بسم الله الرحمن الرحيم
السلام عليكم ورحمة الله وبركاته
شخباركم وشحوالكم وشمسوين
اليوم أنا بخرق العاده وبرسل رساله للقروب
وأغير وظيفتي من متفرج إلى مشارك وللمره الأولى
وأتمنى إن رسالتي توصل إلى جميع الأعضاء
موضوعي عن متصفحات الانترنت ومميزاتها وطبعأ أنا بعطيكم المعلومات حسب تجاربي بعيداً عن خرابيط المنتديات ومواقع التنزيل
وبحط لكم مقارنه بين أربع متصفحات
Mozilla Firefox
Opera
Avant
Microsoft Internet explorer
بسم الله نبدأ
الأول
Mozilla Firefox
الميزه الأولى والأهم
السرعه البرنامج سريع جداً جداً مقارنه بالبرامج الباقي و أنا أعطيه 
الميزه الثانيه
التابز وهي من أهم مميزات المتصفح وترتب لك شغلك مظبوط يعني تحس ان الكمبيوتر مرتب وهاي الصوره
دعايه للسي ان ان
الميزه الثالثه
إختيار محرك البحث وشكله مرتب و مايحتاج انك تركب التول بار الي ياخذ مساحه أكبر من الرام وينزل لك دعايات مزعجه ويسوي زحمه في واجهة المتصفح و الي ينزل لك تورجانات
هنا مافي ولا شي من هالكلام
خانه صغيره لكل محركات البحث وتكون من ضمن البرنامج نفسه وبشكل مرتب ومحترم
والله ما انزل غير جوجل وش لي بالزحمه
الميزه الرابعه
المفضله و هي تعتبر مشكله في أغلب المتصفحات يعني إذا نزلت متصفح جديد يحتاج انك تعيد نسخ المفضله لكن الفايرفوكس شنو سوى
الفاير فوكس مسوي ميزه انك تقدر تسحب المفضله من المايكروسوفت انترنت اكسبلورر أو الأوبرا والي بنكلم عنه لاحقاً
الميزه الخامسة
يحفظ لك آخب الصفحات المفتوحه في قائمه خاصه وسريعه
الميزه الأخيره :
متوفر بالعربيه
فضايح البرنامج <ويا حبنا للفضايح
مشاكل البرنامج الي لقيتها كلها بسيطه
مثلاً لما تتحوس بالسبيسات “<ياكثر حوسته
وأشياء رايحه على جنب وأشياء زعلانه على بعض
والباقي إلى الحين أوكي وكل شي ماشي تمام و الاستخدام ولا أسهل ولا أبسط والبرنامج متوفر باللغه العربيه والانجليزيه والصينيه وكم لغه ثانيه
وروابط التنزيل بتجي في الأخير ومجاناً وكامله
البرنامج الثاني
Opera
والله أنا ما أدري إذا كانت في علاقه بين الست أوبرا الي تطلع في التلفزيون وهالبرنامج ولا لأ لكن البرنامج هذا حلو ومنتاز وبسيط جداً جداً جداً و ياخذ مساحه أصغر من المساحه الي ياخذها المايكروسوفت اكسبلورر في الرام و طبعاً يزيد كل ما زادت الصفحات ولأن هذا البرنامج بسيط بعطيكم المميزات ببساطه
السرعه
الي تعجبني فيه إنه يحفظ التابز بعد ما تنتهي منه عشان لمن تجلس من النوم في اليوم الثاني من الصبح 
والريستارت يصير ولا أسهل
سحب قائمة المفضله من متصفح آخر “الفايرفوكس او المايكروسوفت إكسبلورر”
تغيير شكل الواجهه وألوانها وتنزيل ثيمات
انه غير متوفر باللغه العربيه يعني الواجه باللغه الانجليزيه و طبعاً بالنسبه اذا انك تدخل منتديات او تستخدم الجهاز باللغه العربيه ما عندك ولا مشكله في الكتابه ولا Encodingالقراءه ولا شي يحتاج إلانك تغير الترميز الى اللغه العربيه “نظام ويندوز
واجهة البرنامج البسيط وواضح فيه التابز
الثالث
هذا البرنامج ضخم وعمله كبير
بنفس سرعة المايكروسوفت اكسبلورر
منع الدعايات بكااافة أشكالها يعني أي صوره تضغط عليها رايت كليك و ضغطه ثانيه ما بتشوف هالدعايه مره ثانيه والدعايات الي تطلع في البوب يوقفها بقوه ويمنعها من الظهور وتقدر تسمح لمواقع معينه بفتح صفحات البوب الي تطلع في الوجه 
وتقدر تمنع أي نوع من الصور بالاسم
*car*يعني مثلا انت ماتبي تطلع لك صورة سياره تكتب في قائمة الحظر كلمة
ولا بتشوف أي صوره من الياهو تطلع لك مره ثانيه
يعني هالبرنامج ممتاز للي يكرهون الدعايات
والبرنامج يشتغل على الإنترنت إكسبلورر في الخلفيه ويستخدم مفضلتها كمان <تحياتي لأهل جده
ملاحظه:في بعض الأجهزه تظهر دعايات بسبب التورجانات هذي الجهاز الله يعينك تشيل التورجان إذا ما شاله لك الانتي فايروس الي عندك
تنسيق الواجهه على المزااااااج
أو تختار طريقة الإغلاق والفتح يعني يحفظ لك الصفحات المفتوحه أو لا أو حفظ الصفحه الأخيره فقط
ـ
متوفر بالعربي <الارض بتتكلم عربي
البرنامج هذا فيه ميزات جانبيه كثيره جداً ولا في مكان إني أحصرها هنا
^وهذي واجهة الأفانت بروزر^
البرنامج الرابع والأخير
Microsoft Internet Explorer 7(beta)
المايكروسوفت إنترنت إكسبلورر أكيد الكل جربه واستخدمه الى الاصدار السادس والبرنامج غني عن التعريف وكثير من الناس تفضله ولكن الإصدار الجديد7 هذا بيتا” يعني تجريبي واحتمال ان يكون فيه مشاكل أو ثغرات و البرنامج أرسله الأخ أحمد جاسم الله يعطيه العافيه
إضافة التابز أخيراً وبعد طول إنتظار
الواجهه البسيطه والسهلة الإستخدام و تغيير بعض أشكال الأيقونات
مثل ما في الفاير فوكس خانة البحث وتختار منها المحرك الي يعجبك
في مشكله في الانترنت اكسبلورر واجهتها وهي تغبيش الخط وهذي يازعم ميزه
وطريقة تغييرها إلى الوضع العادي كالتالي
Tools>Internet Options>Advanced>Multimedia>Use ClearTypeشيل الصح من عندها وسكر المتصفح وإفتحه مره ثانيه وبيصير كووووول شي أوكي
ـ
ـ
وهذي واجهة الإنترنت إكسبلورر 7
الحين كل واحد يختار المتصفح الي يناسبه على حسب احتياجاته وامكانيات جهازه وسرعة الانترنت عنده
وهذي الإصدارات الأخيره كامله ومجانيه لعيون أعضاء قروب أبو نواف
الفايرفوكس (عربي)من موقع البرنامج
MozillaFirefox
Opera
Avant Browser
إختيار اللغه من نفس البرنامج
Internetexplorer 7
وأتمنى إنكم إستفدتوا من هالتقرير و إعذروني على القصور
تحياتي لكم
مـــصـــطـــفـــى
