الله بالخير جميعا ياحلوين ياللي بتشربو الحليب
والله وحشتوني كلبوكم
ولو مهيب شرهه ومنقود
كان دخلت لأيميل كل واحد وسلمت عليه
وعطيته صندوق منقا عويسي من اللي تحبه قلوبكم !!
ماعدا اللي يستخدمون الكاسبر سكاي
مقدر والله اجيهم
يقولون الفاير وول اللي فيه مهب صاحي !!!
والواحد ذا الأيام يخاف على سمعته
هوا الدنيا بعزئه وإلا بعزئه !!!
المهم تعرفون دايما المقدمات عندي لكم عليها شوي
مالكم بالطويلة يامال العافية !!
طبعا كان عندي موضوعين جاهزه تبي تشوف
وجيهكم هالسمحه
واحد سدحته لكم اليوم
والثاني
صور فرعونيه بكميرتي الخطيره
لبي دلبها
كنت باحط صورتها لكم بس انها تستحي بعد عمري!!
المهم انا اجلنا طرح الفراعنة بقرار اداري صارم
444/ 23 << وش سالفت القرارات ذا الأيام
واجلنا نحن شركة حطامي عبده يحيا مشتكي وشركاه
طرح صور الفراعنة لين …مدري المهم لين افضى!!
س : كم مرة قلت المهم؟؟
ج: تراك اذيتنا بذا الكلمة ..
..
..
المهم << ياملحيبس
عندي شوية صور منا ومناك
طبعا لحد يجيني ويحطمني ويقول قديمة
ترا لي اسبوع وانا اجمع واطبع شعار القروب فيها
المهم انها خذت وقت وشغل مهب صاحي خخخ
<< معد اللا بيطر هنا عطوه قطته بس !!!
المراد ان إن شاء الله تكون 60 إلا 70 في الميه منها جديده
إلا تعالو وش رايكم بحكاية ستين وسبعين في المية
ترى ابشركم حولت تخصص ادارة واقتصاد ودي
اكشت مع هالعالم هل الأسهم!!!
انا اشهد تجارة المواشي والأعلاف
بتنقرض عندنا عقب هالأسهم !!!
ماعلينا
قبل ما تـنبرشون على الصور
احب ابارك لأبونواف ولكم جميعا تطور القروب
وانتشاره انتشار مهب صاحي
والله الله واصلو الجهود والكفاح
لقطف العسل واستمرار النجاح << ياشين تأثير سبيس تون
ياشباب
الموضوع ملغم صور
فيعني اللي عنده دايل اب
يتركد شوي ويلعن الشيطان
ويروح ياخذ له فره في أي مكان في النت
ويرجع يلاقي الموضوع آخر انتكه !!
واما اللي عندهم دي اس ال فالكبير كبير !!
============================
هاذي يامال العافية عايلة منعم عليهم ربي شوي
مهب شوي إلا والله واجد
المراد انهم ماخذين عزبتهم وطالعين الهاف مون ينبسطون ويونسون بزارينهم!!
=======================
هاذا الحمام اكرمكم الله
مسوينه نفس العايلة اللي فوق
عشان فيه ناس قراوا اذوهم
كل شوي رايحين جايين يبون
يغسلون بزارينهم!!
=========================
هاذا جمس القراوا اللي اذو هل الطيارة
في الهاف مون
يلعن ابو العزبة ما اكثرها!!!
اظاهر ماخذين مجلس الرجاجيل معهم فوق !!
يلعن ابو= صيغه مبالغة !!
============================
وعلى طاري العزابية هاذي 240 ال حقت عزابي
ضاقت بوجه
وراح يبي يبع موتره
بس مدري ذا جناح وإلا طرف دولاب !!!
والظاهر انه حسااوي
يقولون الحساوية يموتون في الزبرقة
خاصة سيارات نيسان طقت هالموتر
خخخخخخخ
مدري احس هالسيارة شوي وتقلب بوكيمون !!!
==========================
صبااااااح الخير يامعلم زكيصبحيرمضانمتعاااااال << اتحدى واحد يعرف وش الأسم
ذا مصري مليق ويرفع الضغط
كل يوم ياكل بيض
كل يوم ياكل بيض
لين صار وجهه بيض !!
<< خخخخخخ اقول ضف عفشك بس!!
