منوعات

: مهندس الكلمة :

يالله حيهم
انا من أشد المعجبين بقصايد مهندس الكلمة بدر بن عبدالمحسن
و بطرح لكم بعض قصايده اللي تعجبني


الفتاة الغايبة

و سلامي .. لمن سأل عني ..
أنا من أشعل .. عيون الفتاة الغايبه.. شمس بكلامي..
لين تركوني الناس .. و راحوا لضي عيونها ..
و رجعت نفسي طايبه.. أجرّ ظلّي ..
و كان لي .. ظل ثقيل .. تعلق .. بعود نحيل ..
و القلب رجل عايبه .. ترقا جبل ..
ردوا سلامي .. لمن سأل ..

يحيني الكلام .. قولي .. قولي أعرفك ..
انت من يحمل جذوع الشجر للماء.. ولنور القمر ظلما..
أنت اللي مردت القوافل .. تطلب الترحال ..
و زيّنت الشمال.. نجمه .. وعلّمت الغلام .. اسمه ..
لين انتهض .. رجال .. يحيني الكلام .. قولي ..
في بعض الكذب .. رحمه..

الوقت يمضي .. صديقتي.. والناس تمضي ..
وهالحراس باقين .. على ورق هالتين ..
والكوكب الفضي .. والبوح بالأحساس ..
تتغير الألوان .. الا السواد .. متى السواد يمضي ..
توي رفعت الأرض .. سجده .. وسبّحت له.. وحده ..
و صار الرماد .. ومضي .. و كل الذنوب .. غبار ..
و دموعي الأمطار ..

صديقتي .. يحيني الكلام .. قولي .. لمن سأل ..
أنا من اشعل عيون الفتاة الغايبه .. تيه وخجل ..
لين تركوني الناس .. و رجعت نفسي .. تايبه ..
من كل.. ما في الناس .. و كل ما فيني .. الا .. الكلام ..
أنا..الكلام يحيني .. يحيني الكلام .. قولي ..
لاجل الفتاة الغايبه .. من هالعتيم .. تعود ..
وردي سلامي لمن سأل .. ان كنت أنا موجود.. موجود..
و الحلم .. رجل عايبه .. ترقا جبل ..
و سلامي للفتاة الغايبه ..


لو تغيبي

لو تغيبي ولو رحل وجهك حبيبي

في غيابي عنك أشوفك .. وفي عذابي منك أشوفك

صدقيني ما نقص هالليل بعدك إلا قمرا

وما فقدت من النهار إلا شعاع الشمس بكرا

واجمل الناس حبيبي ..

لو تغيبي لو رحل وجهك حبيبي

تصغر الدنيا وتضيق

كلّ مافي الدنيا أعرفه إلا بيتي والطريق

أنا أحبك ذا نصيبي .. إبعدي عني وغيبي

صدقيني مانقص هالليل بعدك إلا قمرا

ومافقدت من النهار إلا شعاع الشمس بكرا

لك ليالي ما سألتي .. ولي ليالي ما سألت

ولو دريت إنك زعلتي .. كان أفرح مازعلت

بس داري مافي قلبك إلا قلبك

واختياري إني أحبك والا أحبك

ومن عذاب الحب يكفي لو تجرّح قلب واحد

وإنتي يا حبي وضعفي لا يهمك كله واحد

لجل تتغير فصول .. ويبكي الغيم في عيوني

وتزهر جبال وسهول .. اضحكي بيّا وبدوني

وصدقيني ما نقص هالليل بعدك إلا قمرا

ومافقدت من النهار إلا شعاع الشمس بكرا

أضغط هنا للإستماع للقصيده بصوت البدر
أضغط هنا للإستماع للأغنيه بصوت عبدالله الرويشد


كفاك غرور

صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وف عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك ف السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وف عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور

أضغط هنا للإستماع للقصيده بصوت البدر
أضغط هنا للإستماع للإغنيه بصوت عبادي الجوهر


الرسايل

وليله كانت الفرقا
و قالت لي .. ف أمان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. ف أمان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. ف أمان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي ف امان الله

أضغط هنا للإستماع للقصيده بصوت البدر
أضغط هنا للإستماع للإغنيه بصوت محمد عبدة


جرحي بخير

ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه ف غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى