معاناة طالبات كلية التربية العلمية بالاحساء

السلام عليكم
طبعا هذي اول مشاركة لي قررت كتابتها عن كلية التربية العملية بالاحساء واكيد تصف واقع اغلب الكليات

نبدا اول شي بالاستاذة العميدة اول شي حضرتها جديدة وفرحاااااانه بالترقية من دكتورة الى عميدة بدت في فرض أرائها لمصدية علينا ونحن يا مظلومين لكن الله اول يوم لها نزلت يمكن 15 قرار اول شي منعت لبس الالوان باستثناء الابيض والاسود عاد من زود الالوان اللي كانت مسموحة بيج وسكري وحسدتنا عليهم صرنا مثل الراهبات بهذا اللباس هههههههه شر البيلة ما يضحك ابي اعرف في نظرها يمكن اللي يلبس ابيض ينجح والباقي يحملون مواد مثلا

ثانيا: حضرتها تسكر البوابة من سبع ونص في الصبح يمكن احد يتأخر يمكن السيارة تتعطل طبعا جوابها مو شغلي شوي الا تقول ممنوع الخروج قبل الساعة اثنى عشر ونص حضرتها تشوف نفسها فاضية وما وراها احد تفكر الكل زيها البنات وراهم طبخ وعيال ورجاااااال ( افرحوا يا الرجال نهتم فيكم) ما ادري من وين جايبة وحضرتها زادت عدد ساعات الدوام الى ثمان ساعات يعني الواحده ما ترجع بيتها الا الساعة ثلاث الظهر اذا كان عندها محاظرة متأخرة من توصل ثلاث تعبانة البنت شنو تلحق عليه هل تنتبه لزوجها او اطفالها او مذاكرتها ….

ثالثا: المعاملة اللي زي الزفت خصوصا من المعيدات السعوديات ما ادري شصار يعني لو الوحده صارت معيدة او مدرسة عشان يرفعوا خشمهم علينا , معاملة زي الزفت في المعامل شرح مثل وجهم (ما في احسن من المصريين في الشرح ومو الكل طبعا) والله ما ادري كل هذي اساليب عشان يطفشونا من الدراسة او شنو…..

رابعا : بالنسبة للكافتيرا الاكل والمعجنات فااااااااااااااااااشلة ولما حاولوا يتطورا شوي وينوعوا اكثر حطوا انظمة جديدة للدخول والخروج من الكافتيرا بدل ما ترحم زادت الطين بلة صااااااارت الوحده توقف في طابور سااااعة تنتظر دورها ينتهي وقت الفسحة والبنت ما اكلت , معجنات فاااشلة واسعادرها نااااااار جدا الكافتيريا غالية يعني اللي مشتهي يفطر عدل اكثر من عشرة ريال لليوم ضربوها في ثلاثين وشوفوا كم تصير الى نهاية الشهر , بالاضافة لذالك موقع الكافتيرا الاستراتيجي اللي في نهاية الكلية الواحد يتعب على ما يوصل ولما يوصل تستقبله الكافتيريا والاوساخ من حواليها جدا الكافتيريا وسخة خصوصا من الجه الخلفية وعدم النظافة صفة موجوده في كل مرافق الكلية أن كانت بسبب الطالبات او بسبب الشجر اللي مقصص ومحطوط مكانة او بسبب عالميات الكافتيريا اللي يرمون الوسخ جنب الكافتيريا بالضبط

خامسا: بالنسبة للشبكات الشبكات القديمة فاااااااشلة فاااااااااشة جدا مثلا في شبكة مسماه باسم فيزياء تلفزيون واحد محطوط على طاولة وما فيه وسيلة اتصال بين الدكتور والطالبات , والوضع في هذه الشبكة ما يختلف عن الشبكات الاخرى ….. ابي اعرف الميزانية اللي يخصصوها للكلية وين تورح والمضحك حطين شبكات في طور الانشاء من سنة تقريبا ….. شدعوة حتى لو بمددون كهرباء لبرج ايفل كان خلصوها في شهر

سادسا: بالنسبة للمكافآت اللي ما تنزل الا بطلعت الروح مطالبهم كثيرة ومصاريف كثيرة ومكافئة ما تنزل الا لما الواحد يموت من الافلاس وما يمدي الوحده تفرح بالماكفئة الا تبدا بتسديد لفلوس اللي تستلفها من عمتها وخالتها …….. اسئلوني انا اخبر وحده في مسئلة السلف على ضمااااااااان المكافئة ههههههههههه

اتمنى من كل من يقراها يحاول ينشرها اكثر او يوصلها لمسؤول بيدة فعل شي