رسائل المجموعة

.. ليلة حنتنا غير ..

السلامـ عليكمـ ورحمة اللهـ وبركاتهـ ..

صبآحكم و مسآكم كيف ما تتمنوهـ

قبل أيآم كآنت عندنآ منآسبآت زوآجآت الله يجعل بيوتكم عآمرة بالأفرآح

ومن أسآسيآت الأفرآح عندنا ليلة الحنآء الشعبية والمتعآرف عليها
مع بعض الإختلآفأت البسيطة عن العآدآت القديمة إلا إن هالليلة تتميز
بـ بسآطتها و ونآستها غير يمكن لأن الزوآج له رهبته و رسمي أكثر

العروس في ليلة الحناء تكون مغطية ماحد يشوفها غير أهلهآ حتى لو في
البيت الى يوم الزواج وفستان الحنة له اشكال و أسماء مختلفة كثير .
وحسب لون فستان العروس يكون لون كل شيء وعروسنا كان لونها
أصفر و ذهبي

وهالليلة من المتعارف عليه ان أم العروس هي اللي تقوم فيها .
وكل الاهل يشاركون أم العروس هالليلة من هدايا وحلويات … الخ

وبمآ إن العروس غآلية علينا حيل ومانعتبرها إلا أختنا أو بنت أختنا
حبينا نساعدها في بعض الشغلات الأساسية في مثل هالليلة
وهذي ورشة عملنا على الصوآني و هدايا التوزيع

جد كثير على تقاليد هالليلة منها التوزيعات تكون عبارة عن :

هدايا حناء جافة أو شموع بالاضافة الى ان العروس يسوون لها كوشة صغيرة
وبعد ماكانت في البيوت صاروا يسوونها في صالات حفلات مثل الزواج بالضبط
و المتعآرف عليه ملآبس الحفل تكون غالبا جلآبيآت سوآء كآنوآ صغار أو كبآر
زمان كانوا يحنون العروس الحين صاروا ينقشونها وطبيعي يوم الحنة كل الأهل
يجون في بيت العروس اللي بدورهم يجيبون نقاشة ويتحنون صغار او كبار
وعندنا ليلة الحنة نادرا مايكون فيها طقاقات لان محد يعرف طقوسنا غيرنا
وتكاليف الحفل في الصالات ماتفرق كثير عن اقامتها في البيت لان كل شيء
في الحفل بسيط وغير متكلف ابدا 🙂

قولوا مآشآء الله وسموا بالله ونبتدي مع الصور

هذي ورشة عمل هدايا الحنة

وهذي النتيجة وكان المفروض تكون ضمن تنسيق الطاولة

وهذي توزيعات سوتها قريبتي ( أنوسة ) طريقة التقديم حلوة واقترحت عليها المرة
الجاية تسوي التوزيعات الداخليه بنفس فكرة التقديم الخارجية وجازت لها الفكورة

بس لاتنسين أنوستي ان تصويري حلاها بعيونك أكثر << برآآآ

و من التقاليد القديمة والأسآسية في الحنة اللي يسمونها ( صواني الحناء )

عبارة عن صينية فيها حناء معجونة وفي وسطها شمعة اذا دخلت العروس يزفونها

وحولها يمسكون هالصواني واذا وصلت يجلسونها على كرسي ويدورون
حولها فيهم ويغنون اغاني شعبية بعدين يجلسون حولها و يحطون هالصواني
على الأرض ويكملون اغانيهم وفي نهاية الحفلة يتقاسم المعازيم الحناء او يتحنون فيها .
الفكرة كانت المفروض بطريقة مختلفة لكن مالقينا الصواني اللي نبيها
ولكن سوينا شيء مشابه للفكرة اللي براسنا ..

ليلة الحنة سألنا العروس عن تجهيز الطاولات قالت انها اختارت شمعدان الحلويات ووقال
لها محل يبغلف لها علب مناديل و قارورة موية كبيرة بس اقترحنا عليها فكرة ثانية بحيث ان
كل شخص قدامه فيه منديل و قارورة موية وفنجان القهوة والشاي وحبة شوكليت وتوزيعة حنة

جازت لها الفكرة بس الوقت ما اسعفنا ابد نسوي الشوكليت والتوزيعات فضلت انها تقدم في سلات

وجهزنا لـ 18 طاولة و 144 كرسي بس ما تذكرت اصور حوسة التجهيز هالمرة
لان الوقت مرة ضيق والكمية كبيرة بس ماشااءلله علينا خلصناها بوقت قياسي
وكمفرش في وسط الطاولة استبدلاناه بـ تل أصفر من نفس لون صواني الحناء .

