السلام عليكم جميعا
ادري وحشتكم ووحشتوني ووحشناكم ووحشتونا
ترا ان اختي ولدت جابت ولد سميته عبد الصمد وتراي حضرت مراسيم الولاده ودخلت معها غرفة التوليد وبغيت أتحمس واولد معها ..
وبين طلقه وطلقه اقول لها ادعي لي أنجح ادعي لي اتخرج عاجلا غير آجل ادعي لعمي ابو نواف ادعي لكل من يرد علي والا يرسل لي عالايميل ويمدحني ويخليني اخذ بنفسي مقلب همن حسيت انها بعرفه.. !!
ماتحسون اني كبيت فطورنا(يااختي تكفين اذا قريتي موضوعي
بس تصدقون وهي تطلق وتدعي ذكرتني جد يومي بالحج
عاد انا مااستحيت بسم الله علي قلت لها وراه ماتنصحينه أنتي!!
قالت بلاتس ماتدرين الواحد وهو كبير صعب تأثرين عليه مو مثل وهو صغير!!
تدرين عاد أغلب الصلوات بالبيت بس الصلاة الوحيده الي مايتركها الجمعه هي الوحيده الي يصليها بالمسجد
تقول اثابها الله: ان زوجها اخبرها ان ابوه من يومه صغير ماكان يحرصه عالصلاة كله يقول قم صل ويمشي للمسجد ولايحرص ياخذه والا يتأكد انه صلى .. إلا صلاة الجمعة هي الوحيدة اللي كان يحرص ياخذه معه
ولاتمر جمعه بدون لاياخذه وكبر الولد وأخذ هالصفه .. تقول أصلح الله بعلها: ولاعمره ترك الجمعة !!!
شخطه ..(مافهمت حجتنا للحين مدري هي حجه والا كشته الوكاد انه رحله انا وبنات خالي بدون امهات)
والآن أترككم مع فلم ذكرياتي ..
(تذكـــرين)
بطولة ساندي بل
يوووماااه متى ترجعين مثل أول
يمه تذكرين يوم ماقد سويتي غلط ..
تذكرين اميمتي يومتس تقولين صلوا ويومنا أخرنا الصلاة ولعبنا بكمبيوتر صخر طقتي الكمبيوتر بيدتس كم مره لين طفا ..
يمه تذكرين يوم ان وحده من خواتي شافت التمثليه المصريه والعياذ بالله وأنا حطيت رجلي أعلمك<<أحلا فقره عندها تشوف اخواتها يفتحون التلفزيون
تذكرين ياميمتي يومك تجين بدون لاتكلمينهم عبيت الكاس مويه وكبيتيه عالتلفزيون
صح إن خواتي حقدوا شوي بس لي أجر عشاني منعتهم عن المنكر صح ؟!
تذكرين يوم اخوي شغل التلفزيون يومه طلع شي عيب بالقناة1
تذكرين يمه يوم تشربين تلفزيونا جميع أنواع السوائل
وأبوي يجيب كل أسبوع ثاني
تذكرين يمه يوم الصنم كمبيوتر العائلة
تذكرين يمه يوم يصير مفصخ ومابقى به شي حي غير المسدس وشرينا عقبها سوبر لتندو
تذكرين يمه يوم اخوي قال كلام وصخ وزاعلتيه يوم كامل
تذكرين يوم تصبحينا بقصص وتمسينا بقصص
تذكرين يوم تقولين ذاك الطفل اللي كبري إلي يحافظ على صلاة الفجر وصار كل المدرسين يحبونه لان بوجه نور
تدرين يمه صرت أحب صلاة الفجر وكلما صليت بوقتها أحس ان كل الي بالمدرسه يحبوني مثل ماقلتي
بس أذكر أبوي
تذكرين يمه يوم تشترون لي كرتون كتكات وكرتون ايسكريم يوم صمت رمضان كله الا يومين وانا بثالث ..
