رسائل المجموعة

لماذا منعت على ام اس ان بي + أقوى برنامج لـ إزالة فيروسات الماسنجر‎

السلام عليكم ورحمة الله وبركاته //
اخباركم .. ؟! وش علومكم !؟ .. عساكم بخير ؟! ..
كثير أستفسارات جتني عن طريق الايميل  ..
بخصوص مشكلة إن بعض المستخدمين ماسنجراتهم ترسل رسالة التلقائية تحتوي على رابط يوجد بداخله فايروس أو تروجان /

نموذج للرسالة :
اقتباس
لماذا منعت على ام اس ان بي؟ saip
أنا تأكدت من هذا الموقع يمكنك أن ترى
حذفت الرابط للمعلومية .

.
هذي الرسالة أنا أبصم إن من 60 إلى 70 % بالميه منكم وصلته هذي الرسالة ..!
بعضكم فتح الرابط وأصيب بالفايروس وبعضكم طنش . والخ .. !
خلونا في البداية نتكلم عن المشكلة والرسالة ووش سببها ؟! ووش هدف إلي مبرمج الفايروس؟! ..

الهدف من هذي التروجنات والفيروسات .. إما سرقة بيانات ومعلومات المستخدم أو هدف إعلاني مادي ! بتقولون يابيكسل كيف مادي؟! .. ألامر بكل سهولة إن مبرجمين الفيروسات .. يستفيدون منها أعلانياً كيف ؟! .. أغلب شركات الاعلانات والتسويق الالكتروني مثل الياهو وجوجل في مشروع جوجل أدفانس الأعلاني .. تعتمد الاعلان والكسب منها على عدد الضغطات يعني لو الفايروس إنتشر في 300 الف جاهز وهذا العدد يعتبر قليل بحكم إن فيه مئات الملاين من مستخدمين الانترنت حول العالم ولو حسبنا كل جهاز بـ ضغطة وكل ضغطة بـ 0.01 سنت بيطلع لهم 3 الاف دولار يومياً ضرب 30 يوم بتصير 30 الف دولار شهرياً / .. ! طبعاً هذا أقل ناتج ! يمكن حسابه لأن بعض ضغطات جوجل ادفانس توصل لـ 0.05 سنت وعليكم الحساب .. !

طيب يابيكسل .. نبي حل للمشكلة !؟

ولا يهمكم / ..
خلوكم معي بالشرح/ .. !

أول شي نحمل البرنامج من هنا
بعد التحميل .. نبدا بالتثبيت ..

/

نضغط next

/

نحدد مكان تثبيت البرنامج ونضغط نكست

/

نضغط نكست .. !

/

/

نوافق على التثبيت ..

/

ننتظر لحين إنتهاء التثبيت

/

بكذا إنتهى التثبيت ونضغط مثل ماهو بالصوره/

/
بعد إنتهاء عملية التثبيت .. تفتح لنا واجهة البرنامج الرئيسية .. نضغط سكان عشان نفحص الفيروسات ونزليها ونزيل المشكلة الخبيثة / .. !

/

الصوره تتكلم /
بعد كذا .. !

/

إذا كان فيه ملفات مصابة وفيروسات والخ .. بتطلع لنا مثل مافي الصورة مكان الملفات المصابة بالجداول .. وراح يعطينا تقرير عنها ..