ولان المحلات مالقيت فيها كل شيء متوفر بالكمية المطلوبة جهزنا من كل شكل
عدد معين من الطاولات حتى يتوحد الشكل على نفس الطآولة .
ولأن الحفلة عائلية تجاوزنا عن هالتنويع

ورشة العمل كانت تتضمن :
ماء + منآديل + ورق تغليف اصفر + وردات + شريط ذهبي عريض و وسط + مقص + مسدس صمغ

وهذي النتيجة

.. 1..

.. 2 ..

.. 3 ..

وهذا شكل الطآولات بعد ما رتبناها

وهذي الكوشة اختيار عروستنا ولان المحل مااضاف شيء على الاستاندات الا
مفارش لونها كموني استبدلاناها بصواني الحناء وطلع شكلها مرتب و حلو

اضغطوا على الصورة تشوفونها بشكل أوضح

وبعد ما وصلت العروس وخلصوا طبل وأغاني طلعت جلست في الكوشة
زفوا الهدايا معاها من قبل ورتبناها على الكوشة حتى نصورها قبل توزيعها
الصورة مشوهة كثير لاني ماصورت ولا صورة الا بعد مادخلت عروستنا فلازم قص وتعديل

.. الله يوفقنا عرسانا ويسعدهم في حياتهم ويوفق الجميع ..

.. ان شاءالله تكون حفلتنا اعجبتكم والله يديم علينا وعليكم المنآسبآت السعيدة ..

و أخيـــــرا

الموضوع للجميع لكن ما أسآمح أي كآن
ينقل الموضوع ويحذف اي جزء منه حتى هالإقتباس او يعدل على الصور او يعيد رفعها على موقع آخر

.. تقبلوآ مني أعطر و أعذب تحية ..

..noor-elshams ..


noor-elshams
مدونـــــــــــــــتي


تابعوا جديد شبكة أبونواف على فيس بوك وتويتر

   

مقالات ذات صلة

‫26 تعليقات

  1. ابداع فوق الخيال وشغلكم مرررررررة راقي ومرتب ونظيف وينم عن حس فخم وراقي بالتوفييق

  2. ناقصين غثا !! شبكه وعرس وقلق وبعد ليلة الحنا تكون بهالكلافه !! مشاء الله عليكم شغلكم روعه مرره لكن اسراف ماله داعي والله اقل شي تكون بالبيت وبسيطه مرره مو بهالشكل الله يوفق عروستكم ويصلحكم 😛

  3. ضحى .. الله يسلمك كلك ذوق .. اسعدتيني باعجابك وتعليقك شكرا لك 🙂 إيمآن .. عليكم السلام ورحمة الله وبركاته غثا!! ما أدري اذا الفرح عندكم تسمونه غثا !! الزواج مرة في العمر والعروس يتكلفون لها حفل ماتشوف منه ربع ساعه .. بهالليلة العروس تحضر كل شيء وتشوفه مع اللي يعز عليها 🙂 الحفلة ماكانت مكلفة لو كانت بالبيت كانت بنفس التكاليف يمكن زادت الفين او 3 لكن ريحت من حوسة البيت والعشاء وتعبه .. 🙂 صدقيني اختي حنا مانحب الاسراف لو مسرفين كان سوينا هالشغل كله عند اي محل واخذ مبالغ مرتفعه 🙂 كل هالشغل والتنسيق ماكلف ألف ريال . لكن الاحساس بالفرح مايتقدر بثمن 🙂 الله يفرح الجميع ويديم عليهم السعادة ويوفق كل العرسان في حياتهم 🙂

  4. تسلموا اخيتي على هالموضوع الحلو ذكرتوني بديرتي ديرة الفل والكادي والحنا :$:$:$ مشكورين بس غرفة النوم اعجبتني بارفعها في المنتدى B B B

  5. الف مبروك كل ما معمول هو غاية في الدوق والروعة ومأخوذ من عاداتنا وتقاليدنا والحفاظ على العادات يعني الحفاظ على روح العصر مبروك

  6. يعطيك العافيه وماقصرتي بس حرام عليكم ارحموا الشباب من المصاريف الى مالها داعي ياخي بطلنا نتزوج منوين نجيب فلوس؟؟؟؟؟؟؟؟؟ مهر شبكه حفلة العرس الشقه وتجهيز الشقة وشهر عسل غير االاشياء الخفشاريه = الوضع على الحديده واسف على الدخله الغلط والله يوفقكها يارب..

  7. ماشاء الله تبارك الله اللهم بارك لهما وبرارك عليهما واجمع بينهما بخير صحيح الحفله مكلفه واذا هذي ليلة الحنا اجل شنو بتسوون بالزواج بس كلن يسوي على قد فولسه مادام عندكم خير ماشاء الله سووا اللي تبونه واهم شي تستانسون وتونسون العروس الله يديم النعمه دوووووووووووم … موفقين..

  8. الله يعطيك العافية يا نور الشمس … وعاداتنا تشبه عاداتكم تقريبا بس بصراحة انتوا احلى … واقول والله اعطيتينا افكار رائعة وجديدة وحلوة .. وانشاء الله بالمرات الجاية تكون افكارك دخلت بيوتنا … صج شي رائع رائع رائع ……. خليتيني ودي اتزوج مرة ثانية ههههههههههههه :$:$:$ ومرة ثانية يعطيك والي معاك العافية ..ومشكورة ألف شكر ع هالصور الجميلة

  9. الله يسعدهم و ويوفقهم ويجمع بينهم في خير . والتنسيق راقي جدا ، يعطيكم العافية .

  10. تزوجو فقراء يغنيكم اللة فى داعى لاحراج الشباب ما انتو سبب البلاوى دى كلها اللة يهدينا ويهديكم

  11. كعبول .. الله يسلمك اخوي ويديم ايام الفرح على الجميع 🙂 الحمدلله فيه رجال شهدوا بان هالليلة تقليد متعارف عليه ^_^ بس ما أدري عن أي غرفة تتكلم !! .. شكرا لك 🙂 عشتار .. الله يحييك .. ويبارك فيك .. اسعدني اعجابك بشغلنا وان شاء الله حفلاتكم تكون احلى واحلى 🙂 Dr.wise .. عليكم السلام والرحمة .. ربي يعافيك ويسلمك اخوي .. انا سبق وذكرت ان هالليلة مايتكفل فيها المعرس وتكون على اهل العروس ومافيها تكاليف واجد .. اذا المعرس بتكفل كل شيء خلي العروس تتكفل شيء واحد ^_^ الزواج مرة بالعمر وكثير ناس ماتعرف حتى هالليلة الله يسعد الجميع ويوفقهم 🙂 شكرا لك ..

  12. معاه روحي .. آمـــين الله يوفق الجميع اخوي .. والله الحفلة مافيها تكلفة كبيرة وممكن تكون بالبيت بس المهم نحي هالليلة لان لها طابع مميز وحلو 🙂 الله يديم علينا وعليكم الافراح والمناسبات السعيدة .. شكرا لك ..:) kj yousif .. الله يعافيك ويسلمك .. 🙂 حلو الحمدلله فيه احد يسوي مثلنا بديت أحس باحباط الكل ضد هالليلة او مايعرفها ^_^ اسعدتيني باعجابك بشغلنا وان شاء الله تفيدك في مناسباتكم ^_^ شكـــــرا لك 🙂 محمد .. اللهم آمـــــــين ويا الجميع ..:) اسعدتني اخوي باعجابك ومشاركتك .. شكـــرا لك ..:) صلاح .. الله يهدي الجميع 🙂 اي بلاوي الله يسامحك اللي احنا سببها !! يمكن ما قرات اللي كتبته هالحفل يتكفل فيه اهل العروس مو العريس وأهله 🙂 ومو شرط يكون في صالة الطبيعي انه يكون في البيت بس حفلنا كان في صالة .. 🙂 شكرا لك ..:)

  13. بسم الله وماشاء الله غاية في الجمال والإبداع وقمةالذوق شغل عدل ومرستك الله يوفق عروستكم وعقبال مانشوف ليلة حنتك. وسلميلي على انوووسه وقليلها ان فكرة توزيعاتها مره عجبتني وناويه اعمل مثلها لصديقتي . وعندي سؤال هي كيف عامله الكيس الخارجي ؟ وبس.

  14. ماشاء الله الله يوفق العروسة حبيت قلبي صديقتي بصراحة تفاجأت يوم شفت الايميل لاني كنت حاضرة 😀 لاول مرة اشوف حناء بس كان حلووو تحسينه فرحة يختلف عن الزواج أحلى بكثير وخاصة الاغاني عجبتني حيل حلووووة الله يسعدها يارب ويهنيها

  15. اول شي الف مبروك لكن من وجهة نظري ماله داعي التكاليف واذا على الفرحه تكفي فرحة يوم الزواج ولاتقولين مافيه تكاليف لان الواضح انها بفندق صحاري وهالفندق مايعتبر رخيص والف مبروك مره ثانيه