تذكرين يوم تعلمينا ان اللعن حرااام احرم شي
تذكرين يابنت خالي يوم اخوك يلعن وقعدت يوم كامل استغفر أنا وياك بداله <<حسيت إني أنا الي لاعنه موب هو
ماكفاتس يابعدي انه استغفر ثلاث رحتي جبتي سكينه وحميتها وحرقت يده عشان يتأدب
تذكرين يابنت خالي (ام سلوم غمضي بنحتسي برجلتس) ايه تذكرين يوم ان ولد خالتي والعياذبالله يسمع أغاني
تذكرين يوم كنا بسادس يوم نسوي خطه سين تقسيم ميم يوم إنا ندخل غرفته ونحط أخواتنا الصغار حراس امن <<كنهم حقين الجامعه
تذكرين يوم نسوي غاره على غرفته من باب تغيير المنكر باليد
تذكرين يوم نقطع الاشرطه ونجمعها بكيس وترمينها برا البيت .. كم أحسسنا بالنصره
خصوصا يوم دقت جدتي من بكره تهوش الملاقيف الي دخلو الغرفه
لكن كان انجاز غريب حسينا ان الداعيه يواجه صعاب كثيرات
أذكر فيما أذكر ان الحلال بين والحرام بين ..
لقد اكتشفت شي ياأهلي ماتدرون عنه
على كل التلحيط الي خذناه من أمنا لم يكن ابي يفعل شيء بل كنا نعتقد ونجزم أن كل ماتفعله اميمتنا هو الصح لان أبي موافقها على ماتفعل
موب الحين الله يصلح الحال .. الوالد مايدري وش السالفه
لاجت الام تهوش دخل الاب يدافع
واذا الأب ضرب خشت الام تدافع
بالله وش موقف الطفل؟؟!!!
الأب والأم نزاع على خطأه .. سيعتقد أنه خطا لكن فيه من الصحه الشيء الكثير فأبي يدافع !!
اخي اختي الكريمه .. (أب او أم او أخت او أخ)
اذا عالج احد الوالدين خطأ وقع به الابن حاول قدر الإمكان أن تكون بعيدا فالوالدين كلاهما أدرى بمصلحة أبنائهم ويبغوا لهم الكمال
أمنا الحبيبه إذا رأيتي والدي يقوم بتوبيخنا اتركيه فدفاعك يجعلنا نحتمي بك كلما كررنا الغلط فهناك درع واقي يمنعنا من العقاب .. ولن نترك هذا الخطأ
والدي الحبيب .. ليس هناك أحن من أمنا وليس هناك كائن يحرص علينا كأمنا .. لاتحاول ان تنتقد امي امامنا فهي قدوتنا وكل مانراه بها صحيح لاتنتقد طريقة علاجها للموقف أو الدفاع عنا .. فكما قلت .. سنجعلك درع واقي لتكرار الخطأ
كيف نمنعهم من الخطأ ..
من الممتكن ان الذي ذكرته من قصص طفولتي فيها الشيء من الخطأ او المبالغه .. لكن الهدف ان الحق عندنا بين والحرام بين .. وهناك مايمنعنا من الخطأ بل واشتغرابه عند رؤيته حولنا
الأمر الآخر .. هذه أشياء(أغاني مسلسلات)أصبحت بديهيه الان فكيف بماهو أعظم (الصلاة عقوق الوالدين)
كلها أصبحنا لانستغربها من أطفالنا والكثير الكثير في هذا الجيل
هذه بعض النصائح الخفيفه الظريفه التي كتبتها بإجتهادي واعتقد هي التي أثرت بنا
شعارنا نحن من سيخرج جيلا صالحا بإذن الله
نافعا لنا ولنفسه
1
تعظيم المنكر أمامهم
اذا سمعتـ\ي منهم كلاما بذيء او عمل منكر
حاولـ\ي تعظيمه وإنكاره وبيني عقوبته .. بالجانب المقابل
بيني الأجر الكبير في ترك ذلك
2
حدود وعقوبات
من أشد مايمنع الأبناء لتكرار الخطا العقوبه بماتناسب طفلك
حتى لوكان منعهم من مشاهدة قناته المحبوبه سبيس تون
3
القصص والحكايات الحقيقية
كم تحملين من القصص لفضائل كثيرة
لاتبخلي بذكرها عند الأطفال فأكثر ماسيبقي في عقولهم هي تلك القصص التي قصصتيها لهم
(تكفون تراي مااقصد سيندرالا ومندرلا .. وليلى والذيب وسلوى والاسد)
أذكروا قصص فيها عظة وعبره يتفهمها الطفل
4
مشاهدة الأفلام
اذا كنت تحب طفلك فجعله يرا مايرى لكن حاذر ان يرى مايخدش حيائه ويغير أفكاره
قد سمعت في يوم ما وفي يوم با برنامج أوبرى مقابله لطبيبه نفسيه والاكيد انها كافره :
تقول إن التحرش بالطفل ليس فقط التحرش المعروف لدينا .. وانما حتى مشاهدة الأفلام الجنسيه او اللقطات المخله أيام الصغر هي أيضا تحرش بالطفل !!