/

يحتاج أتكلم ؟ .. كل شي موضح بالصورة ..
ابي منكم الا الدعاء في ظهر الغيب
/
أتمنى عن النقل ذكر المصدر 🙂

*ملاحظة:
شبكة أبو نواف لا تتحمل مسؤولية أي ضرر
قد يسببه استخدام هذا البرنامج



مابي منكم الا الدعاء في ظهر الغيب
/

مقالات ذات صلة

‫26 تعليقات

  1. بصراحه البرنامج جدا رائع الله يعطيك العافية والصحة ولا تخافون دعينالكم من كل قلوبنا كثر الله من أمثالكم وشكرا مرة ثانية

  2. السلام عليكم صباح الخير يسعدني اكون اول وحده تحمل البرنامج وترد ع الموضوع الحمدلله جهازي سليم:) يعطيك العافيه

  3. وعليكم السلام والرحمه ايه جتني كذا مره هاالحركه 🙁 بس الحين يوم ثبت البرنامج وخلاص. يقول صادف مسن مشكله ومدري وش .وش الحل 🙁 الله يعطيك العافيه يابكسل .:D

  4. اللهـ يجزاكـ خير يا اخويـ على هالبرنامجـ الرائعـ .. وتقبلـ خالصـ شكريـ .. عبد العزيز الشهرانيـ ..

  5. مشكووور وجزاك الله خير مشكلة اعاني منها طيييييب واذا طلعت لنا الفيروسات وعطانا تقرير عنها وش نسوي؟؟ هو يتفاهم معها ويحذفها؟؟

  6. تكفى ياخوي ارسلي رابط استطيع من خلاله تحميل برنامج كاسبر سكاي2010 تكفى والف الف الف شكر:D

  7. انا فتحت هالرساله مع اني حسيت انها ممكن فايروس بس مدري ليه فتحتها:~ وصار عندي فايروس ع الجهاز ينشئ مجلد 🙁 السؤال هل اذا حملت هالبرنامج مع العلم اني عندي برنامج مكافي بيكون فيه تعارض بين الثنين وينعدم الجهاز والا مافيه مشكله لان مكافي طلع انه فيه فايروس بس ماانحذف هالفايروس من الجهاز ؟؟؟ وجزاك الله كل خير

  8. لك مني كل الحب والتقدير وشكرا على التنبية وشكرا على ماتحملة من خير للاخرين وان دل هذا على شيئ انما يدل على نبلك

  9. يا يايا .. كثرة برامج الحمايه تضر بالجهاز .. خذلك واحد عدل و ريح عمرك .. الفايروس هذا صار عند واحد من الشباب و قلتله .. قالي دقيقه .. بعد شوي قالي : موجود فايروس ومسحته , و اذا جاتك رساله قلي .. قلت له شنو برنامج الحمايه , قالي ESET NOD23 اللي يبي يريح مخه بلا كاسبر بلا بطيخ .. يحط النود على فكره .. النود صاد لي 21 فايروس .. الكاسبر 2010 ما صادهم

  10. السلام عليكم ورحمة الله وبركاته الله يعطيك العافية أخوي ماقصرت… إذا مافي عندك مشكلة بطلب منك طلب وان شاء الله تقدر تنفذهـ لأن الكل بيستفيد… أخوي ياليت تكتب لنا موضوع عن أفضل برامج الحماية لأجهزة الكمبوتر مثل كاسبر سكاي او نورتون او نود وغيرها… وبعد متى نسويلها ابديت كل كم يعني… ولازم نشتري كل فترة حق الأبديت… هالموضوع مره مهم نبغى نعرف عنه ياليت تفيدنا وشاكرين لك… الله يوفقك ويعطيك الف عافيه…

  11. الله يعطيك العافيه بس لو تعلمني وضعو وضع لل الموضوع ممتاز جدا لاكن ما عترفلو مزبوط يعني الشغلات الي يعرفلو يحملي اياه على الايميل التالي اششقشمس@اخفةشهمزؤخة و شكراو تقبل مروري

  12. شكراً أخوي يعطيك العافية ويجزاك كل خير والله أنا جاتني هالرسالة وحاولت أفتحها بس طول معاي وخرجت لأني كنت مستعجلة يعطيك العافية

  13. الف شكر لك اخوي والله جتني هالرساله وفتحتها وصارت ترسل للعالم تلقائي وتوهقت مدري شسوي بس الحمد لله حمل برنامجك وان شاء الله ينفع 🙁

  14. البرنامج بعد ماحملته طلعلي من الحماية الي بالكمبيور انو في فايرس حصان طروادة Torjan horse واعتقد الكل يعرف هو ايش والي مايرفه يبحث بقوقل هذا من اخطر الفايروسات… الحمدلله انو قدرت احذفه وحرقته حمايتي لكن الأخرين الله اعلم… رجائا اخوي تأكد من اي برنامج قبل تنزله…

  15. أولا يعطيك العافيه عالموضوع الرائع والشرح الأروع ثانيا : أنا عندي مشكله في الماسنجر إذا دخلت عالمسن وإشتغل وجت قائمة جهات الإتصال شوياااااات إلا هو طالع من المسن لحاله يسوي تسجيل خروج ويطلع لحاله مع العلم إن المسن اللي عندي آخر إصدار وكم مره مسحت البرنامج من الجهاز ورجعت ثبته وترجع نفس المشكله فما أدري وش علته وديته لمستوصف الكمبيوترات:D اللي بالحي عندنا قالي فايروس بالجهاز بتاعك !!!!!!!! فإذا عندك خبره عن هالموضوع وتفيدنا أكون شــاكر ومــقــدر لــك

  16. مشكور على التنبية انا بصراحة جتني هالرسالة وضغطت على هالرابط لكن ما انفتح وجيت انا وسكرته ..وبعدها ما صار شي ؟؟؟؟؟؟ ارجوا انك تقولنا العلامات الي تدل اذا الموقع سبب ضرر للجهاز ولا لا تحياتي نواف

  17. جزاكم الله خيرا،وأنا لدي نفس السؤال:هل يغني مكافح فيروسات مثل كاسبرعن مكافح فيروسات الماسنجر؟وعلى فكرةاناظهرت لي نفس الرسالةعلى الماسنجر:(لماذامنعت على ام بي سي…الخ الرسالة)فظغت على الرابط من أجل فتح الرسالة،ولم يعترضني الكاسبر فما السبب؟

  18. بصراحه جتني هالرساله على المسن من شخص ثقه وفتحتها:( ومن زود اللقافه حطيت ايميلاتي كلها وحاس ام الدنيا عندي بالجهاز وسبب لي مشاكل مع المضافين بالمسن ام الحاله والله:~ بس الحمدلله بعد الفرمته رجع زي ماكان 😀 اشكرك اخوي على هالشرح الله يوفقك ويسهل دربك

  19. مشكور بكسل ..ع الموضوع بس عندي سؤال …هل يتعارض تركيب البرنامج مع برنامج أفاست الحماية و لا لا الله يعطيك العافية

  20. مشكورررررررررر اوي اوي اوي اوي 🙂 وينك احب راسك .. يالله كم تعذبت .. انقذت حياتي وحياة ايميلي من الهلاك هعهع .. جوزيت خيرأأإأ

  21. B B B B B B B B B B B B B B B B جزيت خيرا عندي مشكلة اكثر ازعاج وهي اثناء الارسال في البريد تأتي رسالة التحقق اللي بها رموز وتنعيد كتابتهم مثل الرد هنا به صورة للتأكيد تكفى اذا عندك حل لهذي المشكلة جيبها الله يبارك فيك وانا كل ما ارسل رساله راح اقول الله يوفقك يا بيكسل B B B B B B B B B B

  22. صبحكم / مساكم الله بالخير .. طبعاً برد رد مجمل .. لـ إنشغالي هالفتره .. بالنسبة لتعارض البرنامج مع برامج الحماية .. لا ما يتعارض .. جربته على الكاسبر والايفيرا .. وقف برنامج الحماية اثناء السكان فقط .. بالنسبة لكيفة الحذف .. البرنامج يحذف الفيروسات تلقائي .. هذي أغلب الاستفسارات وأي استفسارات اخرى برجع لها أو على الايميل الشخصي او مدونتي 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى