كلية التربية للاسراف المنزلي – صور

مرسل الرساله :

بسم الله الرحمن الرحيم

من طالبات كلية التربية للاسراف المنزلي !!!

اقصد للاقتصاد المنزلي والتربية الفنية بالرياض

الى قروب ابو نواف

اهلااااااا مرة ثانية

ودايم احنا نزعجكم بكليتنا بس وش نسوي مالنا غيركم

فسوف نأخذكم الآن في جولة حول العالم … قصدي في كليتنا الحبيبة

المهم ماراح نطول عليكم شوفوا الصور واحكموا هل هذا مكان مناسب للتعليم ؟؟

وهل فيه اماكن مثل هذي في الرياض الراقية ؟( انواع النصب)

المهم …. في كليتنا الحبيبة مبنى قديم فيه معامل الكيمياء وحالته حالة (طيب وش الجديد؟) والكلية محتاجين لقاعات زيادة فبنوا مبنى جديد فوق المبنى القديم بحيث مايكون فوقه مباشرة لان اساسه اعمدة ماله دخل فيه ( لو بنوه فوقه كان انهدم ) وطبعا المبنى الجديد علشان نوصل لقاعاته حاطين درج نقعد سنتين علشان نوصل للقاعات وطبعا هالمبنى مافيه دور اول ولا ثاني بس درج ونرقى الى الدور الثالث على طول … وتكرموا الكلية فحطوا لنا مصعد (اصلصيل ،، ليفت ،، سموه اللي تبون) ..

انا ابغى اعرف شئ واحد!!! منهو المهندس الغبي اللي صممه؟؟؟

تخيلووووووووووووووووووووووووووو

حاطين في الدور الثاني فتحه للمصعد ( اصلا مافيه دور ثاني فليش يفتحون فتحه؟؟) يعني اللي بايعه نفسها تضغط على2 وبس … (على فكرة الدور الارضي يعني الدور الاول)

قمة التخلف الحمد لله والشكر

هذا المصعد حاطينه للي تبي تنتحر تطلع فيه

—-

بالله وشرايكم اسلاك كهرباء جنب براده مويه وترا الاسلاك مكشوفه يعني الله يرحم اللي تشرب من هالبراده

—–

هذا معمل الكيمياء والميكروبيولوجي خرابه وحاطينها لنا معمل هذي على قولة الدفاع المدني كليتكم كااااااااااااارثه

—-

هذا باب تراه جديد يودي لمبنى جديد فوق معامل الكيمياء( اللي حاطين فيه مصعد غبي) وطاح عقب الهوا ذيك الايام والى يومكم وهو كذا لاحظو انه متركي على عمود

—–

هذا مقرب شفتو العمود لولا هالعمود كان طاح على البنات

—–

معمل التذوق على قولتهم ولا هو اصلا معمل تشريح الفيران وتجارب الدكتورات المصريات ولا احنا عمرنا ماطبيناه واللي على اليمين هذا مكتب التصوير(اللي مؤشر بالسهم) تحت المكيف الشباك حق استلام الملازم ولاحظو كيف الشمس ساطعة على المكان

—-

هذي طال عمركم الشلال اللي بالكليه قدام المطابخ بالضبط بس انه مطفينه اليوم عشان مافيه بنات

،،،، تطلع منه روايح تاخذ العقل خاصه بالصيف شييييييييي

—–

هذا مطبخ قدام الشلال اللي تو كشخة لو هو مفتوح كان اوريكم اياه لان البنات مايمدحونه

—-

هذي طال عمركم يسمونها القاعه الزجاجيه يحطون فيها معارض اتحدى احد عنده مثل هالقاعه قلبوها مخزن لهم انتو لاحظو الطاولات كيف مكومه وواصلة السقف

—-

هذا باب المخزن اللي فيه كل شي للمطبخ من الى،، بس البنات عمرهم ماشافوا شئ منه

——

هذا بير عندنا قمه الديكورات فيه نستغل الاشياء المستهلكه وش رايكم موب كشخه (انواع القرف)

—–

مغسله مسدوده مع العلم انهم توهم مرممين الحمامات (الرخيص مخيس) من اول ماغيروها وهي كذا المويه ماتنزل

—–

الغرفة البيضاء وش تتوقعون فيها؟؟؟

اكيد ماراح تعرفون ،،،هذي الله يسلمكم غرفه الفيران اللي يبي يروع عياله يجيبهم هنا (على بالهم يسوون تجارب على الفيران والله لو انهم وشو … محد درى عنهم)

—-

لاحظو هذا الباب يودي لقاعه وهذي بسطه الخاله امزح لا هذي من قل الاماكن في الكليه يقعدون البنات هنا مع العلم ان هالمبنى جديد بس مو صالح للاستخدام لانه ايل للسقوط اذا طلعو اكثر من 50 طالبه فيه والمشكلة ايام الامتحانات حاطينها قاعة امتحان لانها وسيعة مرة ( عادي وش فيها اذا طاح المبنى)

—–

هذا من زاويه ثانيه

—

هذي طاولات التصميم اذا جو يرسمون كل وحده ترقى فوق الطاوله ولا وين يوقفون؟؟

—-

بدوووون تعليييق

—-

واحنا ندور وين الزبايل بالكليه ومافي شي بالقاعات !!! اخيرا لقيناها هاهاهاها كشفنااااااااااااااااكم

——

هذي الحديقه حقتنا الهايد بارك لا حظو الثيل والصبار شي والله والزباله هذي ترا مقصوده من الديكور

——

هذي مظلات من اول مافتحت الكليه بس يقال انهم غيروها قامو غيروا المظله من اخضر الى الاحمر شي ولا كانا على الكورنيش بهالطاولات هذي

—-

(فضلا النظافه من خلق الايمان الرجاء ترك المكان نظيف ..الخ) من النظافه الزايده مو واضح باقي الكلام هذي ملصقينها على الطاولات بس لا حياة لمن تنادي

—-

هذي المظله الكشخه نسميها منتزة الخيمة ونسمي المشي فيه بالزفة لانك لما تمشين فيه من اول للاخر كأنك تنزفين كلن يناظر فيك ( انواع الحش والقزقزة)

بصراحة الله يعافي اللي حطها خففت الشمس بكثير وفكرنا نجيب اسكوتر للتنقل بس مانجحت الفكرة

——-

هذي الساحه (منتزة الخيمة ) من جهه ثانيه

—–

هذا اعلان عن ندوه معلقينه على احد جدران الكليه الى اللحين مافيه شي بس خلونا نقربه

—–

لاحظو التاريخ قبل سنتين والى اللحين ماشالوه،،،

الكلية امتلت اعلانات قديمة لدرجة كل مكان فيه اعلان وعاجزين يشلونه؟

—–

الكلية رغم كل اللي فيها بس فيها ميزة عظيمة وهي انها تهتم في مجال الدعوة فحطوا لوحات على ارقى مستوى، هذا غير المحاضرات الدينية،، والله يجزاهم خير مرممين المصلى وفيه كل شئ

بصراحة هذا احسن شئ في الكلية

—-

اظن اننا طولنا عليكم (ماننعطى وجه)

بس هذا اللي قدرنا عليه ( وماخفي أعظم ) هذا بس عن المباني اجل لو تكلمنا عن بعض الدكتورات وعن المواد اللي ندرسها و ….الخ

—-

اكيد الحين تتسائلون .. وش اللي مصبركم على هالغثا اطلعوا من هالكلية وارتاحوا؟؟

نقولكم ليه.. بصراحة مستوى الكليات الثانية نفس الشئ واردى بعد وهذا الكلام ينطبق على جامعة الملك سعود وجامعة الامام محمد

يعني كلنا في الهواااااا سواااااا

مانقول الا حسبنا الله ونعم الوكيل

ونشوفكم مرة ثانية في حلقة اخرى من المسلسل المحلي ( كليتي الحبيبة)

ودمتم سالميييييييييننننننننننننننننن

—-

هذا المسلسل برعاية: قروب ابو نواف

سيناريو وحوار: بنت الكلية

تصوير: مطفوووقة

اخراج: وحدة فاضية