=========================
هاذي يامال العافية سيارتي
نعم..نعم
ايه سيارتي لحد يقول كذاب
بس مقدر اطلع فيها عشان ماتعكس الشمس وتروحون
في رجلها !!
يعني يكفي تشوفون خشتي الزقرتية
بعد اركب ذي!!
يعني بس كذا موقفها قدام البيت عشان يشخصون فيها
شباب الحارة !!!
معليش قوة فلوس ..احمم اي خدمة
وعلى طاري هاللون سمعت ان فيه شركة المانية تبيع الكيلو منه
ب 10 الاف دولار
يعني اللي عنده ونيت ..ويبلي نفس هاللون يبيله 4 كيلو ونص<<بذمة وضمير
يعني عليك الحساب !!!!
==============================
هذا صبي مزرعتنا منقهر منه وحاط صورته !!
=======================
هذا واهو كاشخ رايح عرس صعايده
في المزرعه اللي جنبه !!!
===========================
هذا بعد مادق في العرق لين طاح من راسه خمسة ابراج !!!
وعلى طاري ابراج
ترى عيب ياشركة الأتصالات
كل ما ااسافر وارجع الاقي خطي مفصول
هو استقصاد يعني!!
وإلا وش سالفتكم !!
ترا هاه..باحول لموبايلي
وانتو الخسرانين عاد!!
=====================
وهنا يشرح لبزره كيف يوقع على
قرارات السلام
بعد الأنتهاءحفر الألغام!!
==========================
هذا بزر مذي امه
وجايب لها الجنان
راحت شرت كيس اسمنت
وصبت نصهفي ذاك اللي تشوفونه << كلن ومسمياته
وحطت بزرها داخل وقالت إذا انت على بوك فاطلع !!
والنص الثاني حطته مع الحنا
شي غريب يطلع لونه اسود مدري وشو!!!
يألفون ذا الحريم
=======================
راعي هالجهاز الظاهر بيقلبه مكينه مرسيدس
خخخخخخخ شكله شغال 24 ساعة!!
خخخخخخخخ كنود مهب كمبيوتر الله يهديه!!!
يابرق الشمال اطلع خمسين فوق العامه
لا والشجاع وأقوى واحد فيالعالم
اللي مركب ستيشن وإلا دايركشن ويلحط الباقين!!
الحمد لله على النعمه والعقل
مع احترام كلن وميوله !!
<<يشق ويرقع !!
==============================
ياشين شرق اسيا
جتهم هالملايين عقب تسونامي
وفسقو حتى الدود ماخلوه في حاله
والله اني شفت صور لشيات ياكلونه
مخلة بالآداب وبالشرف !!
يعني مالقو إلا
ايه اهو ذاك عشان ياكلونه !!!
طيب والفراخ واللحمه خخخخخخ والملوخية طيب !!!
===========================
ياشين هل الشفا لا لعبو كورة
يحوسون جو الواحد
حتى لو فايزين لازم يتهاوشون!!
مدري ضارين بالتلطيم !!!
ياحبي لهم بس!!
===========================
الله يلعن ذا الغرب يبون يدشرون بزارين
حاطين لهم هديه داخل سبرايز
كيف تلف سقارة ماريوانا !!
إلا الماريوانا وشهي!!
يقولون زي الملوخية بس انها تصدع بك شوي !!
خخخخخخخخخ
على ذمة الراوي
بس وين هالسبرايس هاتوها ابيها في سالفة
=============================
يلوموني على الجو الجنان والمزاج الصعب
ماينلام من اللي في رويسه!!
بس مدري عندي احساس
انه يقول
وش ذا الحر ياناس!!!
==========================
هذا الموس سلمكم الله
للناس اللي يحلق لحيته الساعه 6 وتطلع الساعه 6 ونص
ماله إلا هالموس
يصلخ وجهه صلخ
اصلا منابت الشعر بتشوف هالموس
بتقول تكفى الله يخليك
بننزل بكرامتنا بس وخر هالشين بس!!
استخدام آخر لهالموس =ينفع تفك به علبه تونه
ينفع تتهاوش فيه
ينفع تقطع به عذوق النخل
الزبدة هالموس مفيد مفيد وشي منتاز جدا!!
======================
هاذي تالية المبزرة لاطلعو يقنصون بالرملة
ومسوين فيها اقويا
وانهم الأبطال مدري الشجعان الخمسة
والواحد مايعرف شلون يشب نار
خخخخ حتى بارد شاهي من اللي تحبه قلوبكم مايعرفون له !!