صدقت والله
أتمنى أن لانأتي بمن يتحرش بأطفالنا في بيتهم …
اذا كنت ولابد ان تشاهد فقد اعجبني موضوع وبغيت استفرد به بس خفت ان سبقني به عكاشه
بس الوكاد اني ماشفت عكاشه للحين
لا يخفى عليكم ان هناك مشاكل كبيرة و محرجة جداا تواجهنا من الانترنت لانعدام الرقابة فكثيرا ما نشاهد الافلام ولا نعلم هل هي تناسب الاسرة ام لا هل هناك احراج من مشاهدتها ؟؟
سؤال يطرح نفسه لنجيب عليه نحن
هناك طريقة بسيطة جدا يعرفها جميع الامريكيين تمكنا من معرفة محتوى الفلم اكان يصلح لمشاهدة الاسرية ام لا هذه الطريقة هي رموز
بسيطة توجد على وجه غلاف ( بوستر )الفلم
وهذه هي اهم الرموز :
التقييم G
ويعنى ان الفيلم يمكن للأطفال مشاهدته وحدهم وجميع افراد العائلة من جميع الاعمار دون حرج بتاتا
.
التقييم PG
وتعنى انه من الافضل مشاهدة الفيلم باشراف الاباء حيث ان بعض الأباء قد يرغبون فى تجنب بعض المشاهد البسيطة لابناءهم او ان هناك بعض التساؤلات للطفل عن بعض المشاهد ولكن بصفة عامة يمكن لجميع افراد الأسرة مشاهدة الفيلم فى امان تام
.
التقييم PG-13
وتعنى ضرورة اشراف الاباء على مشاهدة الفيلم خاصة لمن هم دون الثالثة عشر عام لان الفيلم رغم انه لا يحتوي مشاهد عنيفة او جنسية الا انه قد يحوى بعض الالفاظ الخارجة او بعض مشاهد التعري البسيطة مثل ملابس النوم او ملابس السباحة ولكنه يظل بصفة عامة مأمون نوعا ما بالنسبة للمشاهدة الأسري
.
التقييم R
وهنا بيت القصيد حيث ان الافلام التى تحتوي تقييم Rيجب ان تتوقع وجود مشاهد عنف او مشاهد جنسية واضحة بها مقاطع حرجة للغاية وفى هذه الحالة ممنوع على من هم دون السابعة عشر او الثامنة عشر مشاهدة هذه الأفلام دون رقابة ولا ينصح بان تجتمع الأسرة عند مشاهدة مثل هذه الافلام لانها تحتوي كثير من الحرج …
وبقي لتقييمNC-17 عاد هذا زباله بختصار .. وهو نادر
.
5
أنت أعظم ابن
أنتِ أحسن بنت
أكثر\ي مديحك لابنتك بكل شيء .. حسسـ\ي ابنك انك تعتمد عليه
أزرعـ\ي الثقه بأنفسهم ..
وسيحاولوا أن يكونوا عند حسن ظنك
أصلحــهم الله جميعا
برايفت أوومنا
<<أحس الحلقه الجايه بتقول عايلتهم …
خلاص تفشلت .. فمان الله
لاتنسوون تدرسون قوانيني .. وان كانكم ودكم تألفون لي كتاب ترا ماعندي مانع
ماتلاحظوون اني معطيه وجهي وجه
NO messenger
