السلام عليكم ورحمة الله وبركاته
تحية طيبة و وش زينها ابعثها لكم يا أقدع ناس
في البداية أشكر كل اللي أثنوا على مواضيعي السابقة << كلها موضوعين انت وراسك
وعلى رأسهم أبو نواف و يا بعدهم وبقية الإخوه اللي ما قصروا معي ..
وأشكر كل من انتقد وسوّا ريبلي لرسالتي وارسلها لي فاضيه لين امتلى صندوق الوارد عندي كنهم بيعلموني يقولون ترى رسالتك تمررت
وأبشركم ترى الكلية قبلوني وبنفس القسم اللي ابيه الحمدلله 
في هالرسالة جايب لكم مقاطع لاإباحية << أحس اني خرشتكم خخخخخخخخ
على طاري هالمقاطع .. واحد من ربع الربع 
قال لا تكثر كلام وألحقني للمكتب .. يقول دخلت المكتب عندهـ ودخل خويي على طول وراي وقال يابو فلان ترى اللي صار مقلب مني .. انا قلت لك مواقع لا إباحية بس انت الله يهديك طرت في العجة .. المدير قال نعم ! قال ايه طال عمرك انت ماعطيتني مجال أكمل كلامي .. انا كنت بأقول لك يدخل مواقع لا إباحية وتارك الشغل وانا صادق ما كذبت .. يقول تنهد المدير تنهيييييدة عميييييييقه وقال احمدوا ربكم ان محد شاف هالموقف إلاّ انت واياهـ .. لو كان باقي الموظفين موجودين بالمكتب كان اثنينكم بيجيكم نقل تأديبي .. انقلعووووووا .. بهالكلمة ختم المدير كلامه خخخخخخخ وبأختم السالفة لإني طولتها
هاهـ كيف المقدمة اليوم 
وإنفرطت السسته
إذا قد سمعتو أحد يقول : فلان أكل خابور .. وودكم تشوفون واحد اكل خابور شوفوا هالمقطع .. ياعزتي له الضعيّف
—
هذولي عيال ثانوي عندهم حصة فراغ وقاموا يلعبون لعبة نطنّي وأنطّك ( وجه منسّف شماغه وفي يدهـ عصا صغيرهـ كنايةً عن أنه وكيل مدرسة )
—
زوج وزوجة .. وزوج وزوجة ثانية .. قرروا يطلعون كشتة .. كشتوا ويوم جو يلعبون بالمراجيح كان واحد حاقد على زوجته واظنهم الزوجين اللي قلتهم اول شي 
—
رجعنا للي يتميلحون .. ويا كثرهم كثراااااهـ .. مقطع أقل ما أقول عنه انه كويّس
خـذ وخـل ومـلـح هع هع
بعض الناس عليهم حركات مدري وش تبي .. ما أخفيكم اني قعدت تقريباً اسبوع كامل وانا كل يوم اشوف هالصورهـ وأحاول أطلع سبب مقنع عشان يبنونها بهالشكل ما قدرت << بلاهـ من الذهانة اللي براسك
كنه صامخ بجدار .. ذكرني بظاطور قد توّثمت فيه خليته هو والجدار متساوين
هذولي شباب حلوين طلعوا برا يدرسون وقعدوا بسكن واحد .. ويقولون انهم نفسهم عيال الثانوي اللي بالمقطع فوق
هذي دعاية لعيون يابعدهم
لا اخبر نايف يحب هالحركات قلت نهدي له هالصور خخخخخخخخخخ
من قوة الريحة طارت البوية خخخخخخخخخخ
ذكروني بالعمّال اللي يصلون معنا .. صرت اشيل هم لا جيت أدخل المسجد
أما هالعصيفير مدري البغبغان خخخخخخخخخ والله يا هو واضح على وجه شدة التأثر .. الله يستر لا أطيح مثل طيحته ويصير وجهي مثل وجهه من ريحة هالعمّال .. لا أبطيت عنكم بالرسايل ادروا اني مت بسبب ريحة العمّال << الله يمصلك يا شييييييييخ
أتمنى أكون خففت عنكم ولو شي بسيط من الغثا والنكد بسبب العودهـ للمدارس 
والله يوفق الجميع لما يحب ويرضا
برايفت للإخوهـ في افريقيا العربيه
تراني رجال لا تشوفون آخر اسمي حرف ( هـ ) وتحسبوني بنت << خاف يصير له مثل سوالف القايلة وحبيبه ميجا 
موسعـ(ـن) صدرهـ .. تسان هنـا