اجل شلون تطلع تقنص !!!
<<منحرف 
===========================
هاذا قطو توه معرس وماخذ له غرفه بالفور سيزن بالمملكة
وقاعد يشلخ على المعزبه
ويقله
ترا عندي خمس مخططات جديده شمال بس مافضيت لها
انتي مشغلتني عنهم ياقليبي !!!
عاد المدام هنا راحت في رجلها !!!
==========================
هاذي صورة للقطو في عز شبابه
كان متعب قطاوة المجمعات ومسحبهم على خششهم !!
وهالقطو يذكرني بواحداذونا بها الأيام اللي طافت!!
خخخخخخخخ
وترا محد طرا ستار اكاديمي !!!
============================
يلوموني في ذا الكيبورد
هذا اللي يسلمكم كيبورد
بيل قتس
أيه بيل قتس براسه
واهداني اياه
عشان قطيت معهم في شركة مايكروسوفت
واشتريت30 % من اسهم الشركة
ومن قوة الفلوس
بابني مدرج طيارات في خليج الجابون
وبابني مستشفى في شرق دول الباسيفيك الشرقيه
والباقي باتبرع به لصالح المتضررين في تسونامي!!
يلعن ابو القهر بس!!
=========================
أبو نواف الله يهديك
كم مرة قلنالك لا تطالع في قرندايزر
قبل لاتنام
ترى مضر بالصحة ياخي!!!
==========================
هذا واحد انفصل الأستقال والأرسال من راسه
فمعد عرف وش يسوي بنفسه!!
إلا على طاري إرسال واستقبال
شركة موبايلي معد ودها تفتح
ياملح البنات اللي يردون على الهاتف المجاني
خوفي يطلع ازين مافي شركتهم
وناكل هوا ونرجع للأتصالات السعودية وحنا …!!!
والزبدة انك بتدفع هنا وإلا هنا
يعني مافيه شي ببلاش!!!!
ربكم يعين بس
=======================
هالبنت شربت كلوركس واهي صغيرة
فعندها جزء في المخ راح في رجلها!!
يعني انعطب
هم ناقصين اصلا!!
والله بنات هاليومين
يألفون في اشكالهم
هما ربي خالقتس زينه
اجل وشوله التأليف والخربطة اللي مالها لزوم!!
بسم الله علين
اللي يبي يخرع بزرانه يوريهم هالصورة
ويقولهم اللي ما بيشرب رضاعته
ترا بتصير خشته كذا!!
===================
ياحليله
ياشين اللي يتربي مع بنات!!
==================
مهب صاحي ذا البزر
احسه بيطلع يحب الببسي والمرقوق!!
=====================
قوة مزاج !!!
والله اني اقدر هالصنف من الناس!!
اتفضل يازعيييييييييييييييييييييييييييم!!
=====================
بالله ذي اشكال تدخل مانقو وتتقضى
اجل وش خلا للغزال اللي وراه !!
يامال الشوزن هو وخشمة اللي كنه
صعيدي ناط من مدرسة!!
====================
هذا مستقبلنا المشرق يالشباب
يعني الواحد يتخرج ويعلق شهادته
ويبروزها برواز فاخر
ويطق له بجهاز وطابعه
ويبسط عند البلدية والجوازات
ويسترزق
اظاهر اصرف!!
============================
قضينا
واللي انبسط واستانس يدعي لي
واللي ما انبسط ولا استانس برضو يدعي لي
واللي انبسط شوي واستانس شوي
يقلب وجهه !!
لا برضو يدعي لي
<< اخلص
تسلملي هالعيون والله
اللي عيونه زينه
واللي عيونه حولا
واللي عيونه مليانه غمص
وشوائب!!
شوائب 
ماذا تريد يابن خرشفة من الشؤائب
اهي لجيش السملق من بنو حلحلني
ام لجيش الغزاة المتمردقين
من بنو دربلنا يالغالي دربلنا!!
خخخخخخخخ
وش ذا الفصلة
معليش بس السوفت وير اللي عندي راشن عليه
ديزل خبركم الغبار والعج اللي جا يلعب
في الخلايا الجينية المثبطة للنعناع !!!
أقول كن ماودي افارق صح!!!
يالله
فمان الله 
طووووووووووووووووووط
انقطع الأرسال
=========================
عرفت …!!
