آلحين لازم اسمي والا شلون
طيب شسمه ، كل عام وانتم بخير ورمضان كريم وعليكم بمحل ابو عبدالكريم اللي حولنا ترا الشوربة عنده على اربعة ونص واللقيمات بثلاثة وعندهم بعد عرض على الفيمتو انك تاخذ ثلاث غراش ويعطونك معها وحده ببلاشن على ظهر البيعه .
أوّل شي كني أشوف ان سالفة مُهند ولميس وراشد ولد عمّتي هدت وخفّت 
يعني شخصية عادية وطلعت بالإعلام وقامت تتميّع من شان وخاطر هالدراهم ليش تكون ردّة فعل هالعالم مخيسه زي خششهم وهي توّه قايمه من النوم !
البعض يقول : ياخي شف كيف التعامل وشف كيف الحنان 
طيب ياكبير المنخر ياشيفة المبخر
بعدين التعامل ياعزيزي مايكمل بكلمة ورشفة وورده وغنيّة .
مايكمل بخيانة وإغراء وطلعة مفاتن والشيفون شفّاف والركبة الحمرا ظاهره !
الحب أكبر
-**-
أمي تصايح علي ..
مُدمن مُدمن .. دقّ على ابوك وقلّ له لاينس اكياس اللحم وقلّ له بعد ترى المناديل قضت
وش ذا الحااااال ..
مدري وش يحسّ به اخوي الفاضل وهو مابلا يخرّب والا ينطط على الكنب والا يطل من تحت باب دورة المياة 
المشهد الأول
جمال عامل مسجدنا + أبو معاذ مطوّعنا وإمام مســـــــــجدنا ، توّه متعيّن ومسوي عزيمه لاهله وجايب العشا من كودو عشان عندهم عرض
جمال : رمضان كريم ابو معاذ .
أبو معاذ : رمضان كريم ، عساك تبي تصوّم هالسنة ؟
جمال : لازم صوووم ، فيه زكاة إنتا سوّي ؟ 
أبو معاذ : اقول لايكثر ورح جب كراتين المويه وصفّها قدّام بالمسجد عشان اليوم بنصلي التراويح . 
جمال : كم جيب كرتون ؟
أبو معاذ : جيب خمسه وصفّ واحدن بمصلى الحريم والله يصبرنا على بزارينهم وغثاهم وقت الصلاة !
جمال : ابو موآآز إنتا متى جيب فلوس زكاة ، انا ماما بابا تآبان كتير ابقى فلوس ابقى اكيل .
أبو معاذ : خلاص إذا انتهى الشهر ذكّرني .
المشهد الثاني
عمتي سارة + بنتها فاطمة اللي تبي رجلن وش زيـــــــــــــنه وهي في وجهها شامه كبر خريطة جمهورية السودان
عمتي : فاطمة شوفي ام راكان . دقّي عليها وشوفي شلونها ؟
فاطمة : داقّتن عليها امس وتقول انها رايحتن للمستشفى . ولدها الصغيّر منكبن على فخذه شاهي .
عمتي : مسيكينة ياحبني لها
فاطمة : ترا اشوف كنّها ملمّحتن لي تبي المقسوم
عمتي : ايه مير ذكرتيني .. نبي نروح لها نسلّم عليها ونعطيها المقسوم الله يكتب الاجر . وعندي بعد لها كم غرض من المخزن ودّي اوديه على دربي لها .
فاطمة : تبين ادقّ عليها ؟
عمتي : لا جعل خشمتس يدقّ .. اصبري شوي لين اشوف وش اني حاطّه من دراهم تحت الفرشة .
فاطمة : اجل باشوف اخوي صالح عشان اعطيه خبر لايذلف لربعه ومانلقى احد يودينا لها .
المشهد الثالث
[ وليد سويكنه ولد التاجر ابو وليد + أمين راعي البقالة اللي حولهم ]
وليد رافعن جواله ابو كميرا وراكبن البنز حقهم ذاك الجخّه وينادي على أمين : تعال ياأمين .
أمين : مرحبا وليد ، ماشالله المكيف عندك بارك .. هب لنا شوي داخل البقالة .
وليد : المكيف ياحبيبي جاي مع السيارة مثل ماأنت جايّن مع الوجع سوا
أمين : آمرني وليد ؟
وليد : أخبار سالم عليوه ، يمرّ عليك ؟
أمين : امس كان عندنا وشاري مايونيز وعلبتين قشطة بلدي .
وليد : كلّمه خلّه يرد الدين اللي ديّنته . 3500 ريال ، لها عنده اربع شهور ونص وانا اطارد وراه ، حتى الجوال مايرد عليه !
أمين : هو كلمني أمس عنك ويقول ( من ترك شيئاً لله عوّضه الله خيراً منه )
وليد : ياخي هذا مايستحي على وجهه ، 3500 ريال ويقول بقشه ويبغاني اسامحه ! ، اقل شي يستحي على وجهه ويردّها أقساط .
يرنّ جوال وليد.. سالم 3500 ريال يتصل بك
سالم : طلبتك ياوليد تخليها لله . واللهِ مزنوق ياعمّي ومالي وجه حتى اكلمك
يطقّها بتسوه أمين
رمضان كريم ..
وانا اقول : رمضان أكرمـ وترى الفنتو أطعموان شالله أنكم إليه مع هالشهر أقرب
منتديات كواليس
