السلام عليكم ورحمة الله وبركـاته
اتمنى ان يكون الجميع بخير وصحة وعافيه
والله يعينكم على الصيفيه بزحمتها و حرهـا
–
–
–
ما ادري لمين اوجه هذا الكلام
بس اعتقد اكثر ما يستاهله هو اللي صاير مشغول الى درجة انه ماعنده وقت يحك شعر راسه
او بالاحرى
للي عنده شغل كثير وحاسس انه وده يكسـر روتينه لو على الاقل اسبوع واحد
احياناً الواحد ( يحس انه راح ينفجر )
ضغوطات عملي الاساسي و عملي الفرعي
عاد الشعب السعودي مايقصر مايجيك يدور الحجز الا قبلها بيومين
والسنه هذه بالذات لافيها سوريا ولا اليمن
يعني ماليزيا و اندنوسيا السنه هذه سعوديه 100%
مو هذا موضوعنا كفاية اسهاب
الموضوع اللي يصلح لي و يصلح لكثير مثلي
كيف تكسر روتينك بأقل التكاليف وفي مكان استجمامي رائع
غالب ثقافة اخواننا الخليجيين ونحن اولهم كسعودين
تلقى الواحد يجمع الين اخر السنه وفي عز الصيف يسافر في عز الغلاء
تقريباً اكثر من 40% يقدر يوفرها في حال انه سافر في وقت آخر
عشان اشرح لكم اكثر راح اضرب مثال شغال انا عليه الان
رحلة طيران الى تركيا بعد 4 اشهر من الان
للشخصين بـ 2930 ريال
يعني 1465 ريال للشخص الواحد ( رحلة اقتصاديه )
يعني تاخذ الحبيبه ( الزوجه ) على تركيا وتقضيها اسبوع في هذا الفندق
وخاصة لو وجدت عرض 6 ليالي بـ 1800 ريال
من اصل 6000 الاف ريــال
وعلى هذه الاطلاله انت مع من تحب تكون وجبة افطاركم او عشائكم
وهذه الغرفه هي التي تحضنكم
يكون مجموعة الفندق + الطيران بـ 4730 ريال
مو يابلاش ؟؟؟
طيب لو قلنا نخليها احلى و نستأجر سياره لمدة 6 ليالي بـ 900 ريال
شاملة التأمين والعداد مفتوح 
وتاخذ جوله على منطقة بولو الساحره من صباح الله خير وحتى المغرب
وتكون في المكان هذا
وتكون معاك احلى قهوة تركيه
وانت راجع لا تنسى تمر على منطقة ( ازمت )
فهي في طريقك وياحلاتها لو مريت على هالمكان
كل ذلك لا يكلفك تقريباُ بـ 5600 ريـال
واحلى مافي ذلك
انها بعيده عن صجة الناس والعالم والعمل والاتصالات و و و الـخ
🙂
تحياتي القلبيه لكم
اخوكم / أبو صهيب
للاستفسـار
لمراسلتي
او
اضغط هنــا
تابعوا جديد شبكة أبونواف على فيس بوك وتويتر