  16. بكرة أحلى .. اسعدتيني باعجابك وتعليقك والله يوفق الجميع ان شاءالله ..:) ان شاءالله ولا يهمك يبلغ سلامك لأنوسة ^_^ الكيس الخارجي والتوزيعات كلها بالخيش الخارجي خيطت الخيش وبتلاقينه عند اي مكتبة القماش وبعدين الاطراف تسوينها بنفس الطريقة في الصورة وتجيبين الخيط بالاصل لونه ابيض بس رشته ببويه ذهبي يجف بسرعه وبعدها تدخلينه في فتحات تسوينها في نفس الكيس وبس 🙂 موفقين ان شاءالهل وربي يتمم لعروستكم على خير ..:) الصفا اسلام ربي يسلمك ويعافيك .. اسعدتيني بتعليقك .. شكرا لك 🙂 حنووو .. واااااااااو مو مصدقة ان في القروب أحد أعرفه ^_^ انا تفاجأت بعد يوم شفت ردك وانبسطت كثير .. أكيد انتِ صديقة العروس ^_* اعجابك وحضورك حنتنا عروستنا شرفنا واسعدنا كثير وان شاءالله في كل حنة بنعزمك ^_^ المهم حفظتي شيء من الاغاني العجيب ؟؟ :D:D:D:D الله يسعدك ويوفقك وين ماكنتِ ولنا لقاء ان شاءالله بس ترجع عروستنا ^_^ شكــــــــــــــــرا لك 🙂

  17. ماشاء الله شغلك ابدآآع وبسيط ماعندنا ليلة حنا بس يوم شفت حركاتك تمنين انه عندنا وشي جديد بجد ماشاء الله رووووووعه تسلم يدك وبالتوفيق للعروسين 🙂

  18. لولو .. الله يبارك فيك ويوفق الجميع ..:) وجهة نظر احترمها وانا لم أفرض عليكم اقامتها .. انا فقط احببت مشاركتكم الليلة واعمالنا ^_^ .. شكرا لك 🙂 نورة .. الله يبارك فيك ويوفق الجميع .. ربي يسلمك ويسعدك حبيبتي اسعدتيني باعجابك .. 🙂 وان شاءالله في مناسباتكم الجاية تعيشين فرحة هالليلة ياقمر ..:) شكرا لك 🙂

  19. ماشاء لله تبارك الله قمة في الرووووعة ..و عجبتني الأفكار راح اسويها في حنتي ان شاءالله بصنعاء والفكرةحلوة ومافيها تكاليف أبدا ً.. ألف مليون مبروك

  20. بصراحه ابداع بس اناليلهالحنا الي سويتها كان اغلبها اخضر وذهبي والكوشه تصميم قديم عاد حسافه قبل 5 سنوات بس انتظروني ان شاءالله 13 سنه اوريكم ليله الحنا والملكه والزواج حق بنتي جوري

  21. اليمان .. الله يسعدك عروستنا كلك ذوق ..:) الله يوفقك ويتمم لك على خير ان شاءالله .. والافكار فعلا اذا بتسوينها بنفسك ماراح تكلفك كثير ..:) شكـــــــرا لك ..:) أم جوري .. الله يسعدك كلك ذوق ..:) الألوان والتنسيق ممكن يختلف .. المهم الفرحة بهاليوم ..:) الله يخلي لك جوري ويوفقها ويسعدها بحياتها ونشوف ان شاء الله صور حنتها ^_^ شكـــــرا لك ..:)

  22. السلام عليكم ورحمة الله وبركاته كنت مترددا ، فقد كان في ذهني نقل الموضوع بحذافيره لمنتدى واسع الانتشار من باب عرض موضوع ( ليلة الحناء ) 🙂 والحمد لله أن وجدت التحذير في آخر الموضوع .. فكان ان صرفت النظر عن الفكرة جملة وتفصيلا .. بارك الله فيكم و وفقكم وأسعدكم في الدنيا والآخرة

  23. حياك الله اخي الكريم سليمان الذويخ .. التحذير فقط لبعض ضعاف النفوس الذين قاموا في بعض مواضيعي بحذف الحقوق واعادة رفع الصور على مواقع اخرى وكأن المواضيع من كتابتهم الشخصية .. وليس لامثالك بارك الله فيك .. ان اردت نقل الموضوع فهذا شرف لي وان كانت بعض المواقع ترفض حقوق مواقع اخرى تستطيع نقل الموضوع من مدونتي فهذا الشيء يسعدني مادام موضوعي نال على رضاكم واستحسانكم 🙂 تصرف بحرية فامثالك لاخوف على ماينقلونه 🙂 شكـــــــــــــــرا لك 🙂

  24. واااااااااااو شغلكم حلو وبسيط من غير تكلف او تعقيد ان شاء الله اياكم عامرة بالافراح والمسرات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى