه مليون وخمس ميه الف شاليه على بحر ابها هذا غير ثلاثه مليون فندق على الجبال هناك !!
رن جوالي ولا ه زميلي فهد الضابط بالشرطه يقول وش عندك بكرا الصبح قلت ليش قال ماودك نطلع نتمشى قلت و شغلك قال لا ماعندي دوام قلت وراه قال اعطو كل الضباط والجنود اجازه يقولون مافيه شي يلزم حضوركم كل الامور تمام !! وترانا بعد نبي نسير على الشيخ عبدالله عندي كم سوال ودي اسأله عنها قلت انا خلها بالليل لانه يداوم هو بمركز الهيئه الصبح قال حتى هم مثلنا اعطو موظفيهم اجازه !!
قالي فهد ان مهرجانت الصيف الخياليه الي عندنا بكل مدينه اشغلت الناس وخلتهم ينبسطون مره وكل يوم يرحون يشوفون شي!! وماصار شي اسمه وقت فراغ عندهم لا تصدق الكلام وخرابيط بعض الناس الفاضي الي يقولون مزعجينا مهرجان وكرنفال ودعايات ومرحبا الف ومدري ايش غير وهي كلها طراطيع في حفل الافتتاح وعقبه اذا تجرأو وخاطرو وحسو انهم سوو مفاجاه للناس جابو لهم شاعر محد يعرفه حتي اخوانه يعننه يحيي امسيه في المهرجان وعلى بالهم وسعو صدور العالم كذا !! ولا مطرب مضيق صدرنا بالتلفزيون ليل ونهار حطوه بمسرح لعشرين شخص بس والتذكره بالف وقالو تعالو مهرجان !! ولا تصدق الي يقولون ان الناس عندنا اذا بغو يتمشون راحو لمطعم يعني الشبعان ماله تمشيه !! كل هذا خرابيط وكلام ماخوذ خيره ماكثر الله الا الاماكن عندنا!! خذ مثلا هذ فهد يقول الملاهي عندنا كل اسبوع شي جديد فيها!! وترا هرج فاضي الي يقولون ان الواحد ازين شي يبيع جمسه ولا الفان حقه لانه مايقدر يروح مع عياله وزوجته لشي ياهم ولا هو بلحاله !! ولا تصدق الكلام الي يقول ثلاثه ارباع شبابنا يحبون الكوره مهوب عشان الكوره الا عشان ما فيه شي ثاني غيرها يشغل وقتهم ولا من زين لعبنا عشان نتابعه !!
قالت صادق يافهد شوف عيني ولا احد قالي محد مستانس مثلنا الشي الي يضيق صدرنا صحيح هو وش نختار !!!
وكل صيف وانتم بالف طفش